تحریک لبیک کے احتجاج سے عوام کو شدید پریشانی کا سامنا
اشاعت کی تاریخ: 12th, October 2025 GMT
تحریک لبیک پاکستان (ٹی ایل پی) تیسرے روز بھی جاری احتجاج کے باعث ضرواں شہروں اسلام آباد اور راولپنڈی کی اہم سڑکیں اور شاہراہیں بند ہیں، جس سے شہریوں کو شدید مشکلات کا سامنا ہے۔
یہ بھی پڑھیں:تحریک لبیک کے احتجاج سے اسلام آباد میں زندگی مفلوج، باپ بیمار بچی کو اٹھائے بھاگتا رہا، ویڈیو وائرل
میڈیا رپورٹس کے مطابق احتجاج کی وجہ سے متعدد مقامات پر کنٹینرز کھڑے کیے گئے ہیں، جس سے عام لوگ اور ٹریفک شدید متاثر ہو رہی ہے۔
ٹرانسپورٹ اور مارکیٹیں متاثر
احتجاج کے باعث میٹرو بس سروس اور لوکل ٹرانسپورٹ بند ہیں، جس سے ریلوے اسٹیشن پر مسافروں کا رش بڑھ گیا ہے۔
TLP k Labbaiki dehshatgard raston pe kunday laga kar bijli chori kar rahay hyn pic.
— I b r a h e e m (@Ibraheeeeem92) October 11, 2025
مارکیٹیں بھی بند ہیں جبکہ ایکسپریس وے، فیض آباد اور آئی جی پی روڈ مکمل طور پر بند ہیں۔ راولپنڈی اور اسلام آباد کو ملانے والا فیض آباد انٹرچینج بھی سیل ہے۔
ایئرپورٹ اور انٹرنیٹ سروس متاثرائیرپورٹ جانے والے راستے کنٹینرز کی وجہ سے بند کر دیے گئے ہیں، جبکہ انٹرنیٹ ڈیٹا سروس تیسرے روز بھی معطل ہے۔ تعلیمی ادارے بھی بند ہیں، جس سے طلبہ اور والدین کو مشکلات پیش آ رہی ہیں۔
شہریوں کی پریشانی اور ہنگامی صورت حالاحتجاج کے دوران شہریوں اور پولیس اہلکاروں کے درمیان تلخ کلامی کے واقعات بھی دیکھنے میں آئے۔ کئی مقامات پر ایمبولینسیں پھنس گئیں اور مریضوں کو وقت پر اسپتال منتقل نہیں کیا جا سکا۔
پھر کہتے ہین ہم تو معصوم تھے، پولیس نے ظلم کیا، جبکہ منصوبے کے تحت اینٹوں کی ٹرالیاں مرکز پہنچائ گئیں تاکہ یہ ڈنڈا بردار مجاہد پولیس پر پتھراؤ کر سکیں!#TLP #TLPProtest #saadrizvi pic.twitter.com/I2n434p89G
— Rational Dialogue (@rationaldialgue) October 10, 2025
ایک بچے کی والدہ بے بس ہو کر رو رو کر دہائی دیتی رہیں، جبکہ ایک ضعیف مریض کو ایمبولینس میں ہی ڈرپ لگا کر حالت بہتر رکھنے کی کوشش کی گئی۔
اس صورتحال کے سبب عوامی زندگی شدید متاثر ہوئی ہے اور شہری حکومت سے احتجاج کی وجہ سے پیدا ہونے والی مشکلات کے فوری حل کا مطالبہ کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد تحریک لبیک ٹی ایل پی جڑواں شہر راولپنڈیذریعہ: WE News
کلیدی لفظ: اسلام اباد تحریک لبیک ٹی ایل پی جڑواں شہر راولپنڈی تحریک لبیک بند ہیں
پڑھیں:
مذہبی جماعت کا اسلام آباد کی جانب مارچ، پولیس کے ساتھ تصادم کا مقدمہ درج
مذہبی جماعت کے اسلام آباد کی جانب مارچ کے دوران لاہور کے یتیم خانہ چوک پر کارکنان کے پولیس کے ساتھ تصادم کا مقدمہ درج کر لیا گیا ہے۔
پولیس کے مطابق مقدمہ تھانہ نواں کوٹ میں سرکار کی مدعیت میں درج کیا گیا، جس میں 11 نامزد افراد سمیت 400 نامعلوم ملزمان کو شامل کیا گیا ہے، ایف آئی آر کے مطابق مقدمے میں دہشتگردی، کارِ سرکار میں مداخلت اور اقدامِ قتل کی دفعات شامل کی گئی ہیں۔
یہ بھی پڑھیں: ٹی ایل پی احتجاج کے نام پر فساد پھیلا رہی ہے، طلال چوہدری
ایف آئی آر میں الزام عائد کیا گیا ہے کہ ملزم سعد رضوی اور انس رضوی کی فائرنگ سے ایک شرپسند ہلاک ہوا، جبکہ ملزمان کے پتھراؤ سے ایک اور شخص سیف اللہ بھی جاں بحق ہوا۔
پولیس کا کہنا ہے کہ ملزمان کے حملے سے ایس ایچ او سمیت 7 پولیس اہلکار زخمی ہوئے، جبکہ تصادم کے دوران 2 راہگیر بھی متاثر ہوئے۔
ایف آئی آر کے متن میں مزید کہا گیا ہے کہ ملزمان نے ملتان روڈ بلاک کر کے ریاست اور ریاستی اداروں کے خلاف نعرے بازی کی اور ریاستی املاک کو نقصان پہنچایا۔
یہ بھی پڑھیں: اقصیٰ مارچ: ٹی ایل پی کے کارکنان کے خلاف پولیس نے کریک ڈاؤن کیوں کیا؟
پولیس کے مطابق واقعے کی تحقیقات شروع کردی گئی ہیں جبکہ علاقے میں صورتحال پر قابو پانے کے لیے سیکیورٹی مزید سخت کردی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس تصادم ٹی ایل پی لاہور مارچ مذہبی جماعت مقدمہ درج
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی