کراچی: بھتہ خور پھرسراٹھانےلگے، ملزمان کی بھتےکی پرچی دینےکےبعدفائرنگ، زیرتعمیرعمارت کاچوکیدار زخمی
اشاعت کی تاریخ: 2nd, October 2025 GMT
شہرقائد میں ایک مرتبہ پھر بھتہ خورسر اٹھانے لگے،گارڈن جماعت خانے کے قریب بھتہ خوروں نے زیرتعمیرعمارت کے چوکیدارکو بھتے کی پرچی دینے کے بعد فائرنگ کردی جس کے باعث چوکیدار شدید زخمی ہو گیا۔
رپورٹ کے مطابق جمعرات کی صبح سولجربازار تھانے کے علاقے گارڈن جماعت خانے کے قریب نامعلوم مسلح ملزمان کی فائرنگ سے بزرگ شہری زخمی ہوگیا جسے فوری طورپرسول اسپتال منتقل کردیا گیا جہاں زخمی شہری کی شناخت 65 سالہ عبدالبخش ولد انداز کے نام سے کی گئی۔
فائرنگ کے واقعے کی اطلاع پرپولیس موقع پرپہنچ گئی اورپولیس نے جائے وقوع سے شواہد اکٹھا کرنے کے لیے فوری کرائم سین یونٹ کو بھی موقع پرطلب کرلیا۔
ایس ایچ اوسولجر بازار زاہد کھمبو نے بتایا کہ فائرنگ سے زخمی ہونے والا شہری زیر تعمیر عمارت ماشاءاللہ دارالسلام ریزڈینسی کا چوکیدار ہے اورفائرنگ کا واقعہ بھتے کی پرچی دینے کا شاخسانہ ہے۔
انھوں نے بتایا کہ موٹرسائیکل سواربھتہ خوروں نے عمارت کے چوکیدار کو بھتے کی پرچی دینے کے بعد فائرنگ کردی اورفرارہوگئے۔
ملزمان کی فائرنگ سے عمارت کا چوکیدار ٹانگوں پر 2 سے زائد گولیوں لگنے سے شدید زخمی ہوگیا جسے فوری طور پراسپتال منتقل کردیا گیا۔
انھوں نے بتایاکہ ملزمان کی جانب سے بھتہ کی پرچی پرلکھے گئےغیر ملکی موبائل فون پر رابطہ کرنے کا کہا گیا، بھتے کی پرچی لیاری گینگ وار کے بہاد رپی ایم ڈی کی جانب سے زیرتعمیرعمارت کے مصطفیٰ نامی بلڈرکودی گئی۔
پولیس نے جائے وقوع سے شواہد اکٹھا کرکے واقعے میں ملوث ملزمان کی تلاش شروع کردی۔
.
ذریعہ
ذریعہ: Express News
کلیدی لفظ: بھتے کی پرچی ملزمان کی
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار