بغیر نمبرپلیٹ اوراونرشپ کے گاڑیاں چلانے والوں کیلئے اہم خبر
اشاعت کی تاریخ: 21st, October 2025 GMT
پنجاب حکومت نے گاڑیوں کے رجسٹریشن اور ملکیت کے نظام کو آسان، شفاف اور محفوظ بنانے کے لیے موٹر وہیکل رولز 1969 میں اہم ترامیم کی منظوری دے دی ہے۔ یہ فیصلہ وزیراعلیٰ مریم نواز کی سربراہی میں کیا گیا، جس کا مقصد نمبر پلیٹس، اونرشپ اور رجسٹریشن کے طریقہ کار کو جدید خطوط پر استوار کرنا ہے۔
رجسٹریشن مارک (نمبر پلیٹ) اب گاڑی کے بجائے براہِ راست مالک کی شناخت سے منسلک ہوگا۔نمبر پلیٹ کا ڈیٹا گاڑی کے اصل مالک کے ریکارڈ سے جڑا ہوگا، جس سے جعلی خرید و فروخت کا سدباب ممکن ہوگا۔گاڑیوں کی رجسٹریشن کا ڈیٹا نادرا کے نظام سے منسلک کیا جائے گا، تاکہ ہر گاڑی اور اس کے مالک کا مکمل ریکارڈ ایک ہی پلیٹ فارم پر دستیاب ہو۔قانون نافذ کرنے والے ادارے (پولیس، ایکسائز، ٹریفک پولیس وغیرہ) گاڑی کی شناخت اور ملکیت کی جانچ فوری اور درست طریقے سے کر سکیں گے۔
اس کے علاوہ گاڑیوں کی خرید و فروخت میں جعلسازی اور فراڈ کی روک تھام ممکن ہوگی۔اونرشپ ٹرانسفر کا عمل تیز، محفوظ اور کاغذی کارروائی سے آزاد ہوگا۔گاڑی چوری یا کسی بھی جرائم میں استعمال کی صورت میں فوری ٹریکنگ ممکن ہو گی اور ڈیجیٹل رجسٹریشن سسٹم سے شہریوں کو دفاتر کے چکر لگانے سے نجات ملے گی۔
دوسری جانب وزیر اعلیٰ پنجاب مریم نواز نے اس اقدام کو "شفاف، محفوظ اور ڈیجیٹل نظام کی طرف ایک اہم قدم" قرار دیا ہے۔ ان کے مطابق پنجاب حکومت شہریوں کو سہولیات دینے اور نظام کو کرپشن سے پاک بنانے کے لیے جدید اصلاحات لا رہی ہے۔
قتل میں ملوث اشتہاری ملزم سعودی عرب سے گرفتار
.ذریعہ: City 42
پڑھیں:
بغیر لائسنس ڈرائیونگ موت کو دعوت دینے کے مترادف ہے، آئی جی پنجاب ڈاکٹر عثمان انور
انسپکٹر جنرل پنجاب ڈاکٹر عثمان انور نے ٹرانسپورٹرز کی جانب سے نئے ٹریفک آرڈیننس کے خلاف دی گئی ہڑتال کی کال پر سخت ردِعمل دیتے ہوئے کہا ہے کہ انسانی جانوں کے تحفظ پر کوئی سمجھوتہ نہیں کیا جائے گا۔
اپنے بیان میں انہوں نے واضح کہا کہ بغیر لائسنس ڈرائیونگ سیدھا موت کو دعوت دینے کے برابر ہے، اور ایسے غیر ذمہ دارانہ رویے حادثات میں اضافے کا سبب بنتے ہیں۔
آئی جی پنجاب نے کہا کہ مہذب معاشروں میں قانون پر عملداری کو سپورٹ کیا جاتا ہے، وہاں ہڑتالیں نہیں ہوتیں۔
انہوں نے ٹرانسپورٹرز کو مخاطب کرتے ہوئے کہا کہ بچوں کی زندگیوں کی حفاظت کے معاملے پر کوئی دباؤ یا بلیک میلنگ قبول نہیں کی جائے گی۔
ڈاکٹر عثمان انور کا کہنا تھا کہ ہڑتال کا مقصد یہ تاثر دینا ہے کہ حادثات جاری رہیں اور لوگ مرتے رہیں، جبکہ عوام کی جان و مال کا تحفظ پولیس کی اولین ذمہ داری ہے۔
انہوں نے مزید کہا کہ ٹریفک قوانین پر عمل کے لیے مہلت ضرور دی جا رہی ہے لیکن جو گاڑی قانون کے مطابق نہیں ہوگی وہ سڑک پر آنے کی اجازت نہیں پائے گی۔
آئی جی پنجاب نے دوٹوک مؤقف اپناتے ہوئے کہا:”قانون پر عمل کے سوا کوئی راستہ نہیں۔”
چیٹ جی پی ٹی پر سب سے زیادہ استعمال ہونے والے فیچرز کی فہرست جاری