پاک افغان بارڈر بندش سے پریشان تاجر مدد کیلئے فضل الرحمان کے پاس پہنچ گئے
اشاعت کی تاریخ: 26th, November 2025 GMT
پشاور:
جمعیت علمائے اسلام کے سربراہ مولانا فضل الرحمن سے پاک افغان بارڈرز سے وابستہ تاجروں پر مشتمل جرگے نے مفتی محمود مرکز پشاور میں ملاقات کی اور سرحدوں کی طویل بندش پر معاشی و تجارتی خطرات سے آگاہ کیا۔
تاجروں کے مطابق 45 روز سے بارڈرز بند ہیں جس کی وجہ سے تاجروں کو کروڑوں روپے کا نقصان ہوچکا ہے، اگر حکومت نے فوری طور پر تجارت بحال نہیں کی تو تاجروں سمیت قومی خزانے کو بھی مزید بھاری نقصان کا اندیشہ ہے۔
قائد جمعیت مولانا فضل الرحمن نے تجارتی بندش پر گہری تشویش و افسوس کا اظہار کیا اور تاجروں کو یقین دہانی کرائی کہ جمعیت علمائے اسلام تاجروں کے اس مسئلے کو لے کر تمام فورمز پر موثر آواز اٹھائے گی۔
وفد میں جے یو آئی فاٹا کے امیر مولانا جمال الدین، سنیٹر مولانا عطاء الحق درویش، مفتی مصباح الدین، شمالی وزیرستان آل ٹریڈرز ایسوسی ایشن کے چیئرمین ثناءاللہ ہمزونی، عبدالستار خان، ملک زرابت خان، ملک روح اللہ سمیت دیگر تاجرشریک تھے۔
.ذریعہ: Express News
پڑھیں:
کندھکوٹ، ووٹرز کی آگاہی کیلئے پروگرام کا انعقاد
data-id="863a0a8" data-element_type="widget" data-widget_type="theme-post-content.default">
کندھکوٹ(نمائندہ جسارت)ڈسٹرکٹ الیکشن کمشنر کشمورایٹ کندھکوٹ نے الیکشن کمیشن آف پاکستان کی ہدایات کے مطابق مورخہ 25 نومبر 2025ء کو ووٹرز کی آگاہی کیلئے ڈسٹرکٹ ووٹر ایجوکیشن کمیٹی کا ماہانہ پروگرام بمقام مدرسہ دارالفیوض کندھ کوٹ میں طلبا کے ساتھ منعقد کیا گیا جس میں ڈسٹرکٹ الیکشن کمشنر عبدالرزاق، مدرسہ دارالفیوض کے مہتمم مولانا قاری محمد شفیع کھوسہ، ناظم اعلیٰ مولانا محمد اعظم الحسینی، شیخ الحدیث مولانا مفتی غلام اللہ نوناری، مولانا عبدالعزیز سمیجو، ترجمان حافظ عرفان اللہ کھوسہ اور مدرسہ دارالفیوض کے طلباء کی کثیر تعداد نیشرکت کی۔ پروگرام کا باقاعدہ آغاز تلاوت کلام پاک سے کیا گیا۔ اس موقع پر ڈسٹرکٹ الیکشن کمشنر کشمورایٹ کندھکوٹ عبدالرزاق نے تمام طلبا کو خوش آمدید کہا اور اِن سے تفصیلی گفتگو کرتے ہوئے کہا کہ الیکشن کمیشن آف پاکستان کی ہدایات کے پیش نظر ضلعی الیکشن کمشنر کا دفتر ضروری لائحہ عمل کیلئے کوشاں ہے۔ توجہ لہٰذا ہر شہری اپنے ووٹ کے آزادنہ استعمال کا حق رکھتا ہے اور جمہوری عمل کے فروغ کی غرض سے انتخابی فہرست میں ووٹرز کا بھرپور اندراج کیا جانا نہایت ضروری ہے۔ بحیثیت ووٹر ہر شہری کا بنیادی حق اور قومی ذمہ داری ہیکہ اپناحق رائے دہی ضرور استعمال کریں۔ ووٹ کے اندراج، درستگی اورمنتقلی کیلئے دفتر ڈسٹرکٹ الیکشن کمشنر کشمورایٹ کندھ کوٹ میں بِلا معاوضہ فارم جات ہر وقت میسر ہیں جو کہ اہل افراد اپنے گھر انے کیلئے حاصل کر سکتے ہیں۔ انہوں نے مزید کہا کہ ایسے تمام شہری جن کا نادرہ کیدفتر سے شناختی کارڈ جاری ہوچکا ہے ،اپنے مستقل یا عارضی کسی ایک پتہ پر اپنے ووٹ کے اندراج کو یقینی بنائیں۔ ووٹ اندراج کی معلومات کیلئے شارٹ میسج سروس (ایس ایم ایس) (8300) پر شناختی کارڈ کا نمبر بھیجیں اور اگر کسی وجہ سے ایس ایم ایس کئے گئے شناختی کارڈکے حامل شخص کا ووٹ درج نہ ہو تووہ ضلعی الیکشن کمشنر کے دفترسے رجوع کرے۔ ووٹ کا اندراج قومی شناختی کارڈ پر موجود مستقل یاموجودہ پتہ پر یقینی بنائیں اورانتخابی عمل کا حصہ بنیں۔ اختتام پر ڈسٹرکٹ الیکشن کمشنر کشمور ایٹ کندھکوٹ نے منتظمین اور طلباکا شکریہ ادا کیا۔
آئندہ مون سون کیلئے تیاری کی ہدایت، صوبوں سے ملکر منصوبہ سازی کی جائے: وزیراعظم