نرگس کی مکہ مکرمہ میں مولانا طارق جمیل سے ملاقات ،دعا کریں بار بار اللہ کے گھر آ سکوں
اشاعت کی تاریخ: 21st, October 2025 GMT
ماضی کی معروف اسٹیج اداکارہ اور رقاصہ نرگس، جو اب ایک تبدیل شدہ زندگی گزار رہی ہیں، حال ہی میں عمرہ کی ادائیگی کے لیے مکہ مکرمہ پہنچیں۔ اس روحانی سفر کے دوران ان کی ملاقات ممتاز اسلامی اسکالر مولانا طارق جمیل سے بھی ہوئی، جو ان کی زندگی میں تبدیلی کا ایک اہم سبب رہے ہیں۔
نرگس نے اس ملاقات کی ویڈیو انسٹاگرام پر شیئر کی، جس میں وہ مکمل پردے میں، نہایت باوقار انداز میں نظر آئیں۔ ویڈیو میں وہ جذباتی انداز میں بتاتی ہیں کہ یہ ان کے لیے ایک خوش نصیبی کا لمحہ ہے، کیونکہ اُن کا پہلا حج 2006 میں مولانا طارق جمیل کے ہمراہ ہوا تھا — وہ حج جس نے اُن کی زندگی کا رخ موڑ دیا۔
نرگس نے بتایا کہ برسوں بعد ایک بار پھر مولانا طارق جمیل سے ملاقات ہوئی، اور حسبِ معمول ان کے بیان سے بہت کچھ سیکھنے کو ملا، جو وہ اپنی عملی زندگی میں اپنانے کی کوشش کریں گی۔
اس موقع پر نرگس نے مولانا صاحب سے درخواست کی کہ دعا کریں کہ میں بار بار اللہ کے گھر آ سکوں، میری اولاد، میرے شوہر اور میری پوری زندگی اللہ کے قریب ہو جائے۔
مولانا طارق جمیل نے دعا کرتے ہوئے نرگس کو اس بات پر بھی سراہا کہ وہ اپنے بیوٹی پارلر کی خواتین عملے کو بھی عمرہ پر لے کر آئیں — ایک ایسا نیک عمل جو بہت کم لوگ کرتے ہیں۔
انہوں نے کہااللہ آپ کو دین پر مزید استقامت دے، اور آپ کو ہمیشہ نیکی کے راستے پر چلنے کی توفیق عطا فرمائے۔
نرگس نے مولانا کا شکریہ ادا کرتے ہوئے کہا کہ ان کے روحانی بیانات اور رہنمائی نے ان کی زندگی میں جو تبدیلی پیدا کی، وہ کسی نعمت سے کم نہیں۔
ذریعہ: Daily Mumtaz
کلیدی لفظ: مولانا طارق جمیل
پڑھیں:
عمران خان جن سے بات کرنا چاہتے ہیں وہ ان سے بات نہیں کرنا چاہتے، رانا ثناء
اسلام آباد:حکومت نے پارلیمنٹ کے فورم پر ایک بار پھر پی ٹی آئی کو مذاکرات کی پیشکش کر دی۔
وزیراعظم کے مشیر رانا ثناء اللہ کہتے ہیں کہ مذاکرات کا آپشن اب بھی موجود ہے آئیں بیٹھ کر بات کریں، جن سے بانی پی ٹی آئی بات کرنا چاہتے ہیں وہ ان سے بات نہیں کرنا چاہتے۔
سینیٹ اجلاس میں پی ٹی آئی سینیٹر مشعال یوسفزئی نے کہا کہ بانی پی ٹی آئی سے ملاقات نہیں کروائی جا رہی، میں کہتی ہوں رانا ثناء کی سربراہی میں پارلیمانی کمیٹی بنائی جائے، ملکی و بین الاقوامی میڈیا کو ساتھ لے کر جائیں اور بانی پی ٹی آئی کی صحت اور ان کو دی گئی سہولیات سے متعلق ہمیں آگاہ کرے۔
اس کا جواب دیتے ہوئے سینیٹر رانا ثناء اللہ نے کہا کہ جمہوریت ڈائیلاگ سے آگے بڑھتی ہے، ڈیڈلاک سے نہیں، وزیراعظم نے دو بار فلور آف دی ہاؤس بات چیت کے لیے بیٹھنے کا کہا، یہاں تک کہا کہ اسپیکر کے چیمبر میں بیٹھ جائیں میں وہاں آجاتا ہوں۔
انہوں نے کہا آن ریکارڈ ہے کہ پی ٹی آئی ہم سے بات کرنے کو تیار نہیں، جن سے بات کرنے کی خواہشمند ہے وہ راضی نہیں، قیدی سے ملاقات سے متعلق کچھ امور پہلے سے طے ہونے چاہئیں، بانی سے ملاقات کے بعد جو گفتگو کی گئی وہ بھی سب کے سامنے ہے۔
رانا ثناء اللہ نے مزید کہا کہ کسی قیدی کو ریاست کے خلاف تحریک چلانے کے لیے ملاقاتوں کی اجازت نہیں دے سکتے۔
گورنر کی تبدیلی میں سندھ کے وزیراعلیٰ کا کردار نہیں، ہم سے نہیں پوچھا جاتا، مراد علی شاہ