پاکستان اور افغانستان تعمیری مذاکرات میں مصروف ہیں: دفتر خارجہ
اشاعت کی تاریخ: 17th, October 2025 GMT
دفتر خارجہ کے ترجمان شفقت علی خان نے کہا ہے کہ پاکستان اور افغانستان کے درمیان حالیہ کشیدگی کے باوجود دونوں ممالک مسائل کے پُرامن حل کے لیے تعمیری مذاکرات میں مصروف ہیں۔
اسلام آباد میں ہفتہ وار بریفنگ دیتے ہوئے ترجمان نے بتایا کہ پاکستان نے مسلسل افغانستان میں سرگرم دہشت گرد گروہ “فتنۃ الخوارج” کی موجودگی کی نشاندہی کی ہے۔ ان کے مطابق 11 سے 15 اکتوبر کے دوران سرحدی علاقوں پر طالبان کی جانب سے کیے گئے اشتعال انگیز حملوں پر پاکستان کو شدید تحفظات ہیں، تاہم ان حملوں کا مؤثر جواب دیا گیا اور دفاع کا حق استعمال کرتے ہوئے دہشت گردوں کو پسپا کیا گیا۔
ترجمان کا کہنا تھا کہ جوابی کارروائی صرف دہشت گرد عناصر کے خلاف کی گئی، شہری آبادی کو نقصان پہنچانے سے گریز کیا گیا۔ اس کے بعد، طالبان کی درخواست پر 15 اکتوبر شام 6 بجے سے 48 گھنٹوں کے لیے جنگ بندی کا فیصلہ کیا گیا۔
انہوں نے کہا کہ پاکستان توقع رکھتا ہے کہ طالبان حکومت اپنی سرزمین کو دہشت گردی کے لیے استعمال نہ ہونے دینے کے وعدے پر قائم رہے گی، اور دہشت گرد عناصر کے خلاف مؤثر اور عملی اقدامات اٹھائے گی۔
افغان مہاجرین سے متعلق بات کرتے ہوئے شفقت علی خان نے کہا کہ پاکستان نے چار دہائیوں تک تقریباً 40 لاکھ افغان مہاجرین کی میزبانی کی، لیکن اب غیر ملکیوں کی موجودگی کو عالمی اصولوں اور ملکی قوانین کے مطابق منظم کیا جائے گا۔
ترجمان نے اس بات پر زور دیا کہ پاکستان ایک پُرامن، مستحکم اور خوشحال افغانستان کا خواہاں ہے، اور اُمید ہے کہ افغان عوام جلد ایک نمائندہ اور جامع حکومت کے سائے تلے پرامن زندگی گزار سکیں گے۔
بھارت اور افغانستان کے حالیہ مشترکہ اعلامیے پر پاکستان نے شدید تحفظات کا اظہار کیا۔ ترجمان نے اعلامیے میں جموں و کشمیر سے متعلق مؤقف کو اقوام متحدہ کی قراردادوں اور بین الاقوامی قوانین کی کھلی خلاف ورزی قرار دیا۔
انہوں نے افغان وزیر خارجہ کے اس بیان کو بھی مسترد کیا کہ “دہشت گردی پاکستان کا اندرونی مسئلہ ہے”۔ ترجمان کا کہنا تھا کہ پاکستان نے افغانستان کو اُن دہشت گرد گروہوں کی فہرستیں اور شواہد فراہم کیے ہیں جو پاکستانی سرزمین پر حملوں میں ملوث ہیں۔
شفقت علی خان نے کہا کہ افغان حکومت دہشت گردوں کی اپنی سرزمین پر موجودگی کی ذمہ داری سے خود کو بری نہیں کر سکتی۔ افغانستان میں امن و استحکام کے قیام کی ذمے داری افغان قیادت پر بھی برابر عائد ہوتی ہے۔
ذریعہ: Daily Mumtaz
کلیدی لفظ: کہ پاکستان پاکستان نے نے کہا
پڑھیں:
چین پاک افغان تعلقات میں مسلسل بہتری کیلئے تعمیری کردار ادا کرنےکو تیار ہے،چینی وزارت خارجہ
چین پاک افغان تعلقات میں مسلسل بہتری کیلئے تعمیری کردار ادا کرنےکو تیار ہے،چینی وزارت خارجہ WhatsAppFacebookTwitter 0 16 October, 2025 سب نیوز
بیجنگ : چین کی وزارت خارجہ کے ترجمان لین جئین نے یومیہ پریس کانفرنس میں پاکستان اور افغانستان کی طرف سے 48 گھنٹے کی عارضی جنگ بندی کے نفاذ پر کہا کہ پاکستان اور افغانستان نے عارضی جنگ بندی نافذ کرنے کا فیصلہ کیا ہے ،فریقین تعمیری مکالمے کے ذریعے مسائل کا حل تلاش کریں گے، جو دونوں اطراف کے مشترکہ مفادات کے مطابق اور علاقائی امن و استحکام کے لئے مفید ہے۔
چین اس فیصلے کی حمایت کرتا ہے۔ ترجمان نے کہا کہ پاکستان اور افغانستان دونوں چین کے دوستانہ ہمسایہ ممالک ہیں ۔ چین چاہتا ہے کہ دونوں ممالک تحمل اور احتیاط سے کام لیں ، جامع اور مستحکم جنگ بندی حاصل کریں، مکالمے اور مذاکرات کے ذریعے اختلافات کو حل کریں، اور سیاسی حل کے راستے پر واپس آئیں، تاکہ دونوں ممالک اور خطے کے امن و استحکام کو باہمی طور پر برقرار رکھا جا سکے۔انہوں نے کہا کہ چین مستقبل میں بھی پاکستان اور افغانستان کے تعلقات کی بہتری اور ترقی میں تعمیری کردار ادا کرنے پر تیار ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبرپختونخوا: سکیورٹی فورسز کی کارروائیاں، فتنہ الخوارج کے 34 دہشتگرد جہنم واصل افغانستان میں القاعدہ اور فتنہ الخوارج کی موجودگی کے ناقابلِ تردید شواہد سامنے آ گئے بھارتی نژاد اعلیٰ امریکی عہدیدار کی جاسوسی الزامات میں گرفتاری، تہلکہ خیز انکشافات سامنے آگئے بھاری ٹیرف کے بعد بھارت گھٹنے ٹیکنے پر مجبور، امریکاکو روس سے تیل نہ خریدنےکی یقین دہانی کرادی ہلاک مغویوں کی لاشوں کی حوالگی پر کوئی سمجھوتہ نہیں ہوگا: اسرائیلی وزیراعظم اسرائیلی وزیردفاع کا حماس کو شکست دینےکیلئے فوج کو جامع منصوبہ تیار کرنےکا حکم کولمبیا کا منشیات فروشوں سے ضبط کیا گیا سونا غزہ بھیجنے کا اعلانCopyright © 2025, All Rights Reserved
رابطہ کریں ہماری ٹیم
کراچی، اورنگی ٹاؤن میں پولیس مقابلہ، دو زخمی ڈاکو گرفتار