پرندوں کی ہجرت کا عالمی دن، سعودی عرب میں آگاہی مہم آغاز
اشاعت کی تاریخ: 12th, October 2025 GMT
شاہ سلمان قدرتی تحفظ گاہ کی ترقی کے ادارے نے پرندوں کی ہجرت کے عالمی دن کے موقع پر آگاہی مہم شروع کی۔ اس مہم کا مقصد لوگوں میں ان پرندوں اور ان کے قدرتی پناہ گاہوں کے تحفظ کی اہمیت اجاگر کرنا ہے۔
یہ بھی پڑھیں:سعودیہ میں عربی ہرن کی پیدائش، جنگلی حیات کے تحفظ کی کامیابی کا جشن
شاہ سلمان تحفظ گاہ مملکت کی بڑی قدرتی پناہ گاہوں میں شمار ہوتی ہے جہاں ہر سال مختلف موسموں میں سینکڑوں اقسام کے پرندے آرام اور خوراک کے لیے آتے ہیں۔ یہاں پہاڑ، وادیاں، دلدلی زمین اور آبی علاقے موجود ہیں جو پرندوں کے لیے محفوظ اور موزوں ماحول فراہم کرتے ہیں۔
#هيئة_البيئة | تزور أراضي سلطنة عُمان كل عام أسراب الطيور المهاجرة، فتستقبلها الجبال والسهول والبحار بالدفء والغذاء ، وفي #اليوم_العالمي_للطيور_المهاجرة ، وتحت شعار "مدن ومجتمعات صديقة للطيور"، تؤكد سلطنة عُمان التزامها بصون الطبيعة، واحتضان كل جناحٍ عابر في سمائها.
— هيئة البيئة – عُمان (@ea_oman) May 10, 2025
ادارے نے کہا کہ وہ ماحول اور حیاتیاتی تنوع کے تحفظ کے لیے اپنا کردار ادا کرتا رہے گا، تاکہ مملکت کو عالمی سطح پر قدرتی حیات کے تحفظ میں نمایاں مقام حاصل رہے۔
دنیا بھر میں یہ دن ہر سال اس وقت منایا جاتا ہے جب پرندے اپنی ہجرت کے سفر پر نکلتے ہیں، تاکہ لوگوں میں فطرت سے محبت اور اس کے تحفظ کا شعور بڑھایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرندوں کی ہجرت سعودی عرب شاہ سلمان قدرتی تحفظ گاہ عالمی دنذریعہ: WE News
کلیدی لفظ: پرندوں کی ہجرت شاہ سلمان قدرتی تحفظ گاہ عالمی دن کے تحفظ کے لیے
پڑھیں:
ارشد ندیم کے کوچ سلمان بٹ پر تاحیات پابندی
ایتھلیٹکس فیڈریشن آف پاکستان (اے ایف پی) نے اولمپک چیمپئن ارشد ندیم کے کوچ سلمان بٹ پر آئین کی سنگین خلاف ورزیوں کے الزام میں تاحیات پابندی عائد کر دی ہے۔
اے ایف پی کی جانب سے جاری بیان کے مطابق یہ فیصلہ 10 اکتوبر کو صدر وجاہت حسین ساہی کی زیرِ صدارت ایگزیکٹو کمیٹی کے اجلاس میں کیا گیا، جس میں شفافیت، آئینی عملداری اور تنظیمی نظم کو برقرار رکھنے کے لیے اہم انتظامی فیصلے کیے گئے۔
یہ بھی پڑھیں: ارشد ندیم نے ایشین چیمپیئن شپ میں گولڈ میڈل جیتنے کے بعد میاں چنوں پہنچ کر کیا پیغام دیا؟
فیڈریشن نے سلمان بٹ پر الزام عائد کیا کہ انہوں نے بطور سابق عہدیدار پنجاب ایتھلیٹکس ایسوسی ایشن (پی اے اے) کے آئین کی خلاف ورزیاں کیں۔ بیان میں کہا گیا کہ وہ آئندہ کسی بھی ایتھلیٹکس سرگرمی میں، خواہ بطور کوچ، کھلاڑی، عہدیدار یا نمائندہ، ملکی یا بین الاقوامی سطح پر حصہ نہیں لے سکیں گے۔
اسی اجلاس میں حبیب شاہ، سابق سیکریٹری پنجاب ایتھلیٹکس ایسوسی ایشن، پر بھی 10 سال کے لیے ہر قسم کی ایتھلیٹکس سرگرمیوں میں حصہ لینے پر پابندی عائد کی گئی۔
اے ایف پی نے 31 اگست 2025 کو ہونے والے پنجاب ایتھلیٹکس ایسوسی ایشن کے انتخابات کو بھی غیر قانونی، غیر آئینی اور کالعدم قرار دے دیا۔ کمیٹی کے مطابق انتخابات کے اعلان سے صرف دو روز قبل، یعنی 29 اگست کو رات گئے اطلاع دی گئی، حالانکہ فیڈریشن کے آئین کے تحت کم از کم 21 دن پہلے انتخابی اجلاس کا نوٹس جاری کرنا لازمی ہے۔
یہ بھی پڑھیں: پاکستان اسپورٹس بورڈ کی جانب سے ارشد ندیم سمیت 36 کھلاڑیوں میں کیش انعامات تقسیم
مزید کہا گیا کہ حتیٰ کہ ایسوسی ایشن کے سینئر نائب صدر کو بھی انتخابات کے شیڈول کا علم 30 اگست تک نہیں تھا، جو شفافیت کی مکمل کمی اور آئینی اصولوں کی خلاف ورزی کو ظاہر کرتا ہے۔
فیڈریشن نے ان اقدامات کو آئین کو کمزور کرنے کی دانستہ کوشش قرار دیا اور واضح کیا کہ ایسی روش کسی صورت برداشت نہیں کی جائے گی۔ صورتحال کی اصلاح کے لیے ایک منیجمنٹ کمیٹی قائم کی گئی ہے جس کی سربراہی شاہدہ خانم کریں گی۔ یہ کمیٹی پنجاب ایتھلیٹکس ایسوسی ایشن کے شفاف اور آئینی انتخابات منعقد کرائے گی اور اس وقت تک ایسوسی ایشن کے معمول کے امور بھی چلائے گی۔
صدر اے ایف پی وجاہت ساہی نے بتایا کہ انہیں انتخابات کی اطلاع 29 اگست کو رات 11:39 بجے ملی، اور اگلے روز ہی اے ایف پی نے انہیں غیر قانونی قرار دے دیا تھا۔ ان کے مطابق سلمان بٹ 6 اگست کے بعد پی اے اے کے صدر نہیں رہے تھے، لیکن وہ دوبارہ صدارت کے امیدوار بننے کی کوشش کر رہے تھے۔
یہ بھی پڑھیں: ارشد ندیم اور فیملی کے لیے بڑا اعلان، مگر کیا؟
وجاہت ساہی نے کہا کہ تحقیقات مکمل ہونے کے بعد کمیٹی نے سخت کارروائی کی سفارش کی۔ ان کے مطابق اے ایف پی کا مقصد قومی وقار کو بلند رکھنا ہے، جیسا کہ پیرس 2024 اولمپکس میں سونے کا تمغہ جیت کر پاکستان کا نام روشن کیا گیا۔
انہوں نے کہا کہ سلمان بٹ کو تاحیات پابندی کے فیصلے کے خلاف اپیل کا حق حاصل ہے، جیسا کہ آئین میں درج ہے۔
قابلِ ذکر بات یہ ہے کہ سلمان بٹ کو اے ایف پی نے ٹوکیو 2021 اولمپکس کے بعد ارشد ندیم کا کوچ مقرر کیا تھا۔ ان کی کوچنگ میں ارشد ندیم نے 2022 کامن ویلتھ گیمز میں گولڈ، 2023 ورلڈ ایتھلیٹکس چیمپئن شپ میں سلور، اور پیرس 2024 اولمپکس میں گولڈ میڈل جیتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارشد ندیم ایتھلیٹکس فیڈریشن آف پاکستا پابندی عائد سلمان بٹ کوچ
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی