اب گھر بیٹھے ابوظبی میں شادی ممکن
اشاعت کی تاریخ: 16th, October 2025 GMT
ابوظبی نے دنیا بھر کے جوڑوں کے لیے شادی کو نہایت آسان بنا دیا ہے — اب آپ چاہے پاکستان میں ہوں، امریکا میں یا یورپ میں، آپ بغیر متحدہ عرب امارات (یو اے ای) آئے، گھر بیٹھے ابوظبی میں ورچوئل (آن لائن) شادی کرسکتے ہیں۔
ابوظبی حکومت کی جانب سے ایک ڈیجیٹل سروس متعارف کرائی گئی ہے، جس کے ذریعے دنیا کے کسی بھی ملک سے تعلق رکھنے والے، کسی بھی مذہب کے جوڑے،TAMM ایپ یا ابوظبی جوڈیشل ڈیپارٹمنٹ کے پلیٹ فارم کے ذریعے قانونی طور پر شادی کے بندھن میں بندھ سکتے ہیں۔
اس آن لائن سروس کا استعمال نہایت سادہ ہے۔ بس آپ کو ایک اچھی ڈیوائس، مستحکم انٹرنیٹ کنکشن اور چند ضروری دستاویزات کی ضرورت ہوگی۔ ایپ کھولیں، شادی کا فارم بھریں، اپنی دستاویزات اپ لوڈ کریں، شادی کی رسومات مکمل کرنے والے رجسٹرار کو منتخب کریں، اور پھر اپنی شادی کی ورچوئل تقریب کا مزہ لیں — اور یہ سب عمل صرف 24 گھنٹوں کے اندر مکمل ہو سکتا ہے۔
اس سروس کی فیس 800 درہم (تقریباً 61 ہزار پاکستانی روپے) ہے۔ اگر آپ یو اے ای سے باہر مقیم ہیں تو ممکن ہے کہ آپ کو کسی مقامی نمائندے یا وکیل کی خدمات حاصل کرنا پڑیں تاکہ کارروائی مکمل ہو سکے۔ شادی کی تقریب کے بعد، آپ کو سرکاری طور پر تسلیم شدہ شادی کا سرٹیفکیٹ بھی جاری کیا جائے گا، جو نہ صرف یو اے ای بلکہ دنیا بھر میں قابل قبول ہوگا۔ مزید یہ کہ، اگر آپ چاہتے ہیں کہ اس سرٹیفکیٹ کو بیرونِ ملک کسی سرکاری مقصد کے لیے استعمال کیا جائے، تو 300 درہم اضافی فیس ادا کرکے اسے سرکاری سطح پر ٹیسٹ بھی کرایا جا سکتا ہے۔
اس ڈیجیٹل شادی پروگرام کا مقصد ذاتی زندگی سے متعلق قوانین کو جدید بنانا، حکومتی سروسز کو ڈیجیٹل بنانا اور عام لوگوں کے لیے سہولت پیدا کرنا ہے۔ دلچسپ بات یہ ہے کہ کووِڈ-19 کے دوران یو اے ای میں ورچوئل شادیوں کے تجربات کیے گئے تھے، اور اب اسی خیال کو مزید ترقی دے کر دنیا بھر کے جوڑوں کے لیے کھول دیا گیا ہے۔
تو اگر آپ چاہیں تو اب شادی کے لیے سرحدیں آپ کے راستے کی رکاوٹ نہیں رہیں — صرف چند کلکس، اور آپ زندگی کے نئے سفر کی شروعات کر سکتے ہیں۔
ذریعہ: Daily Mumtaz
پڑھیں:
شاہ رخ نے شادی نہ کرنے کا مشورہ دیا تھا،سمرتی ایرانی
بھارتی ٹیلی ویژن کی مقبول اداکارہ سمرتی ایرانی نے انکشاف کیا ہے کہ بالی وڈ کنگ شاہ رخ خان نے انہیں اپنی پہلی ملاقات میں شادی نہ کرنے کا مشورہ دیا تھا۔
حال ہی میں بھارتی میڈیا سےگفتگو کے دوران سمرتی ایرانی نے بتایا کہ ان کی شاہ رخ سے پہلی ملاقات اپنے شوہر زوبن ایرانی کے ذریعے ہوئی تھی اس لیے جب شاہ رخ نے انہیں شادی نہ کرنے کا مشورہ دیا تو انہیں یہ مشورہ بڑا عجیب وغریب اور مضحکہ خیز لگا۔
بھارتی اداکارہ و سیاستدان سمرتی ایرانی کے مطابق ’میرے شوہر شاہ رخ کو جانتے تھے اس لیے میں ان کے پیچھے پڑی ہوئی تھی کہ شاہ رخ سے میری ملاقات کروائیں اور جب میری شاہ رخ سے ملاقات ہوئی تو انہوں نے مجھ سے کہا کہ ’ میں تمہیں بتارہا ہوں کہ شادی مت کرنا‘ جس پر میں نے ان سے کہا کہ بھائی، بہت دیر ہو گئی‘۔
دوسری جانب سمرتی ایرانی نے سلمان خان اور ان کے والد سلیم خان سے پہلی ملاقات سے متعلق بتایا کہ ’ممبئی کے ایک کالج میں سلمان اور میرے شوہر زوبن ایرانی کلاس فیلو تھے، جب زوبن نے مجھے سلمان سے ملوایا تو اس ملاقات میں سلیم خان وہاں موجود تھے‘۔
سمرتی کے مطابق پہلی ملاقات کے دوران سلیم خان نے مجھے کہاکہ تم کو معلوم ہے تمہارے میاں صاحب میرے بیٹے کے ساتھ کیا کرتے ہیں؟ یہ میری کار چرا کر ڈرائیو کیلئے نکل پڑتے تھے، نکمے ہیں دونوں۔
اورکزئی میں سیکیورٹی فورسز کا آپریشن، 30 بھارتی سرپرست یافتہ خوارج جہنم واصل