سہ فریقی سیریز: افغانستان کی طرف سے عدم شرکت کے اعلان کے بعد پی سی بی کا بڑا فیصلہ آگیا
اشاعت کی تاریخ: 18th, October 2025 GMT
افغانستان کی طرف سے ایونٹ سے دستبرداری کے بعد پاکستان کرکٹ بورڈ (پی سی بی) نے واضح کردیا ہے کہ آئندہ ماہ پاکستان میں شیڈول سہ ملکی کرکٹ سیریز مقررہ وقت پر ہی منعقد ہوگی۔
افغانستان کی دستبرداری کے بعد ٹورنامنٹ کے مستقبل پر سوالات اٹھائے گئے تھے، تاہم پی سی بی نے اپنے بیان میں کہا ہے کہ سیریز شیڈول کے مطابق جاری رہے گی، جس میں پاکستان اور سری لنکا شرکت کریں گے۔
یہ بھی پڑھیے: پاکستان کرکٹ کے لیے اہم خبر، نیوزی لینڈ نے سہ فریقی سیریز اور چیمپیئنز ٹرافی کے لیے پاکستان آنے کا اعلان کردیا
سیریز 17 سے 29 نومبر تک منعقد ہونے کا امکان ہے، جبکہ پی سی بی متبادل تیسری ٹیم کے لیے مختلف کرکٹ بورڈز سے رابطے میں ہے تاکہ افغانستان کی جگہ کسی ایشیائی یا ایسوسی ایٹ ٹیم کو شامل کیا جا سکے۔
افغانستان کرکٹ بورڈ (اے سی بی) نے باضابطہ طور پر سہ ملکی ٹی20 ایونٹ سے دستبرداری کا اعلان کرتے ہوئے کہا تھا کہ موجودہ حالات میں وہ شرکت نہیں کرے گا۔
پی سی بی کے ذرائع کے مطابق، ایونٹ کے تسلسل کے لیے بات چیت جاری ہے تاکہ پاکستان کے وائٹ بال شیڈول میں کسی رکاوٹ کے بغیر تسلسل برقرار رہے، خصوصاً اس وقت جب 2026 کے مصروف سیزن میں ٹی20 ورلڈ کپ بھی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان پی سی بی کرکٹ.ذریعہ: WE News
کلیدی لفظ: افغانستان پی سی بی کرکٹ افغانستان کی پی سی بی کے لیے
پڑھیں:
افغانستان کرکٹ بورڈ کا پاکستان کے ساتھ تین ملکی ٹی ٹوئنٹی سیریز میں شرکت سے انکار
افغانستان کرکٹ بورڈ کا پاکستان کے ساتھ تین ملکی ٹی ٹوئنٹی سیریز میں شرکت سے انکار WhatsAppFacebookTwitter 0 18 October, 2025 سب نیوز
لاہور (آئی پی ایس) افغانستان کرکٹ بورڈ نے پاکستان کے ساتھ تین ملکی ٹی ٹوئنٹی سیریز میں شرکت سے انکار کر دیا۔ پکتیکا واقعے کے باعث افغان بورڈ نے احتجاجاً پاکستان کے خلاف میچ نہ کھیلنے کا فیصلہ کیا۔17 نومبر سے شیڈول سیریز میں پاکستان اور افغانستان کے ساتھ سری لنکن ٹیم نے شرکت کرنا تھی۔
تفصیلات کے مطابق افغانستان کرکٹ بورڈ نے پکتیکا صوبے میں حالیہ ہونے والے واقعے کے ردعمل میں پاکستان کے ساتھ تین ملکی ٹی ٹوئنٹی سیریز میں شرکت سے انکار کر دیا ہے۔
افغان کرکٹ بورڈ کی جانب سے یہ فیصلہ ایک احتجاجی اقدام کے طور پر سامنے آیا ہے، جس میں انہوں نے پاکستان کے خلاف کسی بھی میچ میں شرکت نہ کرنے کا اعلان کیا۔
اس سیریز کا انعقاد 17 نومبر سے کیا جانا تھا، جس میں پاکستان، افغانستان اور سری لنکا کی ٹیمیں شرکت کرنے والی تھیں۔ افغانستان کرکٹ بورڈ کا کہنا ہے کہ یہ فیصلہ پکتیکا میں ہونے والے واقعے کے نتیجے میں لیا گیا، جہاں افغان شہریوں کی جانوں کا ضیاع ہوا تھا۔
اس فیصلے کے بعد سری لنکا کی ٹیم اب اس سیریز میں اکیلی پاکستان کے ساتھ شرکت کرے گی، جبکہ افغانستان نے اپنے موقف کو واضح کرتے ہوئے کہا کہ وہ اس وقت پاکستان کے ساتھ کسی بھی کرکٹ میچ میں شامل نہیں ہو سکتے۔
پاکستان کرکٹ بورڈ نے اس فیصلے پر افسوس کا اظہار کیا ہے اور دونوں ملکوں کے کرکٹ تعلقات کی اہمیت پر زور دیا ہے۔ تاہم، پاکستان کرکٹ بورڈ نے یہ بھی کہا ہے کہ وہ افغانستان کرکٹ بورڈ کے فیصلے کا احترام کرتے ہیں اور مستقبل میں دونوں ملکوں کے درمیان کرکٹ روابط کو بہتر بنانے کی کوششیں جاری رکھیں گے۔
افغانستان کرکٹ بورڈ کے بیان کے بعد پاکستان کرکٹ بورڈ نے بھی ایک بیان جاری کیا ہے جس میں کہا گیا ہے کہ ٹرائی نیشن ٹی ٹوئنٹی سیریز اپنے شیڈول کے مطابق ہو گی۔
ترجمان پی سی بی کا کہنا ہے کہ تیسری ٹیم کا آپشن دیکھا جا رہا ہے اور انتظامات جاری ہیں، اس حوالے سے فیصلہ بہت جلد کر دیا جائے گا۔
خیال رہے کہ پاکستان میں ٹرائی سیریز ٹی ٹوئنٹی ٹورنامنٹ 17 سے 29 نومبر تک شیڈولڈ ہے۔ ٹرائی سیریز میں پاکستان اور سری لنکا کی ٹیمیں شامل ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنیشنل سائبر کرائم انوسٹی گیشن ایجنسی کے ڈپٹی ڈائریکٹر مبینہ طور پر اغوا نیشنل سائبر کرائم انوسٹی گیشن ایجنسی کے ڈپٹی ڈائریکٹر مبینہ طور پر اغوا سانحہ کارساز کو 18 سال بیت گئے، المناک واقعہ کا غم آج بھی تازہ افغان طالبان اور ٹی ٹی پی بھارت سے ملکر کر جارحیت کر رہے ہیں،محمد عارف افغانستان بھارت کا مکمل پراکسی، اب ہمسایوں کی طرح رہنا ہوگا،وزیر دفاع حماس کی قطر، ترکیہ اور مصر سے غزہ میں سیز فائر پرعملدرآمد کو یقینی بنانے کی اپیل حکومت نے غربت کے خاتمے کو ترقی کے بنیادی ایجنڈے کے طور پر اپنایا، احسن اقبالCopyright © 2025, All Rights Reserved
رابطہ کریں ہماری ٹیم
ہیلیون پاکستان کی معیشت میں 2024 کے دوران 27 ارب روپے کی شراکت