دونوں استعفوں پر میرے دستخط موجود ہیں، علی امین گنڈا پور کی تصدیق
اشاعت کی تاریخ: 13th, October 2025 GMT
گورنر خیبرپختونخوا فیصل کریم کنڈی کی جانب سے استعفے پر اعتراض پر وزیراعلیٰ علی امین گنڈا پور نے اپنے ردعمل کا اظہار کرتے ہوئے کہا ہے کہ دونوں استعفوں پر دستخط میرے ہیں۔ تفصیلات کے مطابق خیبرپختونخوا کے سبکدوش ہونے والے وزیر اعلیٰ علی امین گنڈا پور نے اپنے دو استعفوں پر دستخط کی تصدیق کر دی ہے۔ سماجی رابطے کی ویب سائٹ پر اپنے پیغام میں علی امین گنڈا پور نے کہا کہ ہماری قانونی ٹیم نے گورنر کے خط کے تناظر میں مشاورت شروع کردی ہے۔ انہوں نے کہا کہ گورنر خیبرپختونخوا فیصل کریم کنڈی نے بھی اس سے قبل 8 اکتوبر کو استعفیٰ موصول ہونے کی تصدیق کی تھی۔علی امین گنڈا پور نے واضح کیا کہ میں اپنے دونوں استعفوں پر دستخطوں کی تصدیق کرتا ہوں۔ خیال رہے کہ گورنر خیبرپختونخوا نے علی امین گنڈا پور کی طلبی کا خط بھی سوشل میڈیا پر پوسٹ کیا ہے۔ اس حوالے سے ذرائع کا کہنا ہے کہ گورنر کے پی کی جانب سے جاری کردہ خط کے بعد آج نئے قائد ایوان کا انتخاب مشکوک ہو گیا ہے۔
.ذریعہ: Nawaiwaqt
پڑھیں:
سہ ملکی سیریز کا اہم ترین میچ آج کھیلا جائے گا
سہ ملکی سیریز کا اہم ترین میچ آج سری لنکا اور زمبابوے کے درمیان کھیلا جائے گا۔
تفصیلات کے مطابق پاکستان کے پہلے ہی فائنل میں رسائی کے بعد دونوں ٹیموں کے لیے یہ میچ تقریباً ناک آؤٹ صورتحال اختیار کر گیا ہے۔
سری لنکن ٹیم اپنے ابتدائی دونوں میچز میں شکست کے بعد تیسری پوزیشن پر ہے اور اسے اپنے بقیہ دونوں میچز میں لازمی فتح درکار ہے۔
زمبابوین ٹیم تین میں سے ایک میچ میں فتح حاصل کرکے دو پوائنٹس کے ساتھ دوسری پوزیشن پر ہے۔
زمبابوے ٹیم اگر آج ناکامی کا شکار ہوتی ہے تو اسے فائنل میں رسائی کے لیے سری لنکا اور پاکستان کے درمیان میچ کے نتیجے پر انحصار کرنا ہوگا۔
معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں: وزیراعظم