آپریشن سویفٹ ریٹارٹ کے پسِ پردہ اصل حقائق آشکار
اشاعت کی تاریخ: 26th, February 2025 GMT
آپریشن سویفٹ ریٹارٹ کے پسِ پردہ اصل حقائق آشکار ہوگئے، پلوامہ ڈرامہ بھارتی حکومت اور بھارتی فضائیہ کی ناہلی اور بزدلانہ حرکت کا منہ بولتا ثبوت ہے جب کہ 27 فروری 2019 کو بھارتی دراندازی کا پاک فضائیہ نے تاریخ ساز دفاع کیا۔
رپورٹ کے مطابق 26فروری کو بھارتی فضائیہ نے جعلی سر جیکل سٹرائیک کا ڈرامہ رچایا جس کا بھانڈہ پاکستان نے عالمی میڈیا کو موقع پر لے جا کر پھوڑا۔
26 فروری 2019 کو بھارت نے سرجیکل اسٹرائیک کے نام پر رات کے اندھیرے میں پاکستان کی فضائی حدود کی خلاف ورزی کی، نریندر مودی نے بذاتِ خود طیاروں کے بادلوں میں چھپ کر کارروائی کرنے کا مضحکہ خیز بیان دیا تھا۔
پاکستانی فضائیہ کی جوابی کارروائی میں پاک فضائیہ نے ایک بھارتی طیارہ مار گرایا اور وِنگ کمانڈر ابھی نندن کو قیدی بنایا، حقیقت کے اعتراف کی بجائے بھارت نے پاکستان کاایف 16طیارہ مار گرانے کا دعویٰ کیا
بھارتی دعوے کو امریکی حکام، دفاعی تجزیہ کارکرسٹین فئیر اور غیر جانبدار بھارتی صحافیوں نے بھی مُسترد کر دیا۔
سینئر بھارتی صحافی اشوک سوائن نے11ستمبر2018کو ٹویٹر پر یہ دعویٰ کیا تھا کہ مُودی پاکستان سے جنگ کا ڈرامہ رچا کر انتخابات میں کامیابی حاصل کرنا تھا۔
امریکی صحافی کرسٹن فیئر نے واضح طورپر کہا تھا کہ میں 100 فیصد کہہ سکتی ہوں کہ کوئی ایف16 طیارے تباہ نہیں کیے گئے' میں کہتی ہوں کہ کاش آپ ایف 16 مار گرائیں۔
نیویارک ٹائمز نے کہا کہ جنگی جنون میں مبتلا بھارتی فضائیہ کے پائلٹ نے جلد بازی میں اپنا ہی ہیلی کاپٹر گرا دیا۔
یہی نہیں بلکہ بھارت کے اپنے دفاعی ماہرین نے بھی بھارتی فضائیہ کا جھوٹا اور من گھڑت دعویٰ مسترد کر دیا، سابق بھارتی جنرل سید عطا حسنین نے کہا کہ اگر کسی نے ہمیں انفارمیشن آپریشنز چلانے کا طریقہ سکھایا ہے تو وہ پاکستان کا آئی ایس پی آر ہے، پاکستان ماضی میں کئی بار بھارتی فالس فلیگ آپریشن کے منصوبوں کو بے نقاب کر چکا ہے
16جنوری2021کو دی وائر کی رپورٹ میں ارناب گوسوامی کی لیک واٹس ایپ چیٹ کے مطابق پلوامہ حملہ مُودی سرکار کاسیاسی فائدہ حاصل کرنے کا ڈرامہ تھا، جنوری2022میں کانگریس رہنما اُدت راج نے انکشاف کیا کہ پلوامہ حملے کی منصوبہ بندی مُودی سرکار نے خود کی تھی۔
14فروری2023کو بھی پاکستانی ایجنسیوں نے بھارت کا پلوامہ طرز پر حملہ کرنے کا منصوبہ بے نقاب کیا تھا۔
.ذریعہ: Express News
کلیدی لفظ: بھارتی فضائیہ
پڑھیں:
کشمیر ڈے پر دفتر خارجہ میں تقریب، بھارتی مظالم کی شدید الفاظ میں مذمت
کشمیر ڈے پر دفتر خارجہ کے ترجمان کا کہنا تھا کہ بھارت کی ہٹ دھرمی اور اشتعال انگیز بیانات سے خطے کے امن کو خطرہ ہے، کشمیری عوام سات دہائیوں سے بھارتی جبر و استبداد کا شکار ہے، یومِ سیاہ پر کشمیری عوام کے عزم و استقامت کو خراجِ تحسین پیش کیا۔ اسلام ٹائمز۔ وزارتِ خارجہ نے کشمیر ڈے پر کشمیری عوام سے اظہارِ یکجہتی اور بھارتی مظالم کی شدید الفاظ میں مذمت کی۔ دفتر خارجہ کے ترجمان کے مطابق کنٹرول لائن کے آر پار اور دنیا بھر میں مقیم کشمیریوں نے یوم سیاہ منایا، وزارتِ خارجہ میں مرکزی تقریب ہوئی افسران و عملے نے شرکت کی جب کہ کشمیر یکجہتی واک کا انعقاد کیا گیا۔ ترجمان کا کہنا تھا کہ اسلام آباد میں سفارتی کور کو بھارتی مظالم پر خصوصی بریفنگ دی گئی، بھارتی مظالم پر مبنی دستاویزی فلم سفارت کاروں کو دکھائی گئی، صدرِ مملکت، وزیرِاعظم اور وزیرِخارجہ نے خصوصی پیغامات بھی جاری کیے۔
دفتر خارجہ کے ترجمان نے کہا کہ پاکستان کشمیری عوام کی سیاسی، سفارتی اور اخلاقی حمایت جاری رکھے گا، پاکستان نے عالمی برادری سے بھارت پر دباؤ ڈالنے کا مطالبہ بھی کیا ہے۔ ترجمان نے بتایا کہ پاکستان کی بھارت کے غیر قانونی قبضے اور انسانی حقوق کی خلاف ورزیوں پر شدید تشویش کی اور وزیرِ خارجہ کے خطوط اقوامِ متحدہ، سلامتی کونسل اور او آئی سی سربراہان کو ارسال کیے۔ دفتر خارجہ کے ترجمان کا کہنا تھا کہ بھارت کی ہٹ دھرمی اور اشتعال انگیز بیانات سے خطے کے امن کو خطرہ ہے، کشمیری عوام سات دہائیوں سے بھارتی جبر و استبداد کا شکار ہے، یومِ سیاہ پر کشمیری عوام کے عزم و استقامت کو خراجِ تحسین پیش کیا۔
ترجمان نے کہا کہ کشمیری عوام کے حقِ خودارادیت کے لیے جدوجہد جاری ہے، پاکستان کا عہد ہے کہ ہر فورم پر کشمیریوں کی آواز بلند کرتے رہیں گے۔ وزارت خارجہ کے ترجمان کا مزید کہنا تھا کہ27 اکتوبر یومِ سیاہ پر بھارت کے غیر قانونی قبضے کے 78 سال مکمل ہو گئے، پاکستان کا اس عزم کا اظہار کرتا ہے کہ مقبوضہ وادی کے مظلوموں کے ساتھ کھڑے ہیں۔
گلگت، سوشل میڈیا پر نفرت انگیز مواد اپلوڈ کرنے والوں کیخلاف فوری کارروائی کی ہدایت