کسان کابی جے پی رہنما کے ہاتھوں قتل ، مودی کے ‘شائننگ انڈیا’ کا خون آلود چہرہ بے نقاب
اشاعت کی تاریخ: 28th, October 2025 GMT
نئی دہلی (نیوز ڈیسک) مودی حکومت کے دور میں بھارت کا نام نہاد “شائننگ انڈیا” کا چہرہ ایک بار پھر خون سے رنگ گیا ہے۔ مدھیہ پردیش میں بھارتیہ جنتا پارٹی (بی جے پی) کے رہنما کی جانب سے ایک کسان کو جیپ تلے کچل کر قتل کرنے کا لرزہ خیز واقعہ سامنے آیا ہے، جس نے پورے ملک میں غم و غصے کی لہر دوڑا دی ہے۔
بھارتی جریدے کی رپورٹ کے مطابق گنیش پورہ گاؤں میں بی جے پی لیڈر مہندرا نگر نے زمین بیچنے سے انکار کرنے والے کسان رام سواروپ پر اپنی جیپ چڑھا دی۔ رپورٹ میں بتایا گیا کہ مہندرا نگر نے اپنے ساتھیوں کے ہمراہ کسان کو ڈنڈوں سے بدترین تشدد کا نشانہ بنایا، گاؤں کی خواتین پر بھی تشدد کیا گیا اور فائرنگ کی گئی۔ زخمی کسان کو ہسپتال لے جانے کی اجازت تک نہیں دی گئی۔
مقامی افراد نے بتایا کہ بی جے پی کے بااثر رہنما گزشتہ کئی ماہ سے کسانوں پر دباؤ ڈال رہے تھے کہ وہ اپنی زمینیں سستے داموں فروخت کر کے گاؤں چھوڑ دیں۔ اب تک 25 سے زائد کسان دھمکیوں کے باعث نقل مکانی پر مجبور ہو چکے ہیں۔
کانگریس کے ایم ایل اے رشی اگروال نے واقعے کی شدید مذمت کرتے ہوئے کہا کہ بی جے پی حکومت کے زیرِ سایہ مدھیہ پردیش میں تشدد، لوٹ مار اور خواتین سے زیادتی کے واقعات خطرناک حد تک بڑھ چکے ہیں۔ ان کے مطابق مودی سرکار کی ظالمانہ پالیسیوں نے کسانوں کو معاشی بدحالی، قرضوں اور خودکشیوں کی دلدل میں دھکیل دیا ہے۔
بھارت میں کسان برادری پہلے ہی مودی حکومت کی پالیسیوں کے خلاف احتجاج کر رہی ہے۔ ماہرین کا کہنا ہے کہ حکومتی سرپرستی میں طاقتور طبقے کے ہاتھوں کسانوں پر بڑھتے مظالم “شائننگ انڈیا” کے اس جھوٹے بیانیے کو عیاں کر رہے ہیں جس کے نیچے غربت، ناانصافی اور جبر کی سچائی چھپی ہے۔
.
ذریعہ
ذریعہ: Daily Mumtaz
کلیدی لفظ: بی جے پی
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ