کسی جتھے کو اسلام آباد پر چڑھائی کی اجازت نہیں دی جاسکتی، وزیرداخلہ
اشاعت کی تاریخ: 10th, October 2025 GMT
وفاقی وزیرداخلہ محسن نقوی نے کہا ہے کہ کسی جتھے کو اسلام آباد پر چڑھائی کی اجازت نہیں دی جاسکتی۔
جمعے کی رات وفاقی وزیر داخلہ محسن نقوی اور وزیر مملکت طلال چوہدری نے فیض آباد کا دورہ کیا، جہاں انہوں نے مختلف علاقوں میں سکیورٹی انتظامات کا جائزہ لیا۔
یہ بھی پڑھیں: ٹی ایل پی کا اسلام آباد کی جانب مارچ، پولیس کے ساتھ تصادم کا مقدمہ درج
محسن نقوی نے اسلام آباد پولیس اور فیڈرل کانسٹیبلری کے جوانوں سے ملاقات کی، ان کا حوصلہ بڑھایا اور عوام کے جان و مال کے تحفظ کے لیے انجام دی جانے والی خدمات کو سراہا۔
وزیر داخلہ کا کہنا تھا کہ کسی جتھے کو اسلام آباد یا کسی اور شہر پر چڑھائی کی کسی صورت اجازت نہیں دی جائے گی، اور نہ ہی کسی کو قانون ہاتھ میں لینے کی اجازت دی جا سکتی ہے۔
انہوں نے ڈیوٹی پر موجود اہلکاروں سے کھانے پینے کی سہولیات کے بارے میں دریافت کیا اور آئی جی اسلام آباد پولیس کو ہدایت دی کہ جوانوں کا ہر ممکن خیال رکھا جائے۔
یہ بھی پڑھیں: ٹی ایل پی احتجاج کے نام پر فساد پھیلا رہی ہے، طلال چوہدری
محسن نقوی نے کہا کہ آپ سب پاکستان کے سپاہی ہیں اور قانون کی عملداری یقینی بنانے میں کلیدی کردار ادا کر رہے ہیں۔
دورے کے دوران آئی جی اسلام آباد پولیس، چیف کمشنر، ڈپٹی کمشنر اور دیگر متعلقہ حکام بھی وزیر داخلہ کے ہمراہ تھے۔
یاد رہے کہ تحریک لبیک پاکستان نے لاہور سے اسلام آباد لانگ مارچ کا اعلان کررکھا ہے، دوسری جانب پنجاب حکومت اور اسلام آباد انتظامیہ نے ٹی ایل پی کے لانگ مارچ کو روکنے کے لیے لاہور سے اسلام آباد آنے والے راستے کنٹینر لگا کر بند کردیے ہیں۔
یہ بھی پڑھیں: ٹی ایل پی مارچ، اسلام آباد کے راستوں پر کنٹینرز پہنچا دیے گئے
اسلام آباد میں فیض آباد انٹرچینج پر کنیٹنیر لگا کر اسلام آباد ایکسپریس وے کو ٹریفک کے لیے مکمل بند کردیا گیا ہے۔
لاہور میں ٹی ایل پی کارکنان اور پولیس کے درمیان تصادم بھی ہوا، جس سے کئی پولیس اہلکار زخمی ہوگئے ہیں جبکہ ٹی ایل پی کا دعویٰ ہے کہ پولیس کے تشدد سے 2 کارکن جاں بحق ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد پولیس ٹی ایل پی فیض آباد محسن نقوی.ذریعہ: WE News
کلیدی لفظ: اسلام اباد پولیس ٹی ایل پی فیض ا باد محسن نقوی اسلام ا باد اسلام آباد محسن نقوی ٹی ایل پی کے لیے
پڑھیں:
ٹک ٹاکر ثنا یوسف قتل کیس میں اہم پیشرفت سامنے آگئی
اسلام آباد:ٹک ٹاکر ثنا یوسف قتل کیس میں اہم پیشرفت سامنے آگئی۔
ڈسٹرکٹ اینڈ سیشن کورٹس اسلام آباد میں ایڈیشنل ڈسٹرکٹ اینڈ سیشن جج محمد افضل مجوکہ نے کیس پر سماعت کی۔
سرکاری وکیل راجہ نوید حسین عدالت میں پیش ہوئے، عدالت نے پراسکیوشن کے مزید 3 گواہان کے بیانات ریکارڈ کر لئے۔
ملزم عمر حیات کو گاڑی فراہم کرنے والے شوروم کے مالک، ڈرائیور اور پولیس اہلکار نے آج عدالت میں بیان ریکارڈ کرایا۔ وکلاء صفائی کی جانب سے گواہان پر جرح نہ ہو سکی۔
کیس میں مجموعی طور پر 13 گواہان کے بیانات ریکارڈ ہوچکے ہیں، عدالت کے کیس کی مزید سماعت 6 دسمبر تک ملتوی کردی۔
واضح رہے کہ 2 جون کو اسلام آباد میں 17 سالہ سوشل میڈیا انفلوئنسر ثنا یوسف کو ان کے گھر میں گولی مار کر قتل کردیا گیا تھا۔
پولیس نے ثنا یوسف قتل کا مقدمہ مقتولہ کی والدہ فرزانہ یوسف کی مدعیت میں سمبل پولیس اسٹیشن میں پاکستان پینل کوڈ (پی پی سی) کی دفعہ 302 (ارادی قتل) کے تحت درج کیا گیا تھا، بعد ازاں تکینیکی بنیاد پر کارروائی کرتے ہوئے عمر حیات نامی ملزم کو گرفتار کرلیا گیا تھا۔
17 سالہ ٹک ٹاکر اپنی سوشل میڈیا سرگرمیوں کے لیے مشہور تھیں، ان کے ٹک ٹاک اکاؤنٹ پر تقریباً 8 لاکھ فالوورز اور انسٹاگرام اکاؤنٹ پر تقریباً 5 لاکھ فالوورز تھے۔
مقبوضہ کشمیر کی تاریخ میں کمسن شہید بچی کی کہانی، بھارتی جبر کا سیاہ باب