IMFکا گندم کی کم از کم امدادی قیمت مقرر کرنے پر اعتراض، وزارت خوراک کو خط
اشاعت کی تاریخ: 23rd, October 2025 GMT
نیویارک (ویب دیسک )انٹرنیشنل مانیٹری فنڈ (آئی ایم ایف) نے گندم پالیسی میں کم از کم امدادی قیمت مقرر کرنے پر اعتراض عائد کر دیا۔ذرائع وزارت فوڈ کے مطابق گندم پالیسی کی منظوری کے بعد آئی ایم ایف نے وزارت فوڈ کو خط لکھ کر آگاہ کیا، آئی ایم ایف نے گندم پالیسی کے خدوخال بھی وزارت فوڈ سے طلب کیے۔وزارت فوڈ کے ذرائع کا کہنا ہے کہ آئی ایم ایف کے گندم پر کم ازکم امدادی قیمت پر تحفظات کو دور کر دیا ہے، امدادی قیمت فکس نہیں کی گئی، آگے سمجھنے میں غلطی ہوئی، آئی ایم ایف نے بھی اس لیے اعتراض اٹھایا کہ شاید امدادی قیمت فکس ہوئی ہے۔
آئی ایم ایف کو دیے گئے جواب میں کہا گیا ہے کہ کم از کم امدادی قیمت کی بجائے انڈیکیٹو قیمت کا تعین کیا گیا ہے، امریکا کی انٹرنیشنل ہارڈ ریڈ گندم کی قیمت کو دیکھتے ہوئے انڈیکیٹو پرائس نکالی گئی۔ذرائع وزارت غذائی تحفظ نے کہا کہ آئی ایم ایف کے اعتراضات وزیراعظم ہاؤس کے ساتھ بھی شیئر کیے گئے، امریکا کی انٹرنیشنل ہارڈ ریڈ گندم کی قیمت 238 ڈالر فی ٹن ہے، انٹرنیشنل ہارڈ ریڈ گندم کی قیمت پر کراچی میں لینڈنگ اخراجات شامل کر کے اندازہ لگایا گیا۔ذرائع کا کہنا تھا کہ کراچی سے درآمد شدہ گندم ملتان لائے جانے کے اخراجات بھی شامل کیے گئے، درآمدشدہ گندم ملتان لانے پر اخراجات نکال کر 3500 روپے فی من قیمت کا اندازہ لگایا گیا ہے۔
.ذریعہ: Daily Mumtaz
پڑھیں:
بھارت کی مبینہ آبی جارحیت — دریائے چناب میں اچانک پانی کا ریلا، گندم کی فصل کو شدید خطرہ
بھارت نے مبینہ طور پر آبی دہشت گردی کرتے ہوئے اچانک دریائے چناب میں پانی کا بڑا ریلا چھوڑ دیا، جس کے باعث پانی کا بہاؤ 58 ہزار 300 کیوسک تک پہنچ گیا ہے۔ رپورٹ کے مطابق بھارت نے جان بوجھ کر ڈیم خالی کیے تاکہ پاکستان کی گندم کی فصل کو نقصان پہنچایا جا سکے، جبکہ بعد ازاں یہی ڈیم دوبارہ بھر کر بہاؤ کو صفر تک لانے کا خدشہ بھی ظاہر کیا جا رہا ہے۔واپڈا ترجمان کے مطابق آج صبح 6 بجے تک ہیڈ مرالہ اور دیگر مقامات پر پانی کی صورتحال میں واضح اتار چڑھاؤ ریکارڈ کیا گیا۔ تربیلا میں دریائے سندھ کی آمد 20 ہزار 500 کیوسک اور اخراج 28 ہزار کیوسک رہا، جبکہ منگلا میں دریائے جہلم کی آمد 3 ہزار 400 اور اخراج 35 ہزار کیوسک رہا۔ترجمان کے مطابق چشمہ بیراج میں آمد 32 ہزار 400 اور اخراج 35 ہزار کیوسک ہے، جبکہ ہیڈ مرالہ کے مقام پر دریائے چناب میں آمد 63 ہزار 200 کیوسک اور اخراج 56 ہزار 900 کیوسک ریکارڈ کیا گیا۔ نوشہرہ کے مقام پر دریائے کابل میں آمد و اخراج 7 ہزار 400 کیوسک ہے۔ریزروائرز میں پانی کی موجودہ ذخیرہ گاہوں کے حوالے سے بتایا گیا کہ تربیلا میں پانی کی سطح 1490.27 فٹ اور ذخیرہ 26 لاکھ 68 ہزار ایکڑ فٹ ہے، جبکہ منگلا میں سطح 1212.10 فٹ اور ذخیرہ 50 لاکھ 51 ہزار ایکڑ فٹ ہے۔ چشمہ ریزروائر میں سطح 646.60 فٹ اور ذخیرہ 1 لاکھ 97 ہزار ایکڑ فٹ ریکارڈ کیا گیا ہے۔ترجمان نے کہا کہ مجموعی طور پر تربیلا، منگلا اور چشمہ میں قابلِ استعمال پانی کا ذخیرہ 79 لاکھ 16 ہزار ایکڑ فٹ ہے، جبکہ پانی کی آمد و اخراج کا ڈیٹا گزشتہ 24 گھنٹوں کے اوسط بہاؤ کے مطابق ہے۔
پنجاب کے مختلف شہروں میں دھند کا راج، موٹروے بند