عالمی قافلے و رضاکاروں پر حملہ اسرائیلی دہشتگردی ہے ،عنایت اللہ خان
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور(جسارت نیوز )جماعت اسلامی صوبہ خیبر پختونخوا شمالی کی جانب سے عالمی فلوٹیلا پر اسرائیلی حملے کے خلاف تمام اضلاع میں احتجاجی مظاہرے ، اسرائیل اور نیتن یاہو معاہدہ مسترد کرتے ہیں۔ عالمی قافلے میں شامل رضاکاروں پر حملہ کھلی جارحیت اور اسرائیلی دہشت گردی ہے۔ گرفتار رضاکاروں کو فوری طور پر رہا کیا جائے۔ اسرائیل کی دہشت گردی روک دی جائے۔ فلسطین کو آزاد ریاست بنائیں گے۔ حماس کے مجاہدوں قدم بڑھاؤ ، ہم تمھارے ساتھ ہے۔ یہودیوں کا ایک علاج الجہاد الجہاد، فلک شگاف نعرے۔ جماعت اسلامی صوبہ خیبر پختونخوا شمالی کے زیرِ اہتمام امیر جماعت اسلامی پاکستان حافظ نعیم الرحمن کی اپیل پر، ملاکنڈ ڈویژن کے تمام اضلاع میں عالمی فلوٹیلا پر اسرائیلی حملے اور اس قافلے میں شامل مشتاق احمد خان اور ان کے ساتھ دنیا بھر کے رضاکاروں کی گرفتاری کے خلاف بھرپور احتجاجی مظاہرے کیے گئے۔ ہر ضلعی ہیڈ کوارٹر اور تحصیل مراکز میں بڑے بڑے مظاہرے منعقد ہوئے۔ سب سے بڑا اور تاریخی احتجاج دیر پائین، تیمرگرہ میں ہوا، جس میں ہزاروں افراد نے شرکت کی۔ اس احتجاج میں جمعیت علما اسلام کے کارکنان نے بھی بھرپور شرکت کی۔ضلع بونیر میں منعقدہ مظاہرے سے خطاب کرتے ہوئے امیر جماعت اسلامی صوبہ خیبر پختونخوا شمالی عنایت اللہ خان، تیمرگرہ میں سابق ممبر قومی اسمبلی نائب امیر جماعت اسلامی صوبہ خیبر پختونخوا شمالی بختار معانی اور دیگر قائدین نے کہا کہ فلسطین کی آزادی اور ایک خودمختار فلسطینی ریاست کے قیام تک جدوجہد جاری رکھی جائے گی۔ رہنماؤں نے کہا کہ ٹرمپ اور نیتن یاہو کا معاہدہ سراسر تعصب پر مبنی ہے اور اسے کسی صورت قبول نہیں کیا جائے گا۔ وزیر اعظم پاکستان پر تنقید کرتے ہوئے مقررین نے کہا کہ ٹرمپ کو امن نوبل انعام کے لیے نامزد کرنا افسوسناک اور ناقابلِ قبول ہے۔ حکومت یہ فیصلہ واپس لے۔مظاہرین نے فلوٹیلا پر اسرائیلی حملے، غیر مسلح امدادی کارکنان کی گرفتاری اور سابق سینیٹر مشتاق احمد خان سمیت دنیا بھر سے شریک رضاکاروں کی حوالگی کے خلاف شدید ردِ عمل کا اظہار کیا۔ قائدین نے کہا کہ فلوٹیلا ایک امن قافلہ تھا جو غزہ کے عوام کے لیے امداد لے کر جا رہا تھا۔ اس پر حملہ انسانی حقوق کی بدترین خلاف ورزی اور اسرائیلی جارحیت کی کھلی مثال ہے۔ اسرائیل کو اس کا جواب دینا پڑے گا۔شرکا نے مطالبہ کیا کہ سینیٹر مشتاق احمد خان اور دنیا بھر سے گرفتار تمام رضاکاروں کو فوری طور پر رہا کیا جائے۔ آخر میں قائدین نے اعلان کیا کہ احتجاج کا یہ سلسلہ جاری رہے گا اور دنیا بھر میں اسرائیلی مظالم کے خلاف آواز بلند کی جاتی رہے گی۔ مالاکنڈ ڈویژن کے دیگر اضلاع چترال ، دیر بالا ، ملاکنڈ ، شانگلہ ، سوات اور باجوڑ میں بھی بھرپور احتجاجی مظاہرے کئے گئے۔
ذریعہ: Jasarat News
کلیدی لفظ: جماعت اسلامی صوبہ خیبر پختونخوا شمالی نے کہا کہ دنیا بھر کے خلاف اور اس
پڑھیں:
گلوبل صمود فلوٹیلا پر اسرائیلی حملے کا عالمی برادری نوٹس لے،جاوید قصوری
data-id="863a0a8" data-element_type="widget" data-widget_type="theme-post-content.default">
251003-11-14
لاہور (وقائع نگارخصوصی)امیر جماعت اسلامی پنجاب محمد جاوید قصوری نے غزہ کے مظلومین کے لئے انسانی ہمدردری کے تحت امداد لے کر جانے والے’’گلوبل صمود فلوٹیلا‘‘ میں جماعت اسلامی کے سابق سینیٹر مشتاق احمد خان سمیت دیگر 45ممالک کے 500 شرکا پر اسرائیلی فوج کی جانب سے حملے اور گرفتاریاں انسانی حقوق کی علمبردار تنظیموں، اقوام متحدہ اور بالخصوص عالمی برادری کے منہ پر زور دار طمانچہ قرار دیتے ہوئے کہا ہے کہ اسرائیل نے تمام اخلاقی حدود کو عبور کر لیا ہے۔امن قافلے غیر مسلح،ان کا مقصد اسرائیلی فوج کی طرف سے غزہ میں ہونے والے ظلم و بربریت، نسل کشی، خواتین اور بچوں کو شہید کر نے والوں کا محاصرہ ختم کرنا اور امداد کو غزہ کے بچوں تک پہنچانا ہے۔ نہتے اور پر امن لوگوں کی گرفتاریوں کاعالمی برادری اس کا سخت نوٹس لے۔ انہوں نے کہا کہ غزہ امداد لے کر جانے والے فلوٹیلا میں دنیا بھر سے افراد شامل ہیں جن کی حفاظت اولین ترجیح ہونی چاہئے۔کتنے شرم کی بات ہے کہ اسرائیل ایک بد مست ہاتھی بن چکا ہے جس کے شر سے کوئی بھی محفوظ نہیں رہا، نیتن یاہو نے عالمی امن کو سنگین خطرات سے دوچار کر دیا ہے۔ دنیا کو اپنی بے حسی ختم کرنی ہو گی۔ اسرائیل نے امریکی پشت پناہی پر 66ہزار سے زائد افراد کو شہید کر دیا ہے جس میں 70فیصد بچے اور خواتین شامل ہیں۔ نیتن یاہو کاغزہ خالی کرنے سے انکار اور قبضہ قائم رکھنے کے اعلان نے امریکن صدر ڈونلڈ ٹرمپ کے نام نہا د امن معاہدے کے غبارے سے ہوا نکال دی ہے۔حکومت پاکستان نے قوم کو اعتماد میں لئے بغیر جس عجلت میں ڈونلڈ ٹرمپ کے معاہدے پر آنکھیں بند کر کے آمین کہا، اس کا انجام سب کے سامنے ہے۔جماعت اسلامی 4اکتوبر کو لاہور میں غزہ میں ہونے والے مظالم اور نام نہاد امن معاہدے پر پاکستانی حکومت کے موقف کے خلاف ملین مارچ کرے گی۔دو ریاستی حل کی آڑ میں اسرائیل کو تسلیم نہیں کرنے دیں گے۔حکومت غلامی کی سیاست چھو ڑ کر قومی وقار اور جرات کی سیاست کریں۔محمد جاوید قصوری نے آزاد کشمیر میں ہونے والے مظاہروں کے نتیجے میں 9افراد کی ہلاک پر شدید غم و غصے اورافسوس کا اظہا ر کرتے اسے قابل مذمت قرار دیا ہے۔ انہوں نے کہا کہ حالات کو کنٹرول میں رکھنا حکومت کی بنیادی ذمہ داری ہوتی ہے جو کہ وہ پوری کرنے میں ناکام ہو چکی ہے۔ حکمران عقل سے کام لیں اور امن کو قائم کیا جائے۔ جماعت اسلامی پر امن احتجاج کی حمایت کرتی ہے۔
نوکری کا جھانسہ دے کر لائی جانے والی دو لڑکیاں بازیاب