سندھ کی جیلوں میں بڑے پیمانے پر تبادلے اور تقرریاں، نوٹیفکیشن جاری
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: محکمہ جیل خانہ جات سندھ نے صوبے بھر کی مختلف جیلوں میں اہم تقرریاں اور تبادلے کرتے ہوئے ایک نیا نوٹیفکیشن جاری کردیا ہے، جس کے تحت متعدد سینئر افسران کے عہدوں میں تبدیلی کی گئی ہے تاکہ انتظامی کارکردگی میں بہتری اور سیکیورٹی نظام کو مزید مؤثر بنایا جا سکے۔
میڈیا رپورٹس کےمطابق غلام مرتضیٰ شیخ کو سینٹرل جیل کراچی کا نیا سینئر سپرنٹنڈنٹ تعینات کیا گیا ہے جو اس سے قبل دیگر اہم ذمہ داریاں انجام دے چکے ہیں، اسی طرح عبدالکریم عباسی کو سینٹرل جیل حیدرآباد کا سینئر سپرنٹنڈنٹ مقرر کردیا گیا ہے، دونوں افسران کو ان کے تجربے اور کارکردگی کی بنیاد پر یہ ذمہ داریاں دی گئی ہیں۔
محکمہ کے نوٹیفکیشن کے مطابق ڈاکٹر شکیل احمد ارباب کو اسپیشل جیل نارا، حیدرآباد کا سپرنٹنڈنٹ مقرر کیا گیا ہے جبکہ فہیم انور میمن کو ڈسٹرکٹ جیل ملیر کراچی کا سپرنٹنڈنٹ تعینات کیا گیا ہے۔ ان افسران کو جیلوں کے انتظامی امور، قیدیوں کی فلاح و بہبود اور سیکیورٹی معاملات کو بہتر انداز میں چلانے کی ہدایت کی گئی ہے۔
نوٹیفکیشن میں مزید بتایا کہ شباب الدین صدیقی کو اسسٹنٹ انسپکٹر جنرل آف پرزنس (AIG Prisons) کراچی تعینات کیا گیا ہے۔ ان کی ذمہ داریوں میں جیلوں کے مجموعی سیکیورٹی انتظامات، انضباطی کارروائیوں اور اصلاحی اقدامات کی نگرانی شامل ہوگی۔
محکمہ جیل خانہ جات سندھ کے مطابق یہ تبادلے اور تقرریاں جیلوں کے نظام کو جدید خطوط پر استوار کرنے، سیکیورٹی انتظامات کو مزید سخت بنانے اور قیدیوں کی فلاحی پالیسیوں پر عمل درآمد کے لیے کیے گئے ہیں۔
محکمہ کے ذرائع کا کہنا ہے کہ نئے افسران سے توقع کی جا رہی ہے کہ وہ جیلوں میں نظم و ضبط، شفافیت اور اصلاحی ماحول کو فروغ دینے میں اپنا مؤثر کردار ادا کریں گے جبکہ جیلوں میں سیکیورٹی عملے کی تربیت اور مانیٹرنگ سسٹم کو بھی مزید فعال بنایا جائے گا۔
ذریعہ
ذریعہ: Jasarat News
کلیدی لفظ: کیا گیا ہے جیلوں میں
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی