نئی دہلی کے بعد لاہور دنیا کا دوسرا آلودہ ترین شہر قرار
اشاعت کی تاریخ: 21st, October 2025 GMT
لاہور ایک بار پھر دنیا کے آلودہ ترین شہروں میں سرفہرست آگیا ہے، صوبائی دارالحکومت کا اوسط ایئر کوالٹی انڈیکس (AQI) 266 تک پہنچ گیا، جس کے پیش نظر پنجاب حکومت نے ایمرجنسی ایکشن پلان فعال کر دیا ہے۔ تفصیلات کے مطابق لاہور کے مختلف علاقوں میں آلودگی کی شرح خطرناک حد تک بڑھ گئی ہے۔ عسکری 10 میں ایئر کوالٹی انڈیکس 414، سید مراتب علی روڈ پر 424 اور ڈی ایچ اے میں 328 تک ریکارڈ کیا گیا ہے۔محکمہ ماحولیات کے مطابق بھارت میں دیوالی کے موقع پر پیدا ہونے والی آلودہ ہوائیں پنجاب کے شہروں میں داخل ہو رہی ہیں، جس کے نتیجے میں لاہور سمیت کئی علاقوں میں سموگ کی شدت میں اضافہ ہو گیا ہے۔ ایمرجنسی ایکشن پلان کے تحت دھواں چھوڑنے والی گاڑیوں، بغیر فٹنس سرٹیفکیٹ چلنے والی گاڑیوں اور کھلی جگہوں پر کوڑا جلانے کے خلاف کریک ڈاؤن جاری ہے۔ متعلقہ اداروں کو ہدایت کی گئی ہے کہ فوری طور پر ایسے عناصر کے خلاف کارروائی کی جائے جو فضائی آلودگی میں اضافہ کا باعث بن رہے ہیں۔ ادھر بھارت کا دارالحکومت نئی دہلی دنیا کا سب سے آلودہ شہر قرار پایا ہے جہاں ایئر کوالٹی انڈیکس 680 تک جا پہنچا۔ دہلی کی آلودگی کے اثرات سرحد پار پنجاب کے شہروں تک پہنچنے لگے ہیں، جس سے لاہور میں دھند اور سموگ مزید بڑھنے کا خدشہ ہے۔ سموگ مانیٹرنگ اینڈ کنٹرول سینٹر نے شہریوں کے لیے ایڈوائزری جاری کرتے ہوئے ماسک کے لازمی استعمال اور غیر ضروری نقل و حرکت سے گریز کی ہدایت کی ہے۔
.
ذریعہ
ذریعہ: Nawaiwaqt
پڑھیں:
پشاور: پسند کی شادی کیلئے گھر سے نکلنے والی لڑکی اور لڑکا قتل
— فائل فوٹوپشاور میں تھانہ خزانہ کی حدود میں لڑکی اور لڑکے کے قتل کی 2 الگ الگ ایف آئی آر درج کر لی گئیں۔
پولیس کے مطابق لڑکی پسند کی شادی کے لیے گھر سے نکلی تھی، تاہم لڑکے کے گھر والوں نے لڑکی کو واپس اس کے گھر چھوڑ دیا۔
ملزمان مقتولین کے دو بچے اور گاڑی بھی ساتھ لے گئے تھے۔
پولیس کا کہنا ہے کہ لڑکی کے بھائیوں نے لڑکے کو اغوا کے بعد قتل کیا جبکہ ملزمان کے گھر سے لڑکی کی لاش ملی۔
فرار ملزمان کی تلاش کے لیے پولیس کی کوششیں جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ