بھارت،ڈانٹنے پر 14 سالہ لڑکے نے ماں کوقتل کردیا
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
چنئی:بھارت کے فلمی طرز کے معاشرے میں قتل و غارت معمول بنتی جارہی ہے،تازہ واقعے میں نوعمر بیٹے نے ماں کو قتل کردیا۔
تمل ناڈو کے کلاکوریچی میں پولیس نے ایک 14 سالہ لڑکے کو اس کی ماں کی پراسرار موت کے سلسلے میں گرفتار کیا ہے، جو ایک کھیت میں مردہ پائی گئی تھی۔ پولیس نے جائے وقوع سے ملنے والے شرٹ کے بٹن کی بنیاد پر قاتل کی شناخت کی۔
اطلاعات کے مطابق مہیشوری دیوالی پر اپنے مویشیوں کے لیے گھاس کاٹنے کھیتوں میں گئی تھی۔ کافی دیر تک گھر واپس نہ آنے پر اس کے شوہر اور رشتہ داروں نے اس کی تلاش کی۔ تلاشی کے دوران پنیرسیلوم کے کھیت میں مہیشوری کی لاش ملنے سے وہ حیران رہ گئے۔
واقعہ کی اطلاع ملتے ہی ترناوالور پولیس جائے وقوع پر پہنچی اور مہیشوری کی لاش کو پوسٹ مارٹم کے لیے ولوپورم کے منڈیمپکم کے سرکاری اسپتال بھیج دیا۔ پوسٹ مارٹم رپورٹ میں انکشاف ہوا کہ مہیشوری کو قتل کیا گیا تھا جس کی بنیاد پر پولیس نے مقدمہ درج کر کے گہرائی سے تفتیش شروع کر دی۔
کیس میں ایک اہم موڑ اس وقت آیا جب مہیشوری کی لاش کے قریب سے شرٹ کا بٹن ملا۔ پولیس تفتیش میں معلوم ہوا کہ بٹن دوسرے بیٹے کی قمیض کا تھا۔ مزید پوچھ گچھ پر 14 سالہ لڑکے نے اپنی ماں کو قتل کرنے کا اعتراف کر لیا۔
اپنے بیان میں لڑکے کا کہنا تھا کہ “مجھے پڑھائی میں زیادہ دلچسپی نہیں تھی، لیکن میں روزانہ اسکول جاتا تھا۔ گھر آنے کے بعد میں نے پڑھائی نہیں کی، بلکہ دوستوں کے ساتھ کھیلنے، گھومنے پھرنے اور ٹی وی دیکھنے میں گزارا، میری والدہ کو میرا ٹی وی دیکھنا پسند نہیں تھا اور اس پر مجھے مسلسل ڈانٹتی تھیں۔”
لڑکے نے مزید بتایا کہ 20 تاریخ کو دیوالی کے موقع پر دوپہر کو میرے والدین میں جھگڑا ہوا، غصے میں آکر میری ماں نے مجھے تھپڑ مارا اور پڑھائی نہ کرنے اور گھومنے پھرنے پر ڈانٹا، اس سے مجھے بہت غصہ آیا۔
بعد میں وہ مویشیوں کے لیے گھاس کاٹنے کے لیے قریبی کھیت میں گئی اور میں اس کے پیچھے گیا۔ وہاں میں نے اس سے پوچھا، ‘تم ہمیشہ مجھے کیوں ڈانٹتی ہوں ؟ اس نے میرے گال پر زور سے تھپڑ مارا۔
پولیس کے مطابق لڑکے نے بتایا کہ میں نے غصے میں آکر اسے نیچے دھکیل دیا، اس کی گردن کو پنے پیر سے دبا دیا، جب وہ نہ مری تو میں نے اس کا منگل سوتر سے گلا گھونٹ دیا اور چند ہی لمحوں میں اس کی موت ہوگئی، اس کے بعد میں نے ایسا کیا جیسے کچھ ہوا ہی نہیں اور گھر واپس آگیا۔
جب میری والدہ کافی دیر تک واپس نہ آئیں تو میرے والد اور رشتہ داروں نے اس کی تلاش کی او ر پولیس کو اطلاع دی۔
ذریعہ
ذریعہ: Jasarat News
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
پاکستان نے ورلڈ کپ 2028 کیلیے براہ راست کوالیفائی کر لیا