دبئی کیپیٹلز نے ابوظہبی نائٹ رائیڈرز کے خلاف ریکارڈ ہدف کا تعاقب کرکے تاریخ رقم کردی
اشاعت کی تاریخ: 27th, January 2025 GMT
دبئی کیپیٹلز نے ابوظہبی نائٹ رائیڈرز کے خلاف ریکارڈ ہدف کا تعاقب کرکے تاریخ رقم کردی WhatsAppFacebookTwitter 0 27 January, 2025 سب نیوز
ابوظہبی : دبئی کیپٹلز نے ڈی پی ورلڈ آئی ایل ٹی 20 سیزن 3 میں ابوظہبی نائٹ رائیڈرز کو 8 وکٹوں سے شکست دیدی۔
204 رنز کے ہدف کا تعاقب کرتے ہوئے کیپٹلز نے شائی ہوپ اور گلبدین نائب کی 135 رنز کی سنسنی خیز شراکت قائم کی جس نے لیگ کی تاریخ میں سب سے بڑے رنز کے تعاقب کی بنیاد رکھی۔
ہوپ کی نصف سنچری اور نائب کی 80 رنز کی شاندار اننگز نے کیپیٹلز کی فتح میں اہم کردار ادا کیا۔ اس سے قبل چریتھ اسلانکا نے 34 گیندوں پر 74 رنز کی شاندار اننگز کھیل کر بڑے اسکور کی بنیاد رکھی۔
ایڈم روسنگٹن اور شائی ہوپ نے بڑے ہدف کا سامنا کرتے ہوئے پاور پلے میں کیپیٹلز کو 54 رنز کے ہدف تک پہنچایا۔ روسنگٹن نے 13 گیندوں پر 21 رنز بنائے جس کے بعد وہ پانچویں اوور میں آندرے رسل کے ہاتھوں آؤٹ ہو گئے۔
شائی ہوپ نے 34 گیندوں پر 4 چوکے اور 2 چھکے لگا کر لیگ میں اپنی تیسری نصف سنچری مکمل کی۔ ہوپ کے ساتھ گلبدین نائب بھی شامل تھے۔ نائب نے اپنے پہلے 27 رنز میں صرف ایک چوکا مارا تاہم اس کے فورا بعد ہی انہوں نے ہدف کا تعاقب کرتے ہوئے 34 گیندوں پر اپنی نصف سنچری بنائی۔
13 ویں اور 17 ویں اوور کے درمیان کیپیٹلز نے 71 رنز بنار ہدف کو اور قریب کرلیا 135 رنز کی شراکت بالآخر اس وقت ٹوٹی جب جیسن ہولڈر نے 18 ویں اوور میں نائب کو آؤٹ کر دیا۔ نائب نے اپنی اننگز کا اختتام 47 گیندوں پر 80 رنز سے کیا جس میں چار چوکے اور پانچ چھکے شامل تھے۔
آخری 2 اوورز میں کیپیٹلز کو 26 رنز درکار تھے داسن شناکا نے 19 ویں اوور میں آندرے رسل کو دو چوکے اور ایک چھکا مارا جس نے کیپیٹلز کو 19.
اس سے قبل ابوظہبی نائٹ رائیڈرز کے اوپنرز کائل میئرز اور اینڈریز گوس نے 63 رنز کی شراکت قائم کی۔ گوس نے پاور پلے کا فائدہ اٹھاتے ہوئے 17 گیندوں پر 27 رنز بنائے جس میں 6 چوکے شامل تھے انہیں اوبیڈ میک کوئے نے آوٹ کیا۔
مائرز نے 21 گیندوں پر 35 رنز بنائے جس میں چار چوکے اور دو چھکے شامل تھے، سکندر رضا نے انہیں 7 ویں اوور میں آؤٹ کرکے رن ریٹ کو کچھ دیر کے لئے روک دیا۔
کھیل میں اس وقت ڈرامائی تبدیلی آئی جب چرتھ اسلانکا اور علیشان شرفو نے کیپیٹلز کی پٹائی شروع کی دونوں کھلاڑیوں نے صرف 52 گیندوں میں 105 رنز بنائے اسلانکا نے 38 گیندوں پر 74 رنز بنائے جس میں 6 چوکے اور 4 چھکے شامل تھے جبکہ شرفو نے 21 گیندوں پر 36 رنز کی شاندار اننگز کھیلی۔
دمانتھا چمیرا نے آخری دو اوورز میں صرف چھ رنز دیئے اور اسلانکا کو آؤٹ کرکے کچھ کنٹرول حاصل کیا ۔ نائٹ رائیڈرز نے 4 وکٹوں کے نقصان پر 203 رنز بنائے جو ڈی پی ورلڈ آئی ایل ٹی 20 میں ان کا اب تک کا سب سے بڑا اسکور اور سیزن کی پہلی اننگز کا سب سے بڑا اسکور ہے۔
ذریعہ: Daily Sub News
کلیدی لفظ: ابوظہبی نائٹ رائیڈرز ہدف کا تعاقب
پڑھیں:
فیصل آباد، 12 سالہ بچی کے جاں بحق ہونے کا واقعہ، فن لینڈ سیل، انکوائری کمیٹی قائم
عمران اسلم: فیصل آباد، فن لینڈ میں 12 سالہ بچی جھولے سے گر کر جاں بحق ہونے کا واقعہ، فن لینڈ سیل ،واقعہ کی انکوائری کے لئے 3 رکنی کمیٹی قائم کردی گئی۔
ڈپٹی ڈائریکٹر ڈویلپمنٹ کمیٹی کے کنوینئیر،ڈسٹرکٹ ایمرجسنی آفیسراور سول ڈیفینس آفیسر ممبران مقرر ہیں، انکوائری کمیٹی 48 گھنٹے کے اندر تحقیقات مکمل کرکے ڈپٹی کمشنر کو رپورٹ پیش کریگی۔
یاد رہے کہ گزشتہ روز فن لینڈ انتظامیہ کے خلاف مقدمہ درج کیا گیا،سول لائن میں حمنہ مصطفی کے والد کی مدعیت میں مقدمہ درج کیا گیا، فیصل آباد کی پولیس نے مقدمہ درج کرکے کارروائی کا آغاز کردیا۔
بھارتی فوج کا ایک اور فیک انکاؤنٹر بے نقاب ہوگیا
تفریحی مقام فن لینڈ میں حفاظتی اقدامات نہ ہونے پر ڈسکوری جھولے سے گر کر 12 سالہ لڑکی جاں بحق ہوگئی تھی،مقدمے میں جھولا آپریٹر، منیجر اور ٹھیکیدار قیصر کو ملزم نامزد کیا گیا۔
آخری سفر پر جانے سے پہلے جنید جمشید نے کیا کہا، اہلیہ نے پہلی مرتبہ بتادیا