کرکٹر صہیب مقصود کے ساتھ گاڑی کا بڑا فراڈ ، وزیراعلیٰ مریم نواز سے مدد کی اپیل
اشاعت کی تاریخ: 23rd, October 2025 GMT
پاکستانی کرکٹرصہیب مقصود کے ساتھ گاڑی فروخت کے دوران بڑا مالی فراڈ پیش آیا، جس کے بعد انہوں نے وزیراعلیٰ پنجاب مریم نواز شریف، پنجاب پولیس اور وزیر داخلہ محسن نقوی سے انصاف کی اپیل کی ہے۔
سماجی رابطے کی ویب سائٹ ایکس (سابق ٹوئٹر) پر جاری ویڈیو میں صہیب مقصود نے تفصیل بتاتے ہوئے کہا کہ نو ماہ قبل انہوں نے اپنی پرانی گاڑی ملتان کے ایک شوروم کے ذریعے فروخت کی۔ خریدار نے 60 لاکھ روپے ادا کیے اور گاڑی لے گیا، جبکہ باقی رقم اور گاڑی کے کاغذات بعد میں دینے کا وعدہ کیا۔
صہیب کے مطابق، میں آٹھ ماہ تک اس شخص سے بقیہ رقم مانگتا رہا، مگر کوئی ادائیگی نہیں ہوئی۔ آخرکار میں نے گاڑی کا پتا لگایا اور لاہور جا کر اس کے موجودہ مالک سے ملا۔ جب میں نے انہیں بتایا کہ یہ گاڑی اب بھی میرے نام پر ہے اور مجھے پوری رقم نہیں ملی، تو انہوں نے الٹا مجھ سے بدتمیزی کی۔
انہوں نے بتایا کہ بعد میں شو روم کے شخص نے پیشکش کی کہ اگر وہ 60 لاکھ روپے واپس کر دیں تو گاڑی انہیں واپس مل جائے گی۔میں پیسے لے کر دوبارہ لاہور گیا، مگر وہاں موجود افراد نے اپنے سیاسی اثر و رسوخ کا استعمال کرتے ہوئے سخت رویہ اختیار کیا اور کہا کہ کوئی اس گاڑی کو ہاتھ بھی نہیں لگا سکتا۔
صہیب مقصود کا کہنا تھا کہ ان پر دباؤ ڈالا گیا کہ گاڑی کے معاملے کو پیسوں سےکلیئر کر لیں، کیونکہ انہیں گاڑی واپس نہیں ملے گی۔بالآخر انہوں نے مجھ سے 70 لاکھ روپے لے کر ایک فورچیونر گاڑی دی، لیکن بعد میں پتا چلا کہ اس کےکاغذات جعلی ہیں۔ میں نے وہ گاڑی واپس کر دی، مگر اب نہ میری رقم ملی، نہ میری پرانی گاڑی — کل نقصان تقریباً ڈیڑھ کروڑ روپے کا ہو چکا ہے۔
کرکٹر نے افسوس کا اظہار کرتے ہوئے کہاکہ اگر میں ایک کرکٹر ہونے کے باوجود ان بااثر لوگوں کے سامنے بے بس ہوں، تو عام آدمی کے ساتھ کیا سلوک کیا جاتا ہوگا؟ میں کورٹ کچہریوں کے چکر نہیں لگانا چاہتا، اس لیے وزیراعلیٰ مریم نواز، پنجاب پولیس اور وزیر داخلہ محسن نقوی سے اپیل ہے کہ میری مدد کی جائے تاکہ مجھے انصاف مل سکے۔
ذریعہ: Daily Mumtaz
کلیدی لفظ: صہیب مقصود انہوں نے
پڑھیں:
حالیہ ضمنی الیکشن میں کامیابی مریم نواز کی شبانہ روز محنت کا نتیجہ ہے، وزیراعظم شہباز شریف
گوجرانوالہ(ویب ڈیسک) وزیراعظم شہباز شریف نے گوجرانوالہ میں ماس ٹرانزٹ بس منصوبے کا سنگ بنیاد رکھتے ہوئے کہا کہ وزیراعلیٰ مریم نواز کے اس تحفے سے پورے شہر کی تقدیر بدلے گی۔
انہوں نے کہا کہ اس منصوبے سے ہر شعبے کے افراد کو سہولت ملے گی، میں اس منصوبے پر مریم نواز کو مبارک باد پیش کرتا ہوں، نواز شریف نے 1985 میں پہلی مرتبہ پنجاب میں تعمیراتی سیاست اور ترقی کی سیاست کا آغاز کیا۔
وزیراعظم نے کہا کہ نواز شریف نے پورے پنجاب میں اسپتال، اسکول اور کالج بنائے اور سڑکوں کی جال بچھائی، نواز شریف کا سب سے بڑا کارنامہ ملک کو ایٹمی قوت بنانا ہے، ایٹمی قوت نہ بنتے تو رواں سال مئی کی جنگ میں حالات مختلف ہوتے۔
انہوں نے کہا کہ اب مریم نواز نواز شریف کی بنیاد کو آگے بڑھا رہی ہے، مریم نواز پوری دیانت سے آپ کی خدمت کررہی ہے اور نواز شریف کی روایت کو آگے بڑھائے گی۔ سیف سٹی سے لوگوں کو تحفظ ملے گا، بےگھروں کو گھر بناکر دینے پر پوری قوم آپ کو دعا دے رہی ہے۔
وزیراعظم نے کہا کہ حالیہ ضمنی الیکشن میں کامیابی مریم نواز کی شبانہ روز محنت کا نتیجہ ہے، اگر ہم مل کر کام کریں گے تو 3 سال بعد بھی انتخابات کا نتیجہ خوش کن ہوں گے اور پورے ملک میں ن لیگ کا نعرہ بلند ہوگا۔
مریم نواز کا خطاب
اس موقع پر خطاب کرتے ہوئے وزیر اعلیٰ پنجاب مریم نواز نے کہا کہ صوبے میں ترقیاتی سرگرمیوں کا سلسلہ تیزی سے جاری ہے۔ گجرات میں 30 ارب روپے کا بڑا منصوبہ زیرِ تکمیل ہے، جہاں نئی سیوریج لائنیں بچھائی جا رہی ہیں، جب کہ ایک لاکھ 20 ہزار گھروں کی تعمیر بھی جاری ہے۔
انہوں نے مزید بتایا کہ حکومت نے گوجرانوالہ اور فیصل آباد میں میٹرو بس شروع کرنے کا فیصلہ کیا ہے تاکہ شہریوں کو بہتر سفری سہولیات مل سکیں۔
وزیراعلیٰ پنجاب نے اپنی تقریر میں اس بات پر بھی زور دیا کہ پاکستان کی بڑے پیمانے کی ترقیاتی تاریخ چاہے وہ ایٹمی پروگرام ہو یا موٹر ویز نواز شریف اور شہباز شریف کے دور میں رقم ہوئی، گزشتہ 4 سال میں جو لوگ حکومتی صفوں میں تھے، وہ ملک کے ڈیفالٹ ہونے کی پیشگوئیاں کرتے رہے مگر آج حقائق کچھ اور ہیں۔
انہوں نے خیبر پختونخوا کی سابقہ حکومت کو تنقید کا نشانہ بناتے ہوئے کہا کہ صوبے میں 12 سال کی مسلسل حکمرانی کے باوجود کوئی نمایاں ترقی نہیں دکھائی دیتی۔کے پی کا پچھلا وزیر اعلیٰ سیاسی محاذ آرائی میں مصروف رہتا تھا جبکہ موجودہ وزیراعلیٰ اکثر اڈیالہ جیل کے باہر بیٹھا نظر آتا ہے۔
بینظیر نے پاکستان کی سب سے کم عمر وزیرِاعظم بن کر جمہوریت کے عزم کو مضبوط کیا، صدر آصف علی زرداری