گاڑیوں کے پارٹس کی درآمدات میں 123 فیصد کا بڑا اضافہ، مقامی مارکیٹ پر شدید دباؤ
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
ملک میں آٹو پارٹس اور گاڑیوں کی درآمدات میں غیر معمولی اضافہ دیکھنے میں آیا ہے جس نے ایک جانب مقامی آٹو انڈسٹری میں نئی سرگرمی کو جنم دیا ہے، تو دوسری طرف پیداواری اداروں کے لیے تشویش بھی بڑھا دی ہے۔
صارفین کی دلچسپی نئی درآمدی گاڑیوں، استعمال شدہ کاروں اور مقامی طور پر تیار ہونے والی گاڑیوں کی طرف بڑھ رہی ہے، جس کے باعث مارکیٹ نہایت متحرک لیکن غیر متوازن ہو چکی ہے۔ اس بدلتے ہوئے رجحان نے ملکی آٹو سیکٹر کے مستقبل کے حوالے سے اہم سوالات کھڑے کر دیے ہیں۔
پاکستان بیورو آف اسٹیٹسٹکس کے تازہ اعداد و شمار بتاتے ہیں کہ کار ساز کمپنیوں کی جانب سے درآمد کی جانے والی اسمبلی کٹس (SKD/CKD) میں پچھلے سال کے مقابلے میں 123 فیصد کا حیران کن اضافہ ریکارڈ ہوا ہے اور صرف 4 ماہ کے دوران ان درآمدات کی مالیت بڑھ کر 62 کروڑ 80 لاکھ ڈالر تک پہنچ گئی، جو ملکی گاڑیوں کی پیداوار میں تیزی اور طلب کے بڑھتے ہوئے رجحان کو ظاہر کرتی ہے۔
یہ اضافہ اس بات کی نشاندہی کرتا ہے کہ مقامی کمپنیاں اپنی پروڈکشن لائنز تیزی سے بڑھا رہی ہیں، مگر وہ درآمدی پارٹس پر بھی حد سے زیادہ انحصار کرتی جا رہی ہیں۔
صورتحال کا ایک اور رخ استعمال شدہ اور مکمل تیار شدہ گاڑیوں (CBU) کی درآمدات ہیں، جن میں بھی قابلِ ذکر اضافہ سامنے آیا ہے۔ 4 ماہ میں ایسی گاڑیوں کی درآمدات 31 فیصد بڑھ کر 11 کروڑ 30 لاکھ ڈالر تک پہنچ گئیں، جو گزشتہ برس اسی مدت میں صرف 8 کروڑ 60 لاکھ ڈالر تھیں۔
اس اضافے نے مارکیٹ میں مقابلے کو مزید سخت کر دیا ہے اور متعدد خریدار نسبتاً سستی اور بہتر فیچرز والی درآمدی گاڑیوں کی طرف راغب ہو رہے ہیں۔
پاکستان ایسوسی ایشن آف آٹوموٹیو پارٹس اینڈ ایکسیسریز مینوفیکچررز (PAAPAM) نے اس صورتحال کو نہایت خطرناک قرار دیتے ہوئے شدید تحفظات کا اظہار کیا ہے۔
رواں برس پاکستان آٹو پارٹس شو کے دوران ایسوسی ایشن نے ایک بڑی میڈیا مہم شروع کی، جس میں خبردار کیا گیا کہ اگر استعمال شدہ گاڑیوں کی درآمدات اسی طرح جاری رہیں تو آٹو انڈسٹری میں 5 ارب ڈالر سے زائد کی سرمایہ کاری، 1 ہزار 200 سے زیادہ فیکٹریاں اور تقریباً 25 لاکھ ملازمتیں براہِ راست خطرے میں پڑ جائیں گی۔
ایسوسی ایشن کے مطابق استعمال شدہ گاڑیوں کی درآمد درحقیقت ملکی معیشت کو نقصان پہنچانے کے مترادف ہے، کیونکہ اس کے نتیجے میں غیرقانونی ذرائع سے بھیجنے والی رقوم، ہنڈی اور حوالہ جیسے معاملات بڑھ رہے ہیں، جو ریاستی آمدنی کو کمزور کرتے ہیں۔
اس صورت حال میں مقامی کار ساز کمپنیوں نے بھی اپنی تشویش ظاہر کرتے ہوئے کہا ہے کہ استعمال شدہ درآمدی گاڑیوں کا مارکیٹ شیئر گزشتہ چند برسوں میں تیزی سے بڑھا ہے اور اب یہ 25 سے 30 فیصد کے درمیان پہنچ چکا ہے جب کہ کچھ عرصہ قبل یہ حصہ 10 فیصد سے بھی کم تھا۔
کمپنیوں کا مؤقف ہے کہ یہ صورتحال نہ صرف مقامی پیداوار کے لیے خطرہ ہے بلکہ مستقبل میں نئی سرمایہ کاری کو بھی متاثر کر سکتی ہے، جس سے آٹو سیکٹر کی ترقی کا پورا ڈھانچہ کمزور پڑ سکتا ہے۔
آٹو انڈسٹری کے ماہرین کا کہنا ہے کہ اگر حکومت نے درآمدی پالیسیوں اور مقامی صنعت کے تحفظ کے درمیان مناسب توازن پیدا نہ کیا تو آنے والے برسوں میں مقامی آٹو سیکٹر کو شدید مشکلات کا سامنا کرنا پڑ سکتا ہے۔
بڑھتی ہوئی درآمدات جہاں ایک طرف صارفین کو نئے آپشنز فراہم کرتی ہیں، مگر دوسری جانب یہ ملکی صنعت کے لیے ایک بڑا چیلنج ثابت ہو رہی ہیں۔ آٹو سیکٹر کی کارکردگی ملکی معیشت کے لیے کلیدی اہمیت رکھتی ہے، اس لیے پالیسی سازوں کو اس مسئلے کا حل جلد تلاش کرنا ہوگا۔
.ذریعہ: Jasarat News
کلیدی لفظ: استعمال شدہ کی درآمدات گاڑیوں کی آٹو سیکٹر کے لیے
پڑھیں:
معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں: وزیراعظم
اویس کیانی :وزیراعظم محمد شہباز شریف نے کہا ہے کہ ملکی معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں، کاروبار میں آسانی اور سرمایہ کاری میں اضافے کیلئے اقدامات حکومت کی اولین ترجیح ہیں۔
وزیراعظم محمد شہباز شریف کی زیر صدارت ملکی صنعتی ترقی پر قائم نجی شعبے کی کمیٹی کا پہلا جائزہ اجلاس ہوا، اجلاس کو صنعتی ترقی کے حوالے سے سفارشات پیش کی گئیں، وزیرِ اعظم نے خیرمقدم کیا۔
وزیر اعظم شہباز شریف سے گورنر خیبرپختونخواہ کی ملاقات
وزیراعظم نے کہا کہ ملکی صنعتی ترقی کیلئے نجی شعبے کی تجاویز کلیدی اہمیت رکھتی ہیں، کاروباری حضرات کی جانب سے صنعتی ترقی کیلئے عرق ریزی سے تجاویز تیار کی گئیں جو لائق تحسین ہیں۔
انہوں نے کہا کہ ان تجاویز کا بغور مشاہدہ کرکے عملدرآمد کا لائحہ عمل تیار کیا جائے گا، پاکستانی کاروباری برادری نے مشکل وقت میں حکومتی پالیسیوں کا ساتھ دیا اور ملک کو معاشی بحرانوں سے نکالنے میں معاونت کی۔
لاہور میں 256ٹریفک حادثات؛ ایک شخص جاں بحق 285 زخمی
وزیراعظم شہباز شریف نے کہا کہ اللہ کے فضل و کرم سے ملک کی معاشی سمت بہتر اور ملک ترقی کی جانب گامزن ہے، مگر ملکی ترقی کیلئے ہمیں مزید محنت کرنا ہے۔
اجلاس میں وفاقی وزراء احسن اقبال، جام کمال خان، احد خان چیمہ، علی پرویز ملک، وزیرِ اعظم کے مشیر محمد علی، وزیرِ مملکت بلال اظہر کیانی، معاون خصوصی ہارون اختر اور ثاقب شیرازی کی قیادت میں صنعتی ورکنگ گروپ میں شامل صنعتکاروں نے شرکت کی۔
بادامی باغ ؛ پلاٹ کے تنازع پر 2 افراد قتل
اجلاس کو پاکستان کی صنعتی ترقی اور ملک میں سرمایہ کاری میں اضافے کیلئے پالیسی تجاویز پیش کی گئیں، اجلاس کو ملکی صنعت کی مسابقت میں اضافے کیلئے خطے کے ممالک سے موازنہ بھی پیش کیا گیا۔
وزیرِاعظم کی ان تجاویز کی تعریف اور معیشت کے دیگر شعبوں کے حوالے سے سفارشات کے ساتھ ان تجاویز کو ملا کر قومی پالیسی فریم ورک میں شامل کرنے کی ہدایت کی۔
کرپشن کیس میں گرفتار سابق ایڈیشنل ڈپٹی کمشںر ریونیو راولپنڈی پولیس کی حراست سے فرار