خلیج میکسیکو کا نام تبدیل کرنے پر میکسیکو کی صدر نے گوگل پر مقدمہ دائر کردیا
اشاعت کی تاریخ: 10th, May 2025 GMT
میکسیکو کی صدر کلاڈیا شینباؤم نے ’گلف آف میکسیکو‘ کا نام تبدیل کرنے پر گوگل کے خلاف قانونی کارروائی کا آغاز کردیا ہے۔
امریکی صدر ڈونلڈ ٹرمپ کے ایک ایگزیکٹو آرڈر کے تحت امریکی صارفین کے لیے گوگل میپس پر "گلف آف میکسیکو" کا نام تبدیل کر کے "گلف آف امریکا" رکھ دیا گیا ہے.
میکسیکن صدر کلاڈیا نے اس تبدیلی کو میکسیکو کی خودمختاری اور بین الاقوامی سرحدوں کی خلاف ورزی قرار دیا ہے۔ ان کا مؤقف ہے کہ اگرچہ امریکا اپنی ساحلی حدود میں نام تبدیل کر سکتا ہے لیکن پورے خلیج کا نام تبدیل کرنا بین الاقوامی قوانین کے خلاف ہے۔
انہوں نے مطالبہ کیا ہے کہ گوگل صرف امریکی حدود میں "گلف آف امریکا" کا نام استعمال کرے، جبکہ میکسیکو اور کیوبا کے علاقوں میں اصل نام "گلف آف میکسیکو" برقرار رکھا جائے۔
میکسیکو سٹی کے سول کورٹ نے ابتدائی طور پر گوگل کو حکم دیا ہے کہ وہ میکسیکو اور کیوبا کے علاقوں میں "گلف آف میکسیکو" کا نام بحال کرے۔ تاہم گوگل نے اپنی پالیسی میں تبدیلی سے انکار کیا ہے اور کہا ہے کہ وہ مختلف علاقوں میں مقامی ترجیحات کے مطابق نام استعمال کرتا ہے۔
.ذریعہ: Express News
کلیدی لفظ: کا نام تبدیل
پڑھیں:
گوگل نے حقیقی وقت میں ترجمہ سننے کی سہولت متعارف کرا دی
گوگل نے زبانوں کے ترجمے کے لیے ایک نیا بیٹا فیچر متعارف کرایا ہے جس کے تحت صارفین اب حقیقی وقت میں ترجمہ براہ راست سن سکتے ہیں۔ کمپنی کے مطابق یہ فیچر گفتگو کرنے والے کی آواز کا انداز اور لہجہ برقرار رکھتا ہے، جس سے غیر ملکی زبانوں میں بات چیت، لیکچرز اور میڈیا مواد کو سمجھنا آسان ہوجاتا ہے۔
یہ بھی پڑھیں: گوگل فوٹوز نے ویڈیو ایڈیٹنگ کے جدید فیچر متعارف کروا دیے
اس سہولت کے استعمال کے لیے صارفین گوگل ٹرانسلیٹ ایپ کھول کر لائیو ٹرانسلیٹ آپشن پر کلک کرتے ہیں اور اپنی پسندیدہ زبان میں ترجمہ سنتے ہیں۔ یہ بیٹا فیچر اس وقت اینڈرائیڈ صارفین کے لیے امریکا، میکسیکو اور بھارت میں دستیاب ہے، جہاں یہ 70 سے زائد زبانوں کو سپورٹ کرتا ہے اور کسی بھی ہیڈفون کے ساتھ کام کرتا ہے۔
گوگل کا کہنا ہے کہ اس فیچر کو 2026 میں آئی او ایس اور مزید ممالک تک توسیع دی جائے گی۔
اس کے ساتھ ساتھ گوگل نے ٹرانسلیٹ میں جدید جیمنی ٹیکنالوجی پر مبنی اپڈیٹس بھی متعارف کروائی ہیں، جن سے تحریری ترجمہ زیادہ فطری اور سیاق و سباق کے مطابق ہوتا ہے۔ ان اپڈیٹس کے ذریعے سلیگ، محاورات اور ثقافتی حوالوں کو بہتر انداز میں سمجھا جا سکے گا۔ مثال کے طور پر ایسے محاورات کا ترجمہ لفظ بہ لفظ کے بجائے مفہوم کے مطابق کیا جائے گا۔
یہ بھی پڑھیں: مصنوعی ذہانت کے باعث گوگل کی اپڈیٹس میں اضافہ، کی بورڈ بھی جدید ہوگیا
یہ اپڈیٹ اس وقت امریکا اور بھارت میں دستیاب ہے، جہاں انگریزی کے ساتھ تقریباً 20 زبانوں بشمول ہسپانوی، عربی، چینی، جاپانی اور جرمن کو سپورٹ کیا جا رہا ہے۔
مزید برآں گوگل نے ٹرانسلیٹ کی زبان سیکھنے کی سہولت کو بھی تقریباً 20 نئے ممالک تک پھیلا دیا ہے۔ اب صارفین جرمن اور انگریزی جیسی زبانوں کی مشق کرسکیں گے۔ بہتر فیڈبیک کے ذریعے ذاتی نوعیت کی زبان بولنے کی تجاویز دی جائیں گی، جبکہ نیا اسٹرِیک ٹریکنگ فیچر زبان سیکھنے والوں کو باقاعدگی برقرار رکھنے میں مدد دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
google we news ٹرانسلیٹ جیمنی گوگل ہیڈ فون
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر