بیوی پر رات میں ناگن بننے کا الزام، حاملہ خاتون نے شوہر کے الزامات پر کیا ردعمل دیا؟
اشاعت کی تاریخ: 13th, October 2025 GMT
اترپردیش کے ضلع سیتاپور کے ایک شخص نے اپنی بیوی پر حیران کن الزام عائد کرتے ہوئے دعویٰ کیا ہے کہ وہ رات کے وقت ’ناگن‘ میں تبدیل ہو جاتی ہے اور اسے ڈسنے کی کوشش کرتی ہے۔ مذکورہ شخص، معراج جس کا تعلق تحصیل محمود آباد کے گاؤں لوڈھاسا سے ہے، اس نے یہ شکایت سرکاری سطح پر منعقدہ عوامی شکایتی پروگرام کے دوران رپورٹ کی۔
معراج کا کہنا ہے کہ اُس کی بیوی نسیمن، ذہنی طور پر ٹھیک نہیں ہے اور رات کے وقت سانپ کی مانند حرکتیں کرتی ہے۔ اُس نے مزید دعویٰ کیا کہ بیوی اسے مارنے کی کوشش کر چکی ہے، اور ایک موقع پر اُسے کاٹ بھی چکی ہے۔
یہ بھی پڑھیں: ’اشتہار دیکھو پھر ٹوائلٹ پیپر لو‘، چین کا نیا انوکھا قانون متعارف
معراج نے کہا کہ ’میری بیوی ہر رات مجھے مارنے کی کوشش کرتی ہے۔ وہ سوتے وقت مجھے ڈسنے کی کوشش کرتی ہے۔ اُس کی حرکات سے میں شدید ذہنی اذیت میں مبتلا ہوں‘۔
تاہم، اس معاملے نے نیا رخ اس وقت اختیار کیا جب معراج کی بیوی نسیمن، نے ایک ویڈیو بیان جاری کرتے ہوئے تمام الزامات کی سختی سے تردید کی۔ نسیمن نے شوہر پر الزام عائد کیا کہ وہ اُسے جھوٹے الزامات کے ذریعے چھوڑنا چاہتا ہے تاکہ دوبارہ شادی کرسکے۔
یہ بھی پڑھیں: افریقی بادشاہ کی 15 بیویوں، 100 خادموں کے ساتھ متحدہ عرب امارات آمد، ویڈیو وائرل
نسیمن نے بیان میں کہا کہ ’میرے شوہر نے کبھی میری دیکھ بھال نہیں کی۔ میں چار ماہ کی حاملہ ہوں لیکن وہ میری طبی ضروریات یا کھانے پینے کا خیال نہیں رکھتا۔ وہ مجھے جہیز کے لیے ہراساں کرتا ہے اور چاہتا ہے کہ میں خود ہی اسے چھوڑ دوں‘۔
نسیمن نے مزید کہا کہ شادی کے بعد سے ہی اُس پر ظلم کیا جا رہا ہے اور اب شوہر نے کہانی گھڑ کر اُسے ذہنی اور سماجی دباؤ میں لانے کی کوشش کی ہے۔
یہ بھی پڑھیں: لمحوں میں لاکھوں کا سونا چوری، کیمرہ دیکھتا ہی رہ گیا
ذرائع کے مطابق، معراج نے ابتداء میں بیوی کے رویے کو معمول کے مطابق قرار دیا تھا، تاہم کچھ عرصہ بعد اُس نے ایک ’عامل‘ سے رجوع کیا، یہ کہتے ہوئے کہ اُس کی بیوی پر آسیب یا کسی غیر مرئی مخلوق کا سایہ ہے۔
مقامی پولیس اور انتظامیہ نے دونوں فریقین کے بیانات ریکارڈ کر لیے ہیں، اور معاملے کی مکمل تحقیقات کی جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا بیوی سانپ وائرل ویڈیو وائرل ویڈیوز.ذریعہ: WE News
کلیدی لفظ: انڈیا بیوی سانپ وائرل ویڈیو وائرل ویڈیوز کی کوشش کرتی ہے ہے اور
پڑھیں:
گزشتہ روز لگائے گئے الزامات بے بنیاد ہیں،سلمان اکرم راجہ
تحریک انصاف کے سیکرٹری جنرل سلمان اکرم راجہ نے کہا ہے کہ گزشتہ روز جو الزامات عائد کیے گئے تھے اُن کی کسی بنیاد نہیں۔ ایک بیان میں انہوں نے کہا کہ وہ جامع حکمتِ عملی کے حق میں ہیں تاکہ آپریشن کے دوران معصوم افراد شہید نہ ہوں، اور ان کا مقصد دہشتگردوں کو زمین سے ہمیشہ کے لیے ختم کرنا ہے۔ سلمان اکرم راجہ نے واضح کیا کہ حالیہ الزامات بے بنیاد ہیں اور ایسے بیانات سے مسئلے کا حل نہیں نکلے گا۔
پشاور میں پریس کانفرنس میں خیبرپختونخوا پی ٹی آئی کے صدر جنید اکبر نے کہا کہ صوبے کا مینڈیٹ فی الحال ان کی جماعت کے پاس ہے، مگر وفاقی حکومت اور بعض ادارے وزیراعلیٰ کے انتخاب میں رکاوٹیں ڈالنے کی کوشش کر رہے ہیں۔ انہوں نے سہیل آفریدی کی تعریف کرتے ہوئے کہا کہ وہ ایک تعلیم یافتہ اور ایماندار شخص ہیں اور پارٹی اُن کے ساتھ کھڑی ہے؛ اُن کا کہنا تھا کہ ہمارے 92 ایم پی ایز سہیل آفریدی کو ووٹ دیں گے اور دیگر پارٹی رہنماؤں سے بھی مثبت رابطے ہو رہے ہیں۔
جنید اکبر نے علی امین گنڈا پور کا شکریہ ادا کیا کہ انہوں نے فوراً قدم اٹھایا اور بانیِ پی ٹی آئی کے کہنے پر استعفیٰ دے دیا۔ انہوں نے مزید کہا کہ ان کی جماعت کھل کر اعلان کرتی ہے کہ طالبان سے بات چیت کی راہ ہموار کرنی چاہیے اور یہی ان کی پالیسی ہے جس پر کے پی کے عوام نے اعتماد کیا ہے؛ عوام چاہتے ہیں کہ بات چیت کے ذریعے مسائل کا حل تلاش کیا جائے، اس لیے مل بیٹھ کر حل نکالا جانا چاہیے۔
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی