پاکستان میں مہنگائی بڑھنے کا خدشہ، آئی ایم ایف کی رپورٹ جاری
اشاعت کی تاریخ: 10th, December 2025 GMT
عالمی مالیاتی فنڈ (آئی ایم ایف) نے اپنی تازہ معاشی جائزہ رپورٹ میں پاکستان میں آنے والے مہینوں کے دوران مہنگائی میں اضافے کا امکان ظاہر کیا ہے۔
رپورٹ کے مطابق آئی ایم ایف نے گزشتہ 2 سال کی معاشی کارکردگی اور موجودہ مالی سال کی تفصیلی معاشی پیش گوئیاں جاری کی ہیں۔
یہ بھی پڑھیں: آئی ایم ایف پاکستان کو ایک ارب ڈالر دینے پر رضامند، اعلامیہ جاری
ادارے کا کہنا ہے کہ ملک میں مہنگائی کی شرح اس وقت 4.
The International Monetary Fund has warned that inflation in Pakistan is expected to rise, increasing from 4.5 per cent to 6.3 per cent and potentially reaching 8.9 per cent by June 2026, according to an official report. #PakistanEconomy #IMF #Inflation #FiscalPolicy pic.twitter.com/K2EmCcebor
— Central Pakistan (@centralpak09) December 10, 2025
اس کے مقابلے میں جون 2025 میں مہنگائی کی سطح 3.2 فیصد ریکارڈ کی گئی تھی۔
آئی ایم ایف کے مطابق پاکستان کی معاشی ترقی رواں مالی سال میں 3.2 فیصد رہنے کی توقع ہے، جبکہ بیروزگاری کی شرح 8 فیصد سے کم ہوکر 7.5 فیصد تک گھٹ سکتی ہے۔
مزید پڑھیں: آئی ایم ایف بھی مان گیا کہ پاکستان میں معاشی استحکام آ گیا ہے، وزیرخزانہ
ادارے نے یہ بھی پیش گوئی کی ہے کہ مالی سال 2026 میں ٹیکس ٹو جی ڈی پی کی شرح بڑھ کر 16.3 فیصد تک پہنچ سکتی ہے، جو گزشتہ مالی سال میں 15.9 فیصد تھی۔
رپورٹ میں مزید بتایا گیا ہے کہ مالیاتی خسارہ 2025 کے 5.4 فیصد کے مقابلے میں 2026 میں کم ہو کر 4 فیصد تک آ سکتا ہے، جبکہ قرضوں کا مجموعی بوجھ 70.6 فیصد سے کم ہو کر 69.6 فیصد ہونے کی توقع ہے۔
مزید پڑھیں: معاشی اصلاحات کا تسلسل: آئی ایم ایف نے پاکستان کی شرح نمو میں بہتری کی پیشگوئی کردی
غیر ملکی قرضوں کا حجم جی ڈی پی کے تناسب سے دونوں سالوں میں 22.5 فیصد برقرار رہ سکتا ہے۔
آئی ایم ایف کے مطابق سرمایہ کاری میں معمولی کمی واقع ہوسکتی ہے اور 2026 میں سرمایہ کاری جی ڈی پی کا 0.5 فیصد رہنے کا امکان ہے، جو 2025 میں 0.6 فیصد تھی۔
ادارے نے مزید بتایا کہ پاکستان کے زرمبادلہ ذخائر 2025 کے 14.5 ارب ڈالر سے بڑھ کر 2026 میں 17.8 ارب ڈالر تک پہنچ سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف بیروزگاری ٹیکس جی ڈی پی سرمایہ کار مالیاتی خسارہ معاشی ترقی معاشی کارکردگی مہنگائی
ذریعہ
ذریعہ: WE News
کلیدی لفظ: ا ئی ایم ایف بیروزگاری ٹیکس جی ڈی پی سرمایہ کار مالیاتی خسارہ معاشی کارکردگی مہنگائی ا ئی ایم ایف آئی ایم ایف مالی سال جی ڈی پی فیصد تک کی شرح
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ