مریدکے کے واقعات انتہائی افسوس ناک ہیں جس سے ملک میں اصطراب کی فضا پیدا ہورہی ہے، مظہر سعید کاظمی
اشاعت کی تاریخ: 17th, October 2025 GMT
ملتان میں پریس کانفرنس سے خطاب کرتے ہوئے جماعت اہلسنت کے امیر کا کہنا تھا کہ ملکی صورتحال کے پیش نظر تمام واقعات کی تحقیقات کیلئے عدالتی کمیشن بنایا جائے اور سینکڑوں بے گناہ کارکنوں کو فی الفور رہا کیا جائے، بے بنیاد مقدمات ختم کئیے جائیں، شہدا کے لواحقین اور زخمیوں کو مالی امداد دی جائے۔ اسلام ٹائمز۔ جماعت اہل سنت نے موجودہ حالات میں حکمت عملی طے کرنے کیلئے آج لاہور میں کل جماعتی اجلاس منعقد کیا ہے، جس میں موجودہ صورت حال پر تبادلہ خیال کیا جائے گا اس سلسلے میں امیر جماعت اہل سنت پاکستان علامہ پروفیسر سید مظہر سعید کاظمی، سابق وفاقی وزیر ورکن سپریم کونسل جماعت اہل سنت صاحبزادہ سید حامد سعید کاظمی، رکن سپریم کونسل وسیم ممتاز ایڈووکیٹ، ناظم اعلی جماعت اہل سنت پنجاب علامہ محمد فاروق خان سعیدی، صوبائی صدر جمعیت علمائے پاکستان نورانی محمد ایوب مغل، مدرسہ ہدایت القرآن کے مہتمم مفتی محمد عثمان پسروری، پاکستان سنی تحریک کے رہنما مرزا محمد ارشد القادری نے مشترکہ پریس کانفرنس میں کہا کہ جماعت اہل سنت ایک غیرسیاسی مذہبی جماعت ہے، جماعت اہل سنت کے وابستگان اور دینی مدارس کا حالیہ واقعات سے کوئی تعلق نہیں ہے پھر ناجانے کیوں سواد اعظم اہل سنت کو مشتعل کرنے کی مذموم سازش کی جارہی ہے، حکومت اس بات کا نوٹس لے کہ وہ کون سے عناصر ہیں جو بے بنیاد کاروائیوں کے ذریعے ملکی امن کو خراب کرنے کے درپے ہیں جبکہ جماعت اہل سنت کے کارکن ہمیشہ ملکی سلامتی کیلئے کوشاں ہیں۔
انہوں نے کہا کہ مرید کے کے واقعات انتہائی افسوس ناک ہیں جس سے ملک میں اصطراب کی فضا پیدا ہورہی ہے۔ انہوں نے مطالبہ کیا کہ ملکی صورتحال کے پیش نظر تمام واقعات کی تحقیقات کیلئے عدالتی کمیشن بنایا جائے اور سینکڑوں بے گناہ کارکنوں کو فی الفور رہا کیا جائے، بے بنیاد مقدمات ختم کئیے جائیں، شہدا کے لواحقین اور زخمیوں کو مالی امداد دی جائے، متعدد دینی مدارس کو بلاوجہ سر بمہر کیا گیا ہے جنہیں فلفور کھولا جائے موجودہ خلفشار کو دور کرنے کیلئے مذاکرات کا راستہ اختیار کیا جائے۔ علامہ مظہر سعید کاظمی نے کہا کہ ملکی دفاع کیلئے ہم تمام اداروں کے ساتھ سیسہ پلائی دیوار کی طرح کھڑے ہیں، ملکی سلامتی اور دفاع کیلئے کوئی دقیقہ فروگذاشت نہیں کریں گے۔ انہوں نے افغانستان اور بھارت کے پاکستان کے خلاف گٹھ جوڑ کی شدید مزمت کی۔ یہ گٹھ جوڑ اسلام کے خلاف سازش ہے اس حوالے سے پاکستانی افواج نے بھارت کی طرح افغانستان کو بھی شکست سے دوچار کیا ہے۔
علامہ حامد سعید کاظمی نے کہا افسوس ناک پہلو یہ ہے کہ جماعت اہل سنت کی مساجد کو تحویل میں لے کر محکمہ اوقاف کے حوالے کیا جارہا ہے، یہ صورتحال تشویش ناک ہے، انہوں نے کہا کہ لاہور میں آج ہونے والا کل جماعتی اجلاس مشترکہ لائحہ عمل طے کرے گا جس پر عمل درآمد کیلئے پیش رفت کی جائے گی۔ انہوں نے کہا کہ ملکی صورتحال کے پیش نظر وطن عزیز داخلی خلفشار کا متحمل نہیں ہوسکتا۔
ذریعہ
ذریعہ: Islam Times
کلیدی لفظ: جماعت اہل سنت سعید کاظمی نے کہا کہ انہوں نے کیا جائے کہ ملکی
پڑھیں:
پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر
پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر WhatsAppFacebookX 0 23 July, 2026 سب نیوز
راولپنڈی (آئی پی ایس )فیلڈ مارشل سید عاصم منیر نے کہا ہے کہ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا۔راولپنڈی میں جنرل ہیڈ کوارٹرز میں 20ویں قومی ورکشاپ کے دوران بلوچستان سے تعلق رکھنے والے شرکا سے گفتگو کرتے ہوئے فیلڈ مارشل سید عاصم منیر نے کہا کہ سیکیورٹی فورسز کی کوششیں اور عوامی حمایت بلوچستان میں دیرپا امن کے قیام کا باعث بنیں گی، جبکہ امن و استحکام کے لیے فورسز اور عوام کا تعاون ناگزیر ہے۔
پاک فوج کے شعبہ تعلقات عامہ آئی ایس پی آر کے مطابق فیلڈ مارشل نے کہا کہ فتنہ الخوارج اور فتنہ الہندوستان کے خلاف کارروائیاں جاری رہیں گی، انہوں نے دہشتگردی کے بنیادی ڈھانچے کے خاتمے اور پاکستان کے خلاف سرگرم عناصر کے مکمل سدباب کے عزم کا اعادہ کیا۔
انہوں نے کہا کہ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا۔ ان کا کہنا تھا کہ غیر ملکی سرپرستی میں سرگرم پراکسیز بلوچستان کے امن کو خراب کرنے کی کوشش کر رہی ہیں، تاہم مسلح افواج عوامی حمایت کے ساتھ دشمن کے تمام مذموم عزائم ناکام بنائیں گی۔ فیلڈ مارشل نے دہشتگردی کے خلاف جاری اقدامات اور قومی سلامتی کے لیے اجتماعی کوششوں کی اہمیت پر زور دیا۔ اس موقع پر ورکشاپ کے شرکا نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ اگلی خبرپاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار