ملک بھر میں بارشوں کا سلسلہ برقرار، سیلاب الرٹ جاری
اشاعت کی تاریخ: 29th, June 2025 GMT
ملک کے مختلف علاقوں میں جاری شدید بارشوں کے بعد نیشنل ڈیزاسٹر مینجمنٹ اتھارٹی (این ڈی ایم اے) نے ممکنہ سیلاب کے خطرے کے پیش نظر ریڈ الرٹ جاری کر دیا ہے، جبکہ متعلقہ ضلعی انتظامیہ اور امدادی اداروں کو چوکنا رہنے کی ہدایت دی گئی ہے۔
یہ بھی پڑھیں:ژوب اور ہرنائی میں طوفانی بارشیں اور سیلاب، 4 افراد بہہ گئے، 3 خواتین بھی شامل
دریاؤں کے بہاؤ میں خطرناک اضافہگزشتہ 2 روز سے خیبرپختونخوا، پنجاب، سندھ اور گلگت بلتستان سمیت ملک کے مختلف حصوں میں وقفے وقفے سے ہونے والی موسلادھار بارش کے باعث دریائے کابل اور دریائے سوات میں پانی کے بہاؤ میں غیر معمولی اضافہ دیکھنے میں آیا ہے۔
حکام کے مطابق، دریائے سوات کا سیلابی ریلا اب دریائے کابل میں شامل ہو چکا ہے، جس کے بعد پشاور، نوشہرہ اور دیگر نشیبی علاقوں میں سیلابی صورتحال کا خطرہ بڑھ گیا ہے۔
کراچی میں بارش کے 2 دن میں 8 امواتکراچی میں مون سون بارشوں نے شدید تباہی مچائی ہے۔ گزشتہ 2 روز میں بارش سے جڑے مختلف حادثات میں 8 افراد جاں بحق ہو چکے ہیں، جن میں کرنٹ لگنے، دیواریں گرنے اور سڑک حادثات شامل ہیں۔
یہ بھی پڑھیں:سندھ میں سیلاب سے متاثرہ سڑکوں کی بحالی کے لیے ڈیڑھ ارب روپے کی منظوری
شہری حکومت نے عوام سے غیر ضروری طور پر گھروں سے نہ نکلنے اور بجلی کے کھمبوں سے دور رہنے کی اپیل کی ہے۔
شمالی علاقہ جات میں گلیشیئر پگھلنے کا خدشہگلگت بلتستان میں درجہ حرارت میں اضافے کے باعث گلیشیئرز کے پگھلنے کا عمل تیز ہو چکا ہے، جس سے فلیش فلڈز (اچانک سیلاب) کا خطرہ پیدا ہو گیا ہے۔
این ڈی ایم اے نے مقامی انتظامیہ کو الرٹ رہنے اور عوام کو بروقت آگاہی دینے کی ہدایت کی ہے۔
پنجاب اور سندھ بھی خطرے کی زد میںپنجاب کے نشیبی اضلاع، خصوصاً راجن پور، مظفر گڑھ، بہاولپور اور ڈی جی خان میں بارشوں کے باعث ندی نالوں میں طغیانی کا امکان ظاہر کیا جا رہا ہے۔ جبکہ سندھ کے ساحلی اور جنوبی علاقوں میں بھی طوفانی بارشوں کا الرٹ جاری کر دیا گیا ہے۔
این ڈی ایم اے اور محکمہ موسمیات نے شہریوں سے اپیل کی ہے کہ وہ موسم کی تازہ ترین معلومات پر نظر رکھیں، نشیبی علاقوں سے دور رہیں، اور ہنگامی صورتِ حال میں Rescue 1122 یا متعلقہ ضلعی انتظامیہ سے فوری رابطہ کریں۔
حکومت نے تمام متعلقہ اداروں کو 24 گھنٹے الرٹ رہنے اور ممکنہ متاثرہ علاقوں میں امدادی سامان کی پیشگی فراہمی یقینی بنانے کی ہدایت بھی جاری کر دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
1122 این ڈی ایم اے بارش پاکستان دریائے سوات ریسکیو سیلاب محکمہ موسمیات مون سون.ذریعہ: WE News
کلیدی لفظ: این ڈی ایم اے پاکستان دریائے سوات ریسکیو سیلاب محکمہ موسمیات ڈی ایم اے علاقوں میں کی ہدایت
پڑھیں:
کراچی میں موسلا دھار بارشوں کا سلسلہ اتوار تک جاری رہنے کا امکان
data-id="863a0a8" data-element_type="widget" data-widget_type="theme-post-content.default">
کراچی: شہر قائد پر گھنے بادلوں کا راج برقرار ہے اور محکمہ موسمیات نے آج بھی بارش کی پیش گوئی کرتے ہوئے خبردار کیا ہے کہ ہفتے اور اتوار کو موسلادھار بارشیں اربن فلڈنگ کا سبب بن سکتی ہیں۔
محکمہ موسمیات کے مطابق کراچی کی فضا میں نمی کا تناسب 78 فیصد ریکارڈ کیا گیا ہے جبکہ سمندری ہوائیں کم رفتار سے شہر کا رخ کر رہی ہیں، درجہ حرارت زیادہ سے زیادہ 34 ڈگری سینٹی گریڈ تک پہنچنے کا امکان ہے۔
محکمہ موسمیات نے واضح کیا ہے کہ مون سون کا موجودہ اسپیل 29 جون تک وقفے وقفے سے بارش برساتا رہے گا، جس کے دوران نشیبی علاقوں میں پانی جمع ہونے اور ٹریفک کی روانی متاثر ہونے کا اندیشہ ہے۔
ادارے نے مزید پیش گوئی کی ہے کہ مون سون کا دوسرا طاقتور اسپیل 5 جولائی سے کراچی سمیت سندھ کے دیگر علاقوں پر اثر انداز ہوسکتا ہے، جس کے دوران مزید شدید بارشیں متوقع ہیں۔
شہریوں کو ہدایت کی گئی ہے کہ وہ غیر ضروری سفر سے گریز کریں اور ممکنہ بارشوں کے پیش نظر احتیاطی تدابیر اختیار کریں۔ متعلقہ اداروں کو بھی الرٹ رہنے کی ہدایت جاری کردی گئی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی