مالی سال 2025-26 کا وفاقی بجٹ؛ سرکاری ملازمین نے مطالبات سامنے رکھ دیے
اشاعت کی تاریخ: 17th, May 2025 GMT
سٹی 42 : سرکاری ملازمین نے اپنے مطالبات سامنے رکھتے ہوئے مالی سال 2025-26 کا وفاقی بجٹ پیش کئے جانے کے دن پارلیمنٹ ہاؤس کے سامنے دھرنے کا اعلان کردیا ۔
آل گورنمنٹ ایمپلائز گرینڈ الائنس کے جاری علامیے کے مطابق بجٹ سے ایک روز قبل اور بجٹ کے روز پارلیمنٹ ہاؤس کے سامنے دھرنا دیا جائے گا، بجٹ ڈے دھرنا میں مُلک بھر سے وفاقی ملازمین شرکت کریں گے۔
جاری کردہ علامیے میں مطالبہ کیا گیا ہے کہ ایڈہاک ریلیف الاؤنسز بنیادی تنخواہ میں ضم کر کے پے سکیل ریوائز کیا جائے، مزدور کی کم از کم اجرت 50 ہزار مقرر کی جائے، وفاقی سرکاری ملازمین کی پینشن اور تنخواہوں میں کم از کم 50 فیصد اضافہ کیا جائے۔ اس کے علاوہ وفاقی سرکاری اداروں کے ملازمین کی تنخواہوں میں تفریق ختم کی جائے، صوبائی طرز پر تمام وفاقی ملازمین کی اپگریڈیشن بمعہ مراعات کی جائے، لِیو انکیشمنٹ اور وفاقی ملازمین کی پینشن اصلاحات واپس لی جائیں ، پنشن اصلاحات کو فی الفور واپس لیا جائے ۔
بہاولپور میں گرمی کی شدید، پارہ 45سینٹی گریڈ تک پہنچ گیا
.ذریعہ: City 42
کلیدی لفظ: ملازمین کی
پڑھیں:
سینیٹ قائمہ کمیٹی نے کیپٹو پاورپلانٹس لیوی بل 2025 کی متفقہ طور پر منظوری دے دی
سینیٹ کی قائمہ کمیٹی خزانہ نے کیپٹو پاورپلانٹس لیوی بل 2025 کی متفقہ طور پر منظوری دے دی۔
سینیٹر انوشہ رحمان کی زیرصدارت سینیٹ کی قائمہ کمیٹی خزانہ کا اجلاس ہوا، کمیٹی نے کیپٹو پاور پلانٹس لیوی بل 2025کی متفقہ طور پر منظوری دے دی۔
سیکریٹری پیٹرولیم مومن آغا نے کمیٹی کو بتایا کہ حکومت کیپٹو پاور پلانٹس کو بجلی کے گرڈ پر منتقل کرنا چاہتی ہے، اگر سارے صارفین بجلی استعمال کریں تو کیپسٹی پیمنٹس کو کم کیا جاسکے گ۔
اسیکریٹری پیٹرولیم کا کہنا ہے کہ حکومت نے 5 فیصد لیوی عائد کرنے کی تجویز دی ہے، اجلاس میں کٹیو پاور پلانٹس لیوی بل 2025 پر بریفنگ دیتے ہوئے ایڈیشنل سیکرٹری خزانہ نے بتایا کہ گیس کے ذخائر میں مسلسل کمی ہورہی ہے، کیپٹیو کے 11 سو جب کہ انڈسٹری کے پچپن سو کنویکشن ہیں۔
اس پر سینٹر دلاور خان نے کہا کہ کیپٹیو پاور سے جو بجلی بنائی جائے گی، کیا وہ مرکزی گرڈ میں لے کر جائیں گے؟ کیپٹیو سے بنائی جانی والی بجلی کی قیمت کا تعین کیا جائے گا، کیپٹیو سے کیپسٹی چارجز مد میں کتنا فائدہ ہوگا؟ جس کے جواب میں سیکریٹری پیٹرولیم نے بتایا کہ کیپٹیو سے جو بجلی بنے گی وہ گرڈ نہیں جائے گی وہ بجلی فیکٹری میں استعمال ہوگی۔
کتنے فیصد استعمال ہونی ہے اس پر قیمت کا فیصلہ ہوگا انتیس سو فی ایم ایم بی ٹی یو قیمت ہوگی جبکہ ایڈیشنل سیکرٹری خزانہ نے کہا کہ کیپٹیو کے ستر فیصد یونٹس سندھ میں ہیں جس پر سینٹر محسن عزیز نے کہا کہ اس بل کو میں مسترد کرتا ہوں، یہ انڈسٹری کے خلاف بل ہے دو ہزار اکیس میں حکومت کا مقصد آڈٹ کرنا تھاجن نے حکومت کی بات مان کر سرمایہ کاری کی اور کیپٹو پلانٹس لگائے انکا کیا قصور ہے۔
اس پرسینیٹر دلاور خان نے کہا کہ لیوی جب دس فیصد بڑھائی جائے گی تو کیا اندازہ ہے حکومت کا کہ کتنا فائدہ ہوگا حکومت کبھی نہیں چاہے گی کہ انڈسٹری بند ہوں۔
اجلاس میں موجود وزارت قانون کے حکام نے کہا کہ بل کے کلاز چار میں ترمیم کی گزارش ہے تفصیلی جائزہ کے بعد چیئر پرسن کمیٹی نے کہا کہہم اس بل کو متفقہ طور پر پاس کرکے ایوان کو بھیج رہے ہیں۔
جنگ بندی اعلان کے بعد ٹوئٹ! وسیم اکرم تنقید کی زد میں