کندھ کوٹ: رشتے کے تنازع پر فائرنگ، 2 خواتین سمیت 4 افراد جاں بحق
اشاعت کی تاریخ: 10th, December 2025 GMT
فائل فوٹو
سندھ کے ضلع کندھ کوٹ میں گاؤں جڑیو بھنگوار میں فائرنگ سے 2 خواتین سمیت 4 افراد جاں بحق ہوگئے۔
پولیس کے مطابق بھنگوار برادری کے دو گروہوں میں رشتے کا تنازع تھا جس پر فائرنگ کا واقعہ پیش آیا۔
پولیس کے مطابق فائرنگ میں خاتون ڈی ایس پی سٹی پارس بکرانی اور ڈی ایس پی گڑھی یاسین ظہور سومرو بھی زخمی ہوگئے۔
پولیس کا بتانا ہے کہ فائرنگ میں ایک شخص زخمی بھی ہوا ہے، لاشوں اور زخمی شخص کو اسپتال منتقل کردیا گیا ہے۔
پولیس کے مطابق فائرنگ کے بعد ملزمان فرار ہوگئے ہیں، واقعے کی تحقیقات کی جارہی ہے۔
.ذریعہ: Jang News
پڑھیں:
پی ٹی آئی سینیٹر خرم ذیشان کے گھر پر نامعلوم افراد کا حملہ، فائرنگ سے ایک شخص زخمی
پشاور کے علاقے حیات آباد میں منگل کی صبح نامعلوم افراد نے پاکستان تحریکِ انصاف کے سینیٹر خرم ذیشان کے سسرالی گھر پر فائرنگ کردی، جس کے نتیجے میں گھر کا ایک ملازم زخمی ہوگیا۔
خرم ذیشان نے گزشتہ اکتوبر میں خیبر پختونخوا سے جنرل سیٹ پر سینیٹر کا انتخاب جیتا تھا، یہ سیٹ شبلی فراز کی نااہلی کے باعث خالی ہوئی تھی۔
تحریک انصاف کے سینیٹر خرم ذیشان کے گھر پر گزشتہ رات فائرنگ کے بعد کے مناظر pic.twitter.com/4VK2nStNtU
— Muhammad Umair (@MohUmair87) December 9, 2025
تتارہ تھانے میں درج ایف آئی آر میں بتایا گیا ہے کہ واقعہ قریباً صبح ساڑھے 3 بجے پیش آیا، جب حملہ آوروں نے حیات آباد فیز ٹو میں موجود گھر کو نشانہ بنایا۔
پولیس کے مطابق سینیٹر کے برادر نسبتی سید اظہر حسین بخاری نے بیان دیا کہ وہ اس وقت گھر پر موجود تھے جب فائرنگ ہوئی۔ ان کے مطابق گھر میں کام کرنے والے ابرار احمد کو گولی لگی جس سے وہ زخمی ہوگیا۔
پی ٹی آئی خیبر پختونخوا کے ترجمان اکرام کھٹانہ نے واقعے کی تصدیق کرتے ہوئے کہاکہ حملے کے وقت خرم ذیشان گھر پر موجود نہیں تھے۔
ان کا کہنا تھا کہ حملہ آور پہلے گھر والوں کو دروازہ کھولنے پر آمادہ کرنے کی کوشش کرتے رہے اور ناکامی پر فائرنگ شروع کر دی۔
سینیٹر خرم ذیشان نے تاحال اس حوالے سے کوئی ردِعمل نہیں دیا۔
واضح رہے کہ گزشتہ ماہ بھی پی ٹی آئی کے ایم پی اے انور زیب خان کے گھر پر خارشگان تحصیل میں مبینہ کواڈ کاپٹر حملہ ہوا تھا، جس میں ان کا ایک پرائیویٹ سیکیورٹی گارڈ زخمی ہوگیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ٹی آئی سینیٹر خرم ذیشان زخمی فائرنگ نامعلوم افراد وی نیوز
بنگال میں ہندوتوا کی ٹھیکیداری قبول نہیں،وزیراعلیٰ ممتابنرجی