پاکستان نے کشمیر اور فلسطین کے مسائل سمیت ماحولیاتی بحران کو عالمی امن کے لیے چیلنج قرار دیدیا
اشاعت کی تاریخ: 18th, October 2025 GMT
پاکستان نے غیر وابستہ تحریک یعنی ’نان الائینڈ موومنٹ‘ کے اجلاس میں جموں و کشمیر اور فلسطین کے غیر حل شدہ تنازعات اور ماحولیاتی بحران کو عالمی امن کے لیے بنیادی چیلنج قرار دے دیا۔
ترجمان دفتر خارجہ کے مطابق پاکستان نے ’نان الائینڈ موومنٹ‘ کے 19ویں وزارتی وسط مدتی اجلاس میں شرکت کی، جو 15 اور 16 اکتوبر 2025 کو یوگنڈا کے دارالحکومت کمپالا میں ’مشترکہ عالمی خوشحالی کے لیے تعاون کو گہرا کرنا‘ کے موضوع پر منعقد ہوا۔
یہ بھی پڑھیں: مسئلہ فلسطین کا حل خودمختار ریاست ہے، پاکستان اور قطر کا اتفاق
اجلاس سے قبل 13 سے 14 اکتوبر تک سینیئر حکام کا اجلاس ہوا، جس میں پاکستانی وفد کی قیادت اسپیشل سیکریٹری برائے اقوام متحدہ نبیل منیر نے کی۔
وزارتی اجلاس کے عمومی اجلاس میں نبیل منیر نے قومی بیان پیش کیا جس میں انہوں نے عالمی چیلنجز کے دوران امن اور ترقی کے فروغ میں غیر وابستہ تحریک کے اہم کردار پر زور دیا۔
انہوں نے جموں و کشمیر اور فلسطین کے غیر حل شدہ تنازعات اور ماحولیاتی بحران کو عالمی امن کے لیے بنیادی چیلنج قرار دیا۔
اسپیشل سیکریٹری نے بیرونی تسلط کے تحت عوام کے حقِ خودارادیت کے اصولی مؤقف پر تحریک کی حمایت کا اعادہ کیا اور جنوبی ایشیا میں بڑھتے ہوئے اسلاموفوبیا اور جنگی بیانیے کی مذمت کی۔
اجلاس کے موقع پر نبیل منیر نے یوگنڈا کے وزیر خارجہ اوڈونگو جیجے ابوبکر اور دیگر رہنماؤں سے دوطرفہ ملاقاتیں بھی کیں۔
تحریک کی وزارتی کمیٹی برائے فلسطین کے اجلاس میں اسپیشل سیکریٹری نے غزہ میں شرم الشیخ جنگ بندی معاہدے کا خیرمقدم کیا اور قطر، مصر، ترکیہ اور امریکا کی ثالثی کوششوں کو سراہا۔
انہوں نے امید ظاہر کی کہ یہ معاہدہ اسرائیلی افواج کے مکمل انخلا، انسانی امداد کی فراہمی اور تعمیرِ نو کے عمل کی راہ ہموار کرے گا، جب کہ پاکستان فلسطینی عوام کے حقِ خود ارادیت اور 1967 سے قبل کی سرحدوں پر قائم ایک آزاد ریاست جس کا دارالحکومت القدس الشریف ہو کی بھرپور حمایت جاری رکھے گا۔
یہ بھی پڑھیں: عالمی طاقتیں مسئلہ کشمیر اور فلسطین کے حل میں کردار ادا کریں، پاکستان اور برونائی کا مشترکہ مؤقف
اجلاس کا اختتام ’کمپالا اعلامیے‘ اور ایک جامع اختتامی دستاویز کی منظوری کے ساتھ ہوا، جس میں مشرقِ وسطیٰ میں امن و استحکام کے فروغ کے لیے پاکستان کے کردار کو سراہا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان دفتر خارجہ غیر حل شدہ تنازعات نان الائینڈ موومنٹ وزارت خارجہ وی نیوز.
ذریعہ
ذریعہ: WE News
کلیدی لفظ: پاکستان دفتر خارجہ غیر حل شدہ تنازعات نان الائینڈ موومنٹ وی نیوز کشمیر اور فلسطین کے اجلاس میں کے لیے
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار