گلشن اقبال میں گھر پر قبضہ کرنے اور ان کے سرپرستوں کو قانون کی گرفت میں لایا جائے،منعم ظفر خان
اشاعت کی تاریخ: 28th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی:جماعت اسلامی کراچی کے امیر منعم ظفر خان نے گلشن اقبال میں قبضہ مافیا کی جانب سے شہری کے گھر پر قبضے کی کوشش کی شدید مذمت کی اور فوری کارروائی کا مطالبہ کیا ہے۔
نائب امیر کراچی و اپوزیشن لیڈر ایم سی سیف الدین ایڈووکیٹ کے ہمراہ متاثرہ اشخاص والد محمد یامین اور ان کے صاحبزادے محمد طاہر کے گھر B-60 بلاک 13-D/1 پر ہنگامی پریس کانفرنس کرتے ہوئے منعم ظفر خان نے کہا کہ وزیر اعلیٰ سندھ، وزیر داخلہ، ڈی آئی جی اور ایس ایس پی کو چاہیے کہ واقعے کی شفاف اور فوری تحقیقات کرائی جائیں اور مسلح حملہ آور افراد کے ساتھ ان کے سرپرستوں کو بھی قانون کے مطابق سزا دی جائے۔
انہوں نے پولیس اہلکاروں کی غفلت پر سخت کارروائی کا بھی مطالبہ کرتے ہوئے کہا کہ وکالت کا شعبہ عزت اور انصاف کی علامت ہے مگر چند عناصر کالے کوٹ پہن کر دہشت گردی میں ملوث ہیں، انہوں نے کراچی بار اور سندھ بار سے مطالبہ کیا کہ اس واقعے میں ملوث وکلاء کے لائسنس منسوخ کیے جائیں اور ان کے خلاف سخت کارروائی کی جائے۔
منعم ظفر خان نے بتایا کہ گزشتہ رات 50 سے 60 افراد پولیس کی سرپرستی میں گھر پر دھاوا بولے، فائرنگ کی اور سامان باہر پھینک کر قبضے کی کوشش کی، جسے جماعت اسلامی کی مقامی ٹیم اور اہل محلہ نے ناکام بنایا، یہ واقعہ شہر میں جعلی کاغذات اور فائلوں کے ذریعے زمینوں اور مکانات پر قبضے کے بڑھتے ہوئے نظام کی سنگین علامت ہے۔
انہوں نے کلفٹن، شاہ لطیف، نارتھ ناظم آباد، سکیم 33 اور دیگر علاقوں میں پارکوں، سرکاری زمینوں اور رہائشی پلاٹوں پر قبضے، جعلی انتخابات اور غیر قانونی الاٹمنٹس کی نشاندہی کرتے ہوئے کہا کہ یہ سب قابض میئر مرتضیٰ وہاب، سندھ حکومت اور متعلقہ اداروں کی سرپرستی میں ہو رہا ہے۔ 4 ستمبر کے ہائی کورٹ آرڈر کے باوجود پارکوں پر تجارتی کام اور تعمیرات جاری ہیں، جو عدالتی فیصلوں کی کھلی خلاف ورزی ہے۔
منعم ظفر خان نے زور دیا کہ کراچی کو لسانی بنیادوں پر تقسیم کرنے والے عناصر بھی اسی قبضہ مافیا کا حصہ ہیں اور جماعت اسلامی شہر کے ہر محلے، ہر بستی اور عوام کے ساتھ کھڑی رہے گی، جماعت اسلامی نے اس شہر کو بنانے کے لیے ہمیشہ اپناکردار ادا کیا ہے، لوگوں کے حقوق کیلیے بھی ہم سرگرم ہیں۔
ذریعہ
ذریعہ: Jasarat News
کلیدی لفظ: جماعت اسلامی اور ان
پڑھیں:
کراچی: میاں بیوی پر بہیمانہ تشدد کرنے والے 2 ملزمان مبینہ پولیس مقابلے کے بعد گرفتار
ایس ایس پی ویسٹ طارق الٰہی مستوئی نے کہا ہے کہ کراچی میں میاں بیوی پر بہیمانہ تشدد کرنے والے دو ملزمان کو اقبال مارکیٹ پولیس نے مبینہ پولیس مقابلے کے بعد گرفتار کر لیا۔
دو روز قبل ولایت علی کالونی میں گھر کے اندر میاں بیوی پر تیز دھار آلے اور پتھر سے حملہ کیا گیا تھا، جس کے نتیجے میں 45 سالہ فیروزہ زوجہ مرشد اور 50 سالہ مرشد ولد جلال خان شدید زخمی ہو گئے تھے۔
پولیس نے رات گئے کارروائی کے دوران ملزم سہیل عرف اسلم کو زخمی حالت میں جبکہ اکرم عرف لنگڑا کو بغیر زخمی کیے گرفتار کر لیا۔
پولیس کے مطابق ملزمان عادی جرائم پیشہ ہیں اور ان کے خلاف ڈکیتی، اسلحہ اور موٹرسائیکل چوری کے مقدمات پہلے سے درج ہیں، جبکہ ان کے زیر استعمال برآمد ہونے والا موبائل فون اور موٹرسائیکل بھی اسلحے کے زور پر چھینی گئی تھی۔
تفتیش کے مطابق مضروبہ نے کچھ عرصہ قبل اپنا مکان ملزم اکرم کو کرائے پر دیا تھا، تاہم کرائے اور یوٹیلیٹی بلوں کی ادائیگی پر دونوں فریقین کے درمیان تنازع چل رہا تھا، خاتون نے مکان خالی کروانے اور بقایا جات کی وصولی تک کرائے دار کا سامان گھر میں تالا لگا کر روک رکھا تھا، جس پر ملزم اکرم مشتعل ہو گیا اور اپنے بہنوئی سہیل عرف اسلم کے ساتھ مل کر میاں بیوی پر حملہ کر دیا۔
ملزمان نے تیز دھار آلے اور پتھر کے وار کرکے دونوں میاں بیوی کو تشدد کا نشانہ بنایا، جو تاحال زیر علاج ہیں، پولیس نے ملزمان کی نشاندہی پر جائے وقوعہ سے تشدد میں استعمال ہونے والا پتھر بھی برآمد کر لیا ہے۔
واقعے کا مقدمہ زخمیوں کے بیٹے محمد شکیل کی مدعیت میں تھانہ اقبال مارکیٹ میں درج ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ