محرابپور،تحریک تحفظ پاکستان کی اپیل پر27 ویں ترمیم کیخلاف احتجاج
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)تحریک تحفظ پاکستان کی اپیل پر 27 ویں آئینی ترمیم کیخلاف سیاسی،قوم پرست تنظیمیں سراپا احتجاج، پاکستان تحریک انصاف، سندھ یونائٹیڈ پارٹی اور جسقم کے زیر اہتمام اللہ والی چوک نوشہرو فیروز، جناح چوک محراب پور، پریس کلب کنڈیارو پراحتجاج سے خطاب کرتے ہوئے پاکستان تحریک انصاف سندھ کے ڈپٹی جنرل سیکرٹری سید زاہد علی شاہ،مہر علی وسطڑو، فرمان نول، خادم سیال، طالب مبیجو، جسقم رہنما اسد عمرانی، سجاد بھٹی نے کہا کہ ہم پاکستان میں نافذ 26 ویں اور 27 ویں سمیت تمام غیر آئینی ترامیم کیخلاف مزاحمت کریں گے، پاکستان کے آئین کو قرارداد 40 کے مطابق اس کی اصل روح اور حقیقی شکل میں بحال کیا جائے،یہ معاملہ ملک کے وسیع تر مفاد سے متعلق ہے، 27 ویں ترمیم کے بعد عدالتیں کینگرو کورٹس سے بھی بدتر ہو گئی ہیں اور پارلیمنٹ بالادستی میں آ گئی ہیں،سندھ حکومت دفعہ 144 کے ذریعے خوف کی فضا پیدا کرنے کی کوشش کر رہی ہے جس سے عدالتی نظام کی آزادی متاثر ہوتی ہے، رہنماؤں نے کہا کہ وہ 26 ویں اور 27 ویں آئینی ترامیم کو سول مارشل لاء سمجھتے ہیں اور آئین پاکستان کے وقار اور حقیقی روح کے تحفظ کیلئے جدوجہد جاری رکھیں گے۔
ذریعہ
ذریعہ: Jasarat News
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار