دہشتگردی کے خطرات سے نمٹنے کے لیے ہر ٹرین میں 3 جیمرز نصب کرنے کا فیصلہ
اشاعت کی تاریخ: 18th, October 2025 GMT
قومی اسمبلی کی قائمہ کمیٹی نے پاکستان ریلوے کو حساس روٹس پر باقاعدہ گشت کو مزید مضبوط بنانے اور ہر ٹرین میں 3 جیمز نصب کرنے کی ہدایت کی ہے تاکہ مسافروں کو دہشت گرد حملوں سے محفوظ رکھا جا سکے۔
کمیٹی کا اجلاس چیئرمین کی عدم موجودگی میں رمیش لال کی زیر صدارت ہوا، جس میں جعفر ایکسپریس حملے، ریلوے کی اراضی پر قبضوں اور کراچی۔پپری فریٹ کوریڈور منصوبے پر پیش رفت کا جائزہ لیا گیا۔
یہ بھی پڑھیے: دشت دھماکے کے بعد متاثرہ ٹریک کی مرمت مکمل، جعفر ایکسپریس سمیت بلوچستان میں ٹرین سروسز بحال
اجلاس کے دوران حکام نے بتایا کہ جعفر ایکسپریس کو 7 اکتوبر کو سندھ کے سلطان کوٹ ریلوے اسٹیشن کے قریب ایک دیسی ساختہ بم سے نشانہ بنایا گیا، جس کے نتیجے میں 5 بوگیاں پٹڑی سے اتر گئیں اور ٹریک کو نقصان پہنچا۔ واقعے میں 7 مسافر، جن میں ریلوے کے ملازمین بھی شامل تھے، زخمی ہوئے۔
فریٹ کوریڈور منصوبے سے متعلق بریفنگ میں سیکریٹری ریلوے نے بتایا کہ یہ منصوبہ کیماڑی سے شروع ہو کر کراچی پورٹ کو پپری سے منسلک کرے گا۔ اس راستے پر موٹر وے ایم-9 سے رابطہ قائم کرنے کے لیے 2 نئی ریلوے لائنیں بچھائی جائیں گی۔
یہ بھی پڑھیے: پشاور اور کوئٹہ کا ریلوے رابطہ منقطع، جعفر ایکسپریس 3 روز کے لیے معطل
ابتدائی طور پر ٹرمینل محدود پیمانے پر کام کرے گا اور پہلا مرحلہ 6 ماہ میں مکمل ہونے کی توقع ہے۔ منصوبے پر 400 ملین ڈالر لاگت آئے گی اور روزانہ 17 فریٹ ٹرینیں چلائی جائیں گی۔
ڈی ایس ریلوے سکھر نے کمیٹی کو بتایا کہ سکھر میں ریلوے کی 16,458 ایکڑ اراضی آپریشنل استعمال میں ہے، 3,253 ایکڑ پر قبضے ہیں جبکہ 457 ایکڑ زمین پر قبضہ مافیا کا تسلط ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بم دھماکا ٹرین جعفر ایکسپریس حملہ ریلوے.
ذریعہ
ذریعہ: WE News
کلیدی لفظ: بم دھماکا جعفر ایکسپریس حملہ ریلوے جعفر ایکسپریس کے لیے
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی