کراچی کیلیے طویل المدتی ماسٹر پلان تیار کیا جائے ‘ حسن بخشی
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
251022-08-12
کراچی(اسٹاف ر پورٹر)ایسوسی ایشن آف بلڈرز اینڈ ڈیولپرز(آباد) کے چیئرمین محمد حسن بخشی نے کہا ہے کہ کراچی شہر کی ترقی، توسیع اور منظم گروتھ کے لیے طویل المدتی ماسٹر پلان تیار کیا جائے جو یہ طے کرے کہ آئندہ 50 برس میں شہر کس سمت میں آگے بڑھے گا، تو یہ اقدام نہ صرف ترقی کی راہیں متعین کرے گا بلکہ موجودہ انتظامی، شہری اور ماحولیاتی مسائل کے حل میں بھی مددگار ثابت ہوگا۔ ان خیالات کا اظہار انہوں نے بین الاقوامی کنسلٹنسی فرم دارالحنداسہ کے وفد کی آباد ہاؤس دورے کے موقع پر تقریب سے خطاب کرتے ہوئے کیا۔وفد کی قیادت پروجیکٹ مینیجر ڈیوڈ گنڈری کررہے تھے جبکہ ڈپٹی پروجیکٹ مینیجر سلیم عید اور جونیئر پلانر عدیبہ شامل تھی۔اس موقع پر آباد کے سینئروائس چیئرمین سید افضل حمید،وائس چیئرمین طارق عزیز،چیئرمین سدرن ریجن احمد اویس تھانوی سمیت دیگر آباد ارکان بھی موجود تھے۔ چیئرمین آباد نے کہا کہ ماسٹر پلان کے ذریعے یہ واضح کیا جاسکتا ہے کہ صنعتی علاقے کہاں قائم کیے جائیں گے اور رہائشی علاقے کس سمت میں وسعت اختیار کریں گے۔ اس طرح کی پیشگی منصوبہ بندی سے شہر میں بے ہنگم تعمیرات، ٹریفک کے دباؤ، پانی و نکاسی کے مسائل، اور ماحولیاتی دباؤ جیسے چیلنجز پر قابو پایا جاسکتا ہے۔حسن بخشی کا کہنا تھا کہ کراچی شہر کی پائیدار ترقی کے لیے ایک متحد اتھارٹی ناگزیر ہے۔ انہوں نے تجویز دی کہ ماسٹر پلان کو سیاسی اثرات سے آزاد رکھا جائے اور ماحولیاتی تحفظ، خصوصاً مینگروز اور ساحلی پٹی کے تحفظ کو لازمی شامل کیا جائے۔ انہوں نے کہا کہ کراچی پاکستان کی معاشی شہ رگ ہے، اس لیے اگر اس شہر کے لیے صحیح سمت متعین کردی جائے تو یہ پورے ملک کی معاشی ترقی پر مثبت اثر ڈالے گا۔محمد حسن بخشی نے مزید کہا کہ ماسٹر پلان کے تحت نہ صرف زمین کے استعمال کا تعین ضروری ہے بلکہ اس میں انفرااسٹرکچر، ٹرانسپورٹ، ماحولیات، رہائش اور صنعتی ترقی کے پہلوؤں کو بھی شامل کیا جانا چاہیے تاکہ کراچی کو ایک جدید، منظم اور رہنے کے قابل شہر بنایا جاسکے۔حسن بخشی نے کہا کہ آباد حکومت اور متعلقہ اداروں کے ساتھ مکمل تعاون جاری رکھے گا تاکہ کراچی کے لیے ایک قابل عمل، طویل المدتی اور حقیقت پسندانہ ماسٹر پلان تشکیل دیا جاسکے۔ اس موقع پر دارالحنداسہ کے پروجیکٹ مینیجر ڈیوڈ گنڈری نے گریٹر کراچی ریجنل پلان 2047ء کی تفصیلی بذریعے پریزنٹیشن پیش کی جس میں انفرااسٹرکچر، رہائش، ٹرانسپورٹ، ماحولیات اور موسمیاتی تبدیلی کے اثرات سے نمٹنے کی حکمت عملی شامل تھی۔ انہوں نے بتایا کہ دارالحنداسہ 6 دہائیوں پر محیط تجربہ رکھتا ہے اور دبئی، دوحا، بیروت اور قاہرہ جیسے شہروں کے ماسٹر پلانز پر کامیابی سے کام کرچکا ہے۔
ذریعہ: Jasarat News
کلیدی لفظ: ماسٹر پلان کہ کراچی انہوں نے نے کہا کے لیے کہا کہ
پڑھیں:
سہیل سمیر کی طویل عرصے بعد طلاق پر لب کشائی
پاکستان کے نامور اداکار سہیل سمیر نے برسوں بعد پہلی بار اپنی سابقہ شادی اور طلاق پر لب کشائی کردی۔
سہیل سمیر نے اپنے کیریئر کا آغاز ماڈلنگ سے کیا تھا، جس کے بعد وہ متعدد کامیاب ڈراموں میں اپنی شاندار اداکاری کے باعث بے حد مقبول ہوئے۔
اگرچہ آج وہ اپنی موجودہ گھریلو زندگی کو پوری طرح نجی رکھنے کو ترجیح دیتے ہیں، لیکن ایک وقت ایسا بھی تھا جب ان کی شادی سابقہ اداکارہ، ماڈل اور اینکر صوفیہ احمد کے ساتھ میڈیا کی خصوصی توجہ کا مرکز بنی رہی تھی، دونوں کا ایک بیٹا بھی ہے جو اس وقت صوفیہ کے ساتھ بیرونِ ملک مقیم ہے۔
حال ہی میں سہیل سمیر نے ایک پروگرام میں شرکت کی، جہاں انہوں نے 12 سے 14 سال قبل صوفیہ احمد سے ہونے والی اپنی طلاق پر بات کی۔
انہوں نے بتایا کہ میری شادی ایک نیوز اینکر سے ہوئی تھی، لیکن اب ہمیں طلاق ہوئے 12 سے 14 سال ہو چکے ہیں، میں اب خوشگوار ازدواجی زندگی گزار رہا ہوں، میری موجودہ بیگم گھر پر ہیں اور وہ ہاؤس وائف ہیں۔
انہوں نے مزید بتایا کہ اپنی دوسری شادی اور گھریلو زندگی کو میں ہمیشہ میڈیا سے دور اور نجی رکھنا چاہتا ہوں۔
یاد رہے کہ تقریباً کئی سال قبل سہیل سمیر اور صوفیہ احمد نے شادی کی تھی اور یہ جوڑی متعدد شوز اور ایونٹس میں ایک ساتھ نظر آتی رہی، تاہم کچھ ہی عرصہ بعد دونوں میں علیحدگی ہو گئی تھی۔
پنجاب کے مختلف شہروں میں دھند کا راج، موٹروے بند