قرآن حکیم سرچشمۂ ہدایت ہے، جس پر عمل سے کامیابی ممکن ہے، سردار محمد یوسف
اشاعت کی تاریخ: 16th, October 2025 GMT
وفاقی وزیر برائے مذہبی امور سردار محمد یوسف نے کہا ہے کہ قرآن حکیم وہ سرچشمۂ ہدایت ہے جو انسان کو کامیابی کی منزل تک پہنچا سکتا ہے۔ قرآن و سنت سے رہنمائی لے کر ہی ہم اپنے معاشرے کو حقیقی اسلامی اصولوں کے مطابق ڈھال سکتے ہیں۔
وہ جمعرات کے روز یہاں وزارتِ مذہبی امور کے زیر اہتمام چالیسویں سالانہ مقابلہ برائے حفظ و قرأتِ قرآن حکیم کی تقسیمِ اسناد کی تقریب سے خطاب کر رہے تھے۔
وزیر مذہبی امور کا کہنا تھا کہ وہ والدین خوش نصیب ہیں جن کے بچوں کو اللہ تعالیٰ نے قرآن حفظ کرنے اور اس کی تلاوت کی سعادت عطا کی، اور وہ اساتذہ بھی اللہ کے نزدیک بے حد مقبول ہیں جو قرآن کی تعلیم دیتے ہیں۔
یہ بھی پڑھیں: ’پاکستان فلسطین کی حمایت جاری رکھےگا‘، وفاقی وزیر سردار یوسف کی فلسطینی وفد سے گفتگو
سردار محمد یوسف نے کہا کہ قرآن حکیم وہ کتابِ ہدایت ہے جس پر عمل پیرا ہو کر ہم دنیا و آخرت کی کامیابی حاصل کر سکتے ہیں۔
انہوں نے مزید کہا کہ یہ بچے خوش نصیب ہیں جنہوں نے اپنے دلوں کو قرآن کی روشنی سے منور کیا۔ ان بچوں نے ضلعی، ڈویژنل اور صوبائی سطح پر کامیابی کے بعد قومی مقابلے میں شرکت کی۔
وزیر مذہبی امور نے کہا کہ قرآن کی تلاوت روح کی پاکیزگی اور دل کی حلاوت کا ذریعہ ہے اور قرآن کو ٹھہر ٹھہر کر پڑھنے کا حکم دیا گیا ہے۔
مزید پڑھیں: عمرہ ایکٹ پر سختی سے عملدرآمد یقینی بنایا جائے گا، سردار محمد یوسف
انہوں نے کہا کہ ایسے مقابلوں کا انعقاد وزارت کے لیے باعثِ فخر ہے کیونکہ ان سے نہ صرف اخلاقی تربیت بلکہ قومی وحدت بھی مضبوط ہوتی ہے۔
ان کا کہنا تھا کہ یہ بچے امتِ مسلمہ کا حقیقی سرمایہ ہیں اور امید ہے کہ وہ بین الاقوامی مقابلوں میں بھی پاکستان کا نام روشن کریں گے۔
انہوں نے زور دیتے ہوئے کہا کہ ہمیں اپنے معاشرے کو اسلامی اصولوں کے مطابق ڈھالنے کے لیے قرآن و سنت سے رہنمائی لینی ہوگی۔
مزید پڑھیں: پاکستان میں مذہبی اقلیتوں کو مکمل حقوق حاصل ہیں، وفاقی وزیر سردار یوسف
سردار محمد یوسف نے کہا کہ قرآن حکیم سے متعلق تقریبات کا انعقاد اسکولوں، کالجوں اور جامعات کی سطح پر ہونا چاہیے تاکہ نئی نسل کو اس سے زیادہ سے زیادہ جوڑا جا سکے۔
انہوں نے بتایا کہ وزارتِ مذہبی امور کے زیر اہتمام ہونے والے آئندہ بین الاقوامی مقابلے میں دنیا کے 57 ممالک کے بچے شرکت کریں گے۔
وزیر مذہبی امور نے کہا کہ اسلام نیکی کو پھیلانے اور برائی کو روکنے کا حکم دیتا ہے، اس لیے بغیر تحقیق کے کوئی بات آگے نہیں بڑھانی چاہیے۔
مزید پڑھیں:
انہوں نے علما سے اپیل کی کہ وہ محراب و منبر کے ذریعے معاشرتی اصلاح کے لیے اپنا مؤثر کردار ادا کریں۔
تقریب کے اختتام پر وزیر مذہبی امور نے مختلف کیٹیگریز میں نمایاں پوزیشن حاصل کرنے والے طلبہ و طالبات میں نقد انعامات اور اسناد تقسیم کیں۔
مزید پڑھیں:
حفظ کیٹیگری میں 10 سے 35 سال کی عمر کے بچوں اور نوجوانوں میں خیبر پختونخوا کے ضیاء الدین ولد محمد رحیم نے پہلی، بلوچستان کے محمد امین ولد عصمت اللہ نے دوسری اور آرمڈ فورسز کے حافظ محمد علی ولد خواجہ شیخ محمد نے تیسری پوزیشن حاصل کی۔
خواتین کیٹیگری میں اسلام آباد کی حسنہ دختر زاہد نے پہلی، سندھ کی صوبیہ دختر راشد نے دوسری جبکہ پنجاب کی جیشہ منصور دختر منصور میر نے تیسری پوزیشن حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حفظ سردار یوسف قرآن وزارت مذہبی امور وزیر مذہبی امور.ذریعہ: WE News
کلیدی لفظ: سردار یوسف سردار محمد یوسف مزید پڑھیں قرآن حکیم نے کہا کہ انہوں نے کہ قرآن کے لیے
پڑھیں:
پنجاب کابینہ میں رانا محمد اقبال اور منشا اللہ بٹ شامل، سردار سلیم حیدر نے حلف لیا
گورنر پنجاب نے پنجاب کابینہ میں نئے شامل ہونے والے سے ان کے عہدے کا حلف لے لیا۔ حلف برادری تقریب میں سپیکر و ڈپٹی سپیکر پنجاب اسمبلی سینئر صوبائی وزیر، چیف سیکرٹری پنجاب اور پوری صوبائی کابینہ نے شرکت کی۔ اسلام ٹائمز۔ گورنر پنجاب سردار سلیم حیدر خان نے پنجاب کابینہ میں نئے شامل ہونے والے وزرا رانا محمد اقبال اور منشا اللہ بٹ سے ان کے عہدے کا حلف لے لیا۔ حلف برادری تقریب میں سپیکر و ڈپٹی سپیکر پنجاب اسمبلی ملک احمد، ظہیر اقبال چنڑ سینئر صوبائی وزیر مریم اورنگزیب،چیف سیکرٹری پنجاب اور پوری صوبائی کابینہ نے شرکت کی۔ نئی تعینات ہونے والی وزیراعلیٰ کی ایڈوائزر انوشہ رحمان نے بھی تقریب میں شرکت کی جب کہ چیف سیکرٹری پنجاب نے حلف کا تقرر نامہ پڑھ کر سنایا۔ علاوہ ازیں گورنر ہاؤس میں ہونے والی حلف برادری تقریب میں سیاسی اور سماجی لوگوں کی کثیر تعداد نے شرکت کی۔
انڈسٹری میں ٹیلنٹ نہیں، خدوخال دیکھے جاتے ہیں، کئی بار دوسری شادی کی آفرز ہوئیں، امر خان