کراچی میں تین روز کے دوران موسم کیسا رہے گا؟ محکمہ موسمیات کی پیشگوئی
اشاعت کی تاریخ: 9th, October 2025 GMT
کراچی:
محکمہ موسمیات نے کراچی میں آئندہ تین روز کے لیے موسم کی پیشگوئی کر دی۔
محکمہ موسمیات کی ارلی وارننگ سینٹر پیش گوئی کے مطابق 3 روز کے دوران شہر میں زیادہ تر دھوپ اور موسم مرطوب رہنے کا امکان ہے۔
شہر میں زیادہ سے زیادہ درجہ حرارت 32 تا 34 ڈگری کے درمیان رہنے کی توقع ہے۔
سمندری ہوائیں بدستور بحال رہنے کا امکان ہے جبکہ ہوا میں نمی کا تناسب 25 سے 40 فیصد رہ سکتا ہے۔
واضح رہے کہ کراچی میں اکتوبر کے مہینے کے دوران دن گرم جبکہ رات قدرے بہتر رہتی ہے، گزشتہ روز شہر میں رات کا درجہ حرارت 3 ڈگری گر گیا تھا۔
.ذریعہ: Express News
پڑھیں:
ماتلی ،محکمہ سماجی بہبود کے تحت بچوں کے تحفظ سے متعلق سیمینار
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت) بچوں کے تحفظ سے متعلق آگاہی سیمینار، اساتذہ اور تعلیمی افسران کی بھرپور شرکت۔ماتلی میں محکمہ سماجی بہبود بدین نے محکمہ تعلیم کے تعاون سے گورنمنٹ بوائز ہائی اسکول ماتلی میں بچوں کے تحفظ سے متعلق آگاہی سیمینار منعقد کیا، جس میں محکمہ تعلیم ماتلی کے پرائمری اور سیکنڈری سیکشنز کے تمام میل و فیمیل TEOs، اساتذہ اور تعلیمی عملے نے بڑی تعداد میں شرکت کی۔سیمینار کا مقصد اساتذہ اور تعلیمی ذمہ داران کو بچوں پر ہونے والے تشدد، استحصال، غفلت اور زیادتی کی نشاندہی، رپورٹنگ اور مؤثر حفاظتی اقدامات کے حوالے سے آگاہ کرنا تھا۔ مقررین نے کہا کہ بچوں کا تحفظ معاشرے کی اجتماعی ذمے داری ہے اور تعلیمی اداروں کا کردار اس حوالے سے بنیادی حیثیت رکھتا ہے۔ایڈیشنل ڈائریکٹر سماجی بہبود بدین عبدالغفار کھوسو نے خطاب کرتے ہوئے کہا کہ بچوں کے خلاف تشدد اور استحصال کی روک تھام کے لیے معاشرتی سطح پر مربوط اقدامات ناگزیر ہیں۔ انہوں نے اس بات پر زور دیا کہ 1121 چائلڈ ہیلپ لائن چوبیس گھنٹے فعال ہے اور بچوں کے تحفظ سے متعلق ہر طرح کی شکایات کا فوری اندراج کرتی ہے۔سیمینار سے ڈی ای او احمد خان زنور، چائلڈ پروٹیکشن آفیسر دین محمد ڈیرو، تعلیمی افسر راؤ شاہد راجپوت، علی اختر میمن، محمد عارف سہتو، طارق ظفر راجپوت، نور احمد کھٹی، زاہدہ لغاری، عائشہ سیال اور میڈم بینش نے بھی خطاب کیا۔ مقررین نے کہا کہ اساتذہ بچوں کے رویّوں کو بہتر انداز میں سمجھ کر ان کی مثبت تربیت میں اہم کردار ادا کرتے ہیں۔تقریب کے اختتام پر بہترین کارکردگی دکھانے والے اساتذہ میں تعریفی اسناد بھی تقسیم کی گئیں۔
اردن کے شاہ عبداللّٰہ دوم کو اعلیٰ ترین سول ایوارڈ نشانِ پاکستان سے نوازا گیا