کراچی: ریسٹورنٹ کے قریب فائرنگ کے نتیجے میں زخمی نوجوان دوران علاج دم توڑ گیا
اشاعت کی تاریخ: 28th, October 2025 GMT
---فائل فوٹو
کراچی کے علاقے گرومندر کے قریب ریسٹورنٹ پر فائرنگ کے نتیجے میں زخمی ہونے والا نوجوان دورانِ علاج دم توڑ گیا۔
صدر موبائل اینڈ الیکٹرونکس ڈیلر ایسوسی ایشن کے مطابق فائرنگ سے زخمی ہونے والے نوجوان کا نام معیز تھا، معیز موبائل فون کا تاجر تھا۔
دوسری جانب پولیس کے مطابق معیز کی موت کے بعد رواں سال مزاحمت پر ڈاکوؤں کی فائرنگ سے جاں بحق ہونے والے افراد کی مجموعی تعداد 75 ہو گئی ہے۔
.ذریعہ: Jang News
پڑھیں:
گلستانِ جوہر میں ٹک ٹاک وڈیو کے دوران فائرنگ سے خاتون جاں بحق
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر )گلستان جوہر پہلوان گوٹھ میں گولی سر میں لگنے سے زخمی ہوکر دم توڑنے والی خاتون کے قتل میں شوہر ملوث نکلا ۔ تفصیلات کے مطابق گلستانِ جوہر پہلوان گوٹھ میں 22 سالہ خاتون فرزانہ زوجہ غلام مصطفیٰ ٹک ٹاک ویڈیو بناتے ہوئے گولی چلنے سے جاں بحق ہوئی۔پولیس حکام کے مطابق ابتدائی طور پر واقعے کو ڈکیتی مزاحمت قرار دیا گیا تھا، تاہم تحقیقات میں انکشاف ہوا کہ فائرنگ گھر کے اندر ہوئی تھی، ایس ایس پی ایسٹ کے مطابق ملزم غلام مصطفی نے بیان دیا ہے کہ وہ اپنی اہلیہ کے ساتھ ٹک ٹاک ویڈیو بنا رہا تھا کہ اچانک پستول چل گیا۔ تاہم پولیس نے اس بیان کو مشکوک قرار دیتے ہوئے کہا ہے کہ ملزم ممکنہ طور پر خود کو بچانے کی کوشش کر رہا ہے۔تفتیشی ٹیم نے جائے وقوعہ سے نائن ایم ایم پستول، گولیوں کے خول، اور دیگر شواہد تحویل میں لے لیے ہیں۔ مقتولہ کو شدید زخمی حالت میں اسپتال منتقل کیا گیا، جہاں وہ دورانِ علاج دم توڑ گئی۔پولیس نے ملزم شوہر کوقتل کی دفعات کے تحت گرفتار کر کے مقدمہ درج کر لیا ہے۔ واقعے کی مزید تحقیقات جاری ہیں تاکہ یہ تعین کیا جا سکے کہ گولی واقعی حادثاتی طور پر چلی یا یہ گھریلو جھگڑے کا نتیجہ تھی۔پولیس ذرائع کا کہنا ہے کہ مقتولہ کے والدین کو بھی شاملِ تفتیش کیا جا رہا ہے، جبکہ فرانزک شواہد نادرا اور پولیس لیب کو بھیجے گئے ہیں تاکہ ہتھیار کے استعمال اور فائر کے زاویے سے اصل صورتحال واضح ہو سکے۔یہ افسوسناک واقعہ ایک بار پھر اس سوال کو جنم دیتا ہے کہ سوشل میڈیا کے غیر محتاط استعمال،اسلحے کی غیر ذمہ دارانہ نمائش، اورگھریلو تعلقات میں تشدد کے بڑھتے رجحانات نے نوجوان نسل کو کس خطرناک سمت میں دھکیل دیا ہے۔
بیلجیئم کے سابق وزیراعظم UNDP کے سربراہ ہونگے