پاکستان اور بھارت جنگ بندی سے فائدہ اٹھا کر حل طلب مسائل کو حل کریں، اقوام متحدہ
اشاعت کی تاریخ: 14th, May 2025 GMT
اس پیش رفت کو اقوام متحدہ سمیت بین الاقوامی برادری کی جانب سے بڑے پیمانے پر ایک مثبت قدم کے طور پر دیکھا گیا ہے۔ اسلام ٹائمز۔ اقوام متحدہ نے کہا ہے کہ پاکستان اور بھارت کے درمیان محاذ آرائی ختم کرنے کے لیے حالیہ جنگ بندی کے بعد صورت حال بہتر ہوئی ہے اور امید ہے کہ دونوں ممالک اسے اپنے حل طلب مسائل حل کرنے کے لیے استعمال کریں گے۔ ذرائع کے مطابق یہ بیان 10 مئی کو دونوں ممالک کی طرف سے ایک دوسرے پر ڈرون اور میزائلوں حملوں کے بعد جنگ بندی معاہدے کے بعد آیا ہے۔ اس پیش رفت کو اقوام متحدہ سمیت بین الاقوامی برادری کی جانب سے بڑے پیمانے پر ایک مثبت قدم کے طور پر دیکھا گیا ہے۔ اقوام متحدہ کے سیکرٹری جنرل انتونیو گوتریس کے ترجمان سٹیفن ڈوجارک نے نیویارک میں یومیہ پریس بریفنگ سے خطاب کرتے ہوئے کہا کہ جنگ بندی جاری ہے۔ میرے خیال میں ہم نے دیکھا ہے کہ ہم پہلے سے بہتر صورتحال میں ہیں۔ ڈوجارک نے امید ظاہر کی کہ محاذ آرائی کے خاتمے سے دونوں ممالک کے درمیان مذاکرات کے مزید امکانات پیدا ہوں گے۔انہوں نے کہا کہ ہمیں امید ہے کہ جنگ بندی برقرار رہے گی اور فریقین اس کا استعمال اپنے بہت سے مسائل حل کرنے کے لیے کریں گے۔
.ذریعہ: Islam Times
کلیدی لفظ: اقوام متحدہ
پڑھیں:
اقوام متحدہ کی بچوں اور مسلح تنازعات پر رپورٹ سے پاکستان کے حوالہ جات ہٹانے کا خیرمقدم
اسلام آباد:پاکستان نے اقوام متحدہ کے سیکریٹری جنرل کی بچوں اور مسلح تنازعات پر سالانہ رپورٹ سے پاکستان کے حوالے ہٹانے کے فیصلے کا خیرمقدم کیا ہے۔
ترجمان دفتر خارجہ کی جانب سے جاری بیان میں کہا گیا کہ پاکستان اقوام متحدہ کے سیکریٹری جنرل کی طرف سے بچوں اور مسلح تنازعات پر سالانہ رپورٹ سے اپنے حوالہ جات ہٹانے کے اعلان کا خیرمقدم کرتا ہے۔
بیان میں کہا گیا کہ یہ اہم نتیجہ اقوام متحدہ کے ساتھ حکومت پاکستان کی تعمیری، پائیدار اور گہری مصروفیت بشمول سیکریٹری جنرل کے خصوصی نمائندے برائے بچوں اور مسلح تنازعات کے دفتر کے ساتھ قریبی تعاون کا ثبوت ہے۔
ترجمان دفترخارجہ نے بیان میں کہا کہ یہ فیصلہ بچوں کے حقوق اور فلاح و بہبود کے تحفظ اور آگے بڑھانے کے لیے پاکستان کی جانب سے نافذ کیے گئے مضبوط ادارہ جاتی، قانون سازی اور پالیسی اقدامات کی بین الاقوامی شناخت کی عکاسی کرتا ہے۔
بیان میں کہا گیا کہ یہ تنازعات اور تشدد سے متاثرہ بچوں کی حفاظت کے لیے اپنے قومی قانونی اور ادارہ جاتی فریم ورک کو بین الاقوامی اصولوں اور بہترین طریقوں سے ہم آہنگ کرنے کے لیے پاکستان کے پختہ عزم کا اظہار ہے۔
ترجمان نے مزید کہا کہ پاکستان آنے والی نسلوں کا محفوظ اور روشن مستقبل یقینی بنانے کے لیے بچوں کے حقوق کے تحفظ اور فروغ کے لیے کوششیں بڑھانے اور مضبوط بنانے کے لیے اقوام متحدہ کے ساتھ قریبی تعاون کے لیے اپنے پختہ عزم کا اعادہ کرتا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی