نمرہ خان کی دوسری شادی؛ دلہا کون ہے ؟
اشاعت کی تاریخ: 10th, March 2025 GMT
ابھرتی ہوئی اداکارہ نمرہ خان نے سوشل میڈیا پر مداحوں کے سوالات کے جوابات دیتے ہوئے اپنی دوسری شادی کا عندیہ دیدیا۔
نمرہ خان نے بہترین اداکاری سے شوبز کی دنیا میں جگہ بنالی ہے اور سوشل میڈیا پلیٹ فارمز پر اپنے مداحوں سے بھی ہمہ وقت رابطے میں رہتی ہیں۔
یہی وجہ ہے کہ ان کی زندگی کا صفحہ کسی سے چھپا ہوا نہیں ہے۔ جب انھوں نے لاک ڈاؤن کے دوران خاموشی سے نکاح کیا تھا تب بھی مداحوں کو یہ خوشخبری خود سنائی تھی۔
اپریل 2020 میں ہونے والی یہ شادی زیادہ عرصے نہیں چل سکی اور ایک سال بعد ہی جوڑے کے درمیان طلاق ہوگئی تھی۔
تاہم اب انسٹاگرام پر مداح کے ایک سوال کے جواب میں نمرہ خان نے جلد دوسری شادی کا عندیہ دیا ہے۔
نمرہ خان نے کے اس اعلان کے بعد سوشل میڈیا صارفین نے سوالات کی بوچھاڑ کردی اور اکثریت نے دلہا سے متعلق جاننا چاہا۔
لگتا ہے نمرہ خان ابھی دلہا کے معاملے میں سسپنس برقرار رکھنا چاہتی ہیں اس لیے ان سوالات کو نظر انداز کرگئیں۔
تو نمرہ خان کس سے شادی کرنے جا رہی ہیں اس کے لیے ان کے مداحوں کو انتظار کرنا ہوگا۔
.
ذریعہ: Express News
پڑھیں:
وفاقی کابینہ نے نیشنل سائبر کرائم انوسٹیگیشن ایجنسی تشکیل دیدی
سٹی 42 : وفاقی حکومت نے پیکا ایکٹ کے تحت اہم فیصلہ کیا ہے، وفاقی کابینہ نے نیشنل سائبر کرائم انوسٹیگیشن ایجنسی تشکیل دے دی ۔
وفاقی کابینہ نے سوشل میڈیا پروٹیکشن اینڈ ریگولیٹری اتھارٹی بھی قائم کر دی، اس کے علاوہ سوشل میڈیا پروٹیکشن ٹربیونل تشکیل دے دی گئی۔
وفاقی کابینہ کی منظوری کے بعد وزارت داخلہ نے سائبر کرائم ایجنسی کا نوٹیفکیشن جاری کر دیا، جس کے مطابق نیشنل سائبر کرائم ایجنسی ایجنسی پیکا ایکٹ کے تحت جرائم کی تحقیقات کیلئے قائم کی گئی ہے۔ وفاقی حکومت کی جانب سے سوشل میڈیا کمپلین کونسل بھی قائم کر دی گئی۔
صدر مملکت سے وزیر داخلہ محسن نقوی کی اہم ملاقات
آخری سفر پر جانے سے پہلے جنید جمشید نے کیا کہا، اہلیہ نے پہلی مرتبہ بتادیا