پاکستان نے یقین دلایا ہے اس کےامریکا سے تعلقات بیجنگ کے مفادات کو نقصان نہیں پہنچائیں گے، چین
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
بیجنگ: چین نے پاکستان اور امریکا کے درمیان معدنیاتی نمونوں سے متعلق خبروں کی تردید کردی۔
ترجمان چینی وزارت خارجہ نے کہا کہ چین اور پاکستان ہر موسم کے اسٹریٹجک شراکت دار ہیں، دونوں ممالک کے درمیان آہنی دوستی وقت کی کڑی آزمائشوں پر پوری اتری ہے۔
چینی وزارت خارجہ کے ترجمان کا کہنا تھا کہ دونوں ممالک نے باہمی مفادات سے متعلق اہم امور پر اعلیٰ سطح کا اسٹریٹجک اعتماد اور قریبی رابطہ قائم رکھاہے۔
ترجمان نے مزید کہا کہ دونوں ممالک پاکستان اور امریکا کے درمیان مائننگ تعاون پر رابطے میں ہیں، پاکستان نے یقین دلایا ہے کہ اس کےامریکا سے تعلقات چین کے مفادات یا باہمی تعاون کو نقصان نہیں پہنچائیں گے۔
ترجمان کے مطابق پاکستانی قیادت نے امریکی رہنماؤں کو جو نمونے دکھائے وہ مقامی طور پر خریدے گئے قیمتی پتھروں کے تھے، اس سے متعلق آنے والی خبریں غلط معلومات پرمبنی ہیں یا پھرمن گھڑت ہیں، یہ خبریں چین اورپاکستان کے درمیان دوری پیدا کرنے کی کوشش ہے۔
چینی وزارت خارجہ کے ترجمان کا مزید کہنا تھا کہ چین کے حالیہ ریئر ارتھ ایکسپورٹ کنٹرول اقدامات کا پاکستان سے کوئی تعلق نہیں۔
انہوں نے کہا کہ چینی حکومت کی طرف سے اپنے برآمدی کنٹرول کے نظام کو قوانین اور ضوابط کے مطابق بہتر کرنے کا اقدام ہے، اس کا مقصد عالمی امن اورعلاقائی استحکام کا بہتر طور پر دفاع کرنا اورعدم پھیلاؤ اور دیگر بین الاقوامی ذمہ داریوں کو پورا کرنا ہے۔
ذریعہ: Jasarat News
کلیدی لفظ: کے درمیان
پڑھیں:
عمران خان فیک نیوز ، بھارت اور افغان سوشل میڈیا اکاؤنٹس ملوث ہیں، دفتر خارجہ
data-id="863a0a8" data-element_type="widget" data-widget_type="theme-post-content.default">
اسلام آباد :دفتر خارجہ کے ترجمان طاہر اندرابی نے کہا ہے کہ سوشل میڈیا پر سابق وزیر اعظم عمران خان کے حوالے سے گردش کرنے والی فیک نیوز اور افواہیں نہایت خطرناک ہیں جبکہ بھارتی سائبر ڈومین مسلسل پاکستان کے مختلف شعبوں سے متعلق جھوٹی معلومات پھیلانے میں مصروف ہے۔
ہفتہ وار میڈیا بریفنگ میں طاہر اندرابی نے کہا کہ اب افغان سوشل میڈیا اکاؤنٹس بھی اس مہم میں بھارت کے ساتھ شامل ہو چکے ہیں جو افسوسناک ہے، کئی بھارتی مین اسٹریم میڈیا ادارے اور وہاں کے صحافی بھی اس عمل کا حصہ ہیں۔
عمران خان کی صحت سے متعلق سوال کے جواب میں ترجمان نے کہاکہ سابق وزیر اعظم کی زندگی کے حوالے سے وزیر داخلہ گزشتہ روز وضاحت کر چکے ہیں اور ان کا بیان تمام افواہوں کو ختم کرتا ہے، تحریک انصاف کے سربراہ کی صحت سے متعلق تفصیلات متعلقہ وزارت ہی بہتر طور پر فراہم کر سکتی ہے۔
پاک افغان طالبان جنگ بندی سے متعلق سوال پر ترجمان دفتر خارجہ نے وضاحت کی کہ یہ جنگ بندی روایتی معنوں میں نہیں ہے بلکہ اس کا مقصد یہ ہے کہ افغانستان کی سرپرستی میں کام کرنے والے دہشت گرد گروہوں کی جانب سے پاکستان پر کوئی حملہ نہیں ہونا چاہیے۔
انہوں نے کہا کہ اس کے باوجود پاکستان میں بڑے دہشت گرد حملے کیے گئے، جس سے ظاہر ہوتا ہے کہ جنگ بندی کا احترام نہیں کیا جا رہا، افغان شہری اور ان سے منسلک گروہ حملوں میں ملوث ہیں، اسی وجہ سے اس جنگ بندی کے حوالے سے زیادہ پُرامید نہیں ہو سکتے، اکستان مکمل طور پر چوکس ہے اور ہماری عسکری تیاری مضبوط ہے۔
ترجمان دفتر خارجہ نے بیرون ملک سفر کرنے والے مسافروں کو دستاویزات کے باوجود ایئرپورٹ پر آف لوڈ کیے جانے کے معاملے پر کہا کہ متعلقہ ممالک کی جانب سے ایسی کسی کارروائی کی درخواست نہیں کی گئی، اس حوالے سے وزارت داخلہ سے رابطہ کیا جا سکتا ہے۔
جی 20 اجلاس: فلسطین، سوڈان، یوکرین اور کانگو کے تنازعات کے منصفانہ حل کا مطالبہ