وزیر داخلہ سے علامہ شاہ اویس نورانی کی ملاقات، مدارس کو بند نہ کرنے پر اتفاق
اشاعت کی تاریخ: 17th, October 2025 GMT
لاہور:وفاقی وزیر داخلہ محسن نقوی سے جمیت علمائے پاکستان کے سیکرٹری جنرل علامہ شاہ اویس نورانی کی ملاقات ہوئی جس میں مذہبی ہم آہنگی، رواداری اور قومی اتحاد پر تفصیلی تبادلہ خیال کیا گیا۔
ملاقات میں اتفاق کیا گیا کہ کسی بھی بے گناہ کے خلاف ہرگز کوئی کارروائی نہیں جائے گی اور بے گناہ کو رہا کیا جائے گا، کسی بھی مدرسے کو بند نہیں کیا جائے گا اور شرپسندوں سے سختی سے نمٹا جائے گا۔
محسن نقوی نے کہا کہ قانون ہاتھ میں لینے کی اجازت ہرگز نہیں دی جائے گی، ریاست کے خلاف ہتھیار اٹھانے کی قطعاً اجازت نہیں دی جا سکتی۔ قائد اعظم کے پاکستان میں شرپسند عناصر اور انتہاء پسندوں کی کوئی گنجائش نہیں۔
وزیر داخلہ کا کہنا تھا کہ بدامنی، انتشار اور انتہا پسندی پھیلانے والے عناصر سے آہنی ہاتھوں سے نمٹا جائے گا، مذہبی ہم آہنگی اور صبر و تحمل کے فروغ میں علمائے کرام کی قابل قدر خدمات ہیں۔
محسن نقوی نے کہا کہ پائیدار امن اور رواداری کے فروغ کے لئے تمام طبقات کو بھر پور کردار ادا کرنا ہے، دینی تعلیم کا فروغ ہم سب کا مشترکہ فریضہ ہے۔
علامہ شاہ اویس نورانی نے کہا کہ ملک میں پائیدار امن، رواداری اور بھائی چارے کے فروغ کے لیے ہر ممکن تعاون کریں گے۔
.ذریعہ: Daily Mumtaz
کلیدی لفظ: جائے گا
پڑھیں:
محسن نقوی سے آسٹریلوی ہائی کمشنر کی ملاقات، انسانی اسمگلنگ اور باہمی تعاون پر تبادلہ خیال
وفاقی وزیر داخلہ محسن نقوی سے آسٹریلیا کے ہائی کمشنر نیل ہاکنز نے ملاقات کی، جس میں پاکستان اور آسٹریلیا کے درمیان مختلف شعبوں میں تعاون کو فروغ دینے پر تفصیلی گفتگو ہوئی، خصوصاً انسانی اسمگلنگ، بارڈر مینجمنٹ اور کوسٹ گارڈز کے شعبوں میں شراکت داری کو مزید مستحکم کرنے پر زور دیا گیا۔
ملاقات کے دوران آسٹریلوی ہائی کمشنر نے پاکستان میں حالیہ دہشتگرد حملوں میں سیکیورٹی فورسز کے اہلکاروں کی شہادت پر افسوس کا اظہار کیا، اور ان کی قربانیوں کو خراج تحسین پیش کیا۔
نیل ہاکنز نے لاہور کے قذافی اسٹیڈیم کی خوبصورتی سے بحالی اور اسلام آباد میں جاری فلاحی و ترقیاتی منصوبوں کو سراہتے ہوئے کہا کہ محسن نقوی کی قیادت میں نمایاں بہتری آئی ہے۔ انہوں نے پاکستان میں اپنے قیام کو یادگار قرار دیا اور خاص طور پر لاہور کے بی بی پاک دامن دربار کو اپنی پسندیدہ جگہ قرار دیا۔
اس موقع پر محسن نقوی نے کہا کہ حکومت غیر قانونی امیگریشن کی روک تھام اور قانونی طریقے سے بیرونِ ملک جانے کے عمل کو فروغ دینے کے لیے پرعزم ہے۔ انہوں نے واضح کیا کہ انسانی اسمگلنگ میں ملوث عناصر کے خلاف سخت کارروائی جاری ہے، اور وطن واپس آنے والے غیر قانونی تارکین کو قانون کا سامنا کرنا پڑے گا۔
وزیر داخلہ نے آسٹریلیا کے ساتھ تعلقات کے فروغ میں نیل ہاکنز کے کردار کو سراہا اور ان کے مستقبل کے لیے نیک خواہشات کا اظہار کیا۔ ملاقات میں وزیر مملکت طلال چوہدری، وفاقی سیکرٹری داخلہ خرم آغا اور آسٹریلوی ہائی کمیشن کے اعلیٰ حکام بھی شریک تھے۔
کرم میں کوئلے کی کان بیٹھ گئی، 5 مزدور جاں بحق