ٹیکن چیمپئن ارسلان ایش: سب کہتے تھے تم جاپانیوں اور کوریئنز کو نہیں ہرا سکتے
اشاعت کی تاریخ: 11th, October 2025 GMT
پاکستان کے عالمی شہرت یافتہ ای اسپورٹس چیمپئن ارسلان ایش نے حال ہی میں ایک پوڈکاسٹ میں شرکت کی، جہاں انہوں نے اپنی گیمنگ جرنی، خاندانی جدوجہد اور ٹیکن میں عالمی کامیابی کے سفر پر کھل کر بات کی۔
ارسلان، جن کا تعلق لاہور سے ہے، چھ مرتبہ EVO چیمپئن رہ چکے ہیں اور دنیا بھر میں انہیں ٹیکن کا بہترین کھلاڑی مانا جاتا ہے۔
انہوں نے بتایا کہ ابتدائی دنوں میں گیمنگ کو کیریئر بنانے کا فیصلہ ان کے لیے آسان نہیں تھا۔ ایک لمحہ یاد کرتے ہوئے وہ جذباتی ہوگئے،کہا کہ جب میں نے اپنی والدہ سے کہا کہ میں سی اے نہیں کرنا چاہتا اور صرف ایک بار گیمنگ کے لیے بیرون ملک جانا چاہتا ہوں، تو اُن کی آنکھوں میں ناامیدی دیکھ کر دل ٹوٹ گیا۔ وہ رو رہی تھیں، انہیں لگا میں پڑھائی چھوڑ رہا ہوں۔ مگر میں نے وعدہ کیا کہ صرف ایک سال دیں، پھر جو کہیں گی، وہی کروں گا۔
ارسلان کا کہنا تھا کہ نہ صرف والدین بلکہ اُن کے بھائی اور قریبی دوست بھی ان کے خواب کو سنجیدگی سے نہیں لیتے تھے۔لوگ کہتے تھے تم جاپانیوں اور کورینز کو نہیں ہرا سکتے۔ لیکن میرا ماننا تھا کہ ٹیلنٹ ہر جگہ ہوتا ہے، بس آگاہی اور مواقع کی کمی ہوتی ہے۔
انہوں نے اپنے شروعاتی دنوں کا بھی ذکر کرتے ہوئے کہا کہ میں نے گیم کھیلنا محلے کی دکان سے شروع کیا، جہاں ایک فروٹ شاپ کے پیچھے گیم مشینز رکھی ہوتی تھیں۔ اب وہاں وہی فروٹ شاپ ہے، لیکن مشینیں نہیں — اُسے دکان والے کا بیٹا چلاتا ہے۔
ارسلان کا ماننا ہے کہ کوئی بھی انسان، چاہے وہ کہیں سے بھی ہو، محنت کرے تو آگے بڑھ سکتا ہے۔ ان کے مطابق، جب تک وہ جیتے نہیں، ان کے اپنے بھائی بھی ان پر یقین نہیں رکھتے تھے — اس لیے کامیابی ان کے لیے ضروری تھی۔
ذریعہ: Daily Mumtaz
پڑھیں:
لاہور میں دوسری انٹرنیشنل باکسنگ چیمپئن شپ کا میلہ سج گیا
لاہور میں دوسری انٹرنیشنل باکسنگ چیمپئن شپ کا میلہ سج گیا، 38 غیر ملکی باکسرز سمیت 6 پاکستان باکسرز بھی ایکشن میں ہوں گے، محمد وسیم اپنے ورلڈ ٹائٹل کا دفاع کریں گے۔
مہمان کھلاڑیوں کا کہنا ہے کہ پاکستان آکر بہت اچھا لگا، سکیورٹی سمیت تمام انتظامات بہت زبردست ہیں۔ ورلڈ باکسنگ ایسوسی ایشن کے تعاون سے فائٹ فار گلوری انٹرنیشنل باکسنگ چیمپئن شپ غیر ملکی باکسرز اور آفیشلز پاکستان کے مہمان بن گئے۔
پریس کانفرنس میں صوبائی وزیر کھیل فیصل ایوب کھوکھر مہمان خاص تھے۔ جنہوں نے غیر ملکی باکسرز کی آمد کا شکریہ ادا کیا اور کہا کہ حکومت کھیلوں کے فروغ کے لیے بھر پور اقدامات کررہی ہے۔
چیمپئن شپ میں چھ پاکستانی اور پینتیس بین الاقوامی باکسرز ٹائٹل کے لیے مدمقابل ہوں گے۔ امریکا، برطانیہ، جرمنی، کوریا، آسٹریلیا، آئرلینڈ، فلپائن نیدرلینڈز، مراکو، بینن، گھانا اور فرانس سمیت دیگر ممالک کے باکسرز اپنی صلاحیتوں کا مظاہرہ کریں گے، محمد وسیم اور تھائی لینڈ کے چکرورتی کے درمیان ڈبلیو بی اے سپر بینتھم ویٹ ٹائٹل فائٹ 29 نومبر کو ہوگی۔
محمد وسیم کا کہنا ہے کہ پاکستان میں انٹرنیشنل باکسرز کا ریکارڈ تعداد میں آنا پاکستان پر اعتماد کا اظہار ہے۔ ورلڈ باکسنگ ایسوسی ایشن کے نمائندے بھی یہاں موجود ہیں۔ محمد وسیم نے کہا کہ ٹائٹل کے لیے بھرپور تیاری کی ہے۔ کوشش ہوگی کہ اپنے ٹائٹل کا دفاع کرکے ملک کا نام روشن کروں۔
انٹرنیشنل سطح پر پاکستان کی نمائندگی کرنے والی لوورا اکرم نے پاکستان میں باکسنگ مقابلوں پر خوشی کا اظہار کیا ہے، غیر ملکی باکسرز پاکستان کی مہمان نوازی کی کھل کر تعریف کی۔ چیمپئن شپ میں ملک بھر سے شائقین، قومی ہیروز سمیت شوبز کی ممتاز شخصیات بھی اس ایونٹ کی رونق کو دوبالا کر رہی ہیں۔
بھارت کے ساتھ اب بھی جنگ کا خطرہ ہے: وزیر دفاع