غزہ میں جنگبندی کے باوجود صیہونی حملے جاری
اشاعت کی تاریخ: 9th, October 2025 GMT
اپنی ایک رپورٹ میں الجزیرہ كے رپورٹر كا كہنا تھا كہ غاصب صیہونی فوج کا توپخانہ، غزہ کے مختلف علاقوں پر شدید گولہ باری کر رہا ہے۔ اسلام ٹائمز۔ اگرچہ اسرائیل اور فلسطین کی مقاومتی تحریک "حماس" کے درمیان غزہ کی پٹی میں جنگ بندی کے معاہدے کا اعلان کیا گیا ہے، تاہم اس پٹی میں اب بھی جنگ جاری ہے۔ واضح رہے کہ مقامی ذرائع نے حالیہ جمعرات کی صبح غزہ شہر کے مختلف علاقوں پر صیہونی رژیم کے شدید حملوں کی اطلاعات دی ہیں۔ اس سلسلے میں الجزیرہ نیٹ ورک کے رپورٹر نے رپورٹ دی کہ غاصب صیہونی فوج کا توپ خانہ، غزہ کے مختلف علاقوں پر شدید گولہ باری کر رہا ہے۔ دوسری جانب کچھ ہی دیر قبل امریکی صدر "ڈونلڈ ٹرامپ"، قطر کی وزارت خارجہ اور حماس نے اعلان كیا كہ صیہونی رژیم اور حماس کے درمیان جنگ بندی کا معاہدہ عمل میں آگیا ہے۔
.ذریعہ: Islam Times
پڑھیں:
غزہ: اسرائیلی حملوں میں بچوں سمیت 24 فلسطینی شہید، حماس کی ثالثوں سے مداخلت کی اپیل
اسرائیل نے ہفتے کے روز غزہ کے مختلف علاقوں پر ایک بار پھر فضائی حملے کیے، جن میں بچوں سمیت کم از کم 24 فلسطینی شہید اور 87 زخمی ہو گئے جس کے بعد حماس نے جنگ بندی کے ثالثوں سے مداخلت کی اپیل کردی ہے۔
مقامی حکام کے مطابق پہلا حملہ غزہ شہر کے شمالی علاقے میں ایک کار پر کیا گیا، جس کے بعد دیر البلح اور نصیراٹ پناہ گزین کیمپ میں مزید حملے کیے گئے۔
یہ بھی پڑھیے: ’اسرائیل کے خلاف مزاحمت کو جائز سمجھتے ہیں‘، حماس نے غزہ سے متعلق سلامتی کونسل کی قرارداد مسترد کردی
غزہ شہر کے رمال محلے میں ڈرون حملے میں 11 افراد شہید اور 20 زخمی ہوئے، جس کی الشفا اسپتال کے منیجنگ ڈائریکٹر رامی مہنا نے تصدیق کی۔
دیر البلح میں ایک گھر پر ہونے والے حملے میں ایک خاتون سمیت 3 شہری جاں بحق ہوئے۔ نصیراٹ کیمپ میں بھی ایک رہائشی عمارت کو نشانہ بنایا گیا۔
غزہ کی سرکاری میڈیا آفس کے مطابق 10 اکتوبر سے نافذ امریکی ثالثی میں ہونے والی جنگ بندی کی اسرائیل کی جانب سے کم از کم 497 خلاف ورزیاں ریکارڈ کی گئی ہیں۔
یہ بھی پڑھیے: اسرائیلی فورسز کی الخیل میں کرفیو جاری، مسجدِ ابراہیمی مسلمانوں کے لیے بند کر دی
ان حملوں میں 342 فلسطینی شہری شہید ہو چکے ہیں، جن میں بڑی تعداد بچوں، خواتین اور بزرگوں کی ہے۔
اسرائیلی وزیراعظم آفس نے دعویٰ کیا کہ حملے اس وقت کیے گئے جب ایک حماس کارکن نے اسرائیلی کنٹرول والے علاقے میں فوجیوں پر حملہ کیا۔ اسرائیلی بیان کے مطابق کارروائی میں حماس کے پانچ اہم جنگجو مارے گئے۔ حماس کی جانب سے ان جنگجوؤں کے بارے میں فوری ردعمل سامنے نہیں آیا۔
حملوں کے دوران حماس نے اسرائیل پر جعلی بہانوں کے تحت جنگ بندی توڑنے کا الزام لگایا اور ثالثی کرنے والے ممالک امریکا، مصر اور قطر سے فوری مداخلت کی اپیل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل جنگ بندی غزہ فضائی حملہ فلسطین
لبنان میں اقوام متحدہ کی امن فورس پر اسرائیلی فوج کی فائرنگ