بھارت: کیمیکل فیکٹری میں دھماکا، 10 افراد ہلاک، 26 سے زائدزخمی
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد: بھارتی ریاست تلنگانہ کے صنعتی علاقے میں واقع ایک کیمیکل فیکٹری میں دھماکہ خیز آگ لگنے کے نتیجے میں کم از کم 10 مزدور زندگی کی بازی ہار گئے جبکہ 26 سے زائد افراد جھلس کر زخمی ہو گئے۔
بین الاقوامی خبر رساں ادارے کے مطابق یہ افسوسناک واقعہ سیگاچی کیمیکل انڈسٹریز نامی فیکٹری میں اس وقت پیش آیا جب فیکٹری کے ری ایکٹر میں اچانک زوردار دھماکہ ہوا، جس کے بعد آگ نے دیکھتے ہی دیکھتے پورے یونٹ کو لپیٹ میں لے لیا۔
فائر بریگیڈ اور ریسکیو ٹیمیں فوری طور پر جائے حادثہ پر پہنچ گئیں، تاہم آگ کی شدت اور زہریلے دھویں کے باعث امدادی کاموں میں شدید رکاوٹ کا سامنا ہے۔ پولیس اور مقامی حکام کے مطابق دھماکے کے بعد علاقہ مکینوں میں خوف و ہراس پھیل گیا، تاہم فی الوقت آس پاس کے علاقوں میں زہریلی گیس کے پھیلاؤ کا کوئی خطرہ ظاہر نہیں کیا گیا۔
بھارتی میڈیا کے مطابق فیکٹری میں حفاظتی اقدامات نہ ہونے کے برابر تھے، اور ابتدائی تحقیقات سے اندازہ ہوتا ہے کہ ری ایکٹر میں درجہ حرارت یا پریشر کی وجہ سے دھماکہ ہوا۔
قابل ذکر ہے کہ بھارت میں صنعتی حادثات کوئی نئی بات نہیں۔ ناکافی حفاظتی نظام، قوانین پر عملدرآمد کی کمی اور انسانی جانوں کی قدر میں فقدان ایسے سانحات کا باعث بنتے رہتے ہیں۔ انٹرنیشنل لیبر آرگنائزیشن کے مطابق بھارت میں صرف 2003 کے دوران صنعتی نوعیت کے حادثات میں 47 ہزار سے زائد افراد اپنی جانوں سے ہاتھ دھو بیٹھے، جب کہ اصل تعداد اس سے کہیں زیادہ بتائی جاتی ہے۔
حادثے کے بعد ریاستی حکومت کی جانب سے تحقیقات کا حکم دے دیا گیا ہے اور زخمیوں کو مختلف اسپتالوں میں منتقل کر کے طبی امداد فراہم کی جا رہی ہے۔
.ذریعہ: Jasarat News
کلیدی لفظ: فیکٹری میں کے مطابق
پڑھیں:
امریکی فوج کا منشیات بردار مبینہ کشتی پر حملہ، 3 افراد ہلاک
امریکی فوج کے مشرقی بحرالکاہل میں منشیات کی ایک اور مبینہ کشتی پر حملے میں 3 افراد ہلاک ہوگئے۔
امریکی میڈیا کے مطابق پینٹاگون نے جاری کردہ بیان میں کہا ہے کہ کشتی میں منشیات اسگمل کی جارہی تھی جس کے باعث اسے نشانہ بنایا گیا۔
بیان کے مطابق منشیات کی اسمگلنگ کرنے والی کشتی کو بین الاقوامی پانیوں میں نشانہ بنایا گیا۔
امریکی میڈیا کے مطابق منشیات بردار مبینہ کشتیوں پر امریکی فوج کے حملوں میں ہلاک ہونے والوں کی تعداد 83 ہوگئی ہے۔
میڈیا رپورٹس کے مطابق منشیات کی اسمگلنگ میں ملوث کشتیوں کو لڑاکا طیاروں، ڈرون اور گن شپ کے ذریعے نشانہ بنایا جارہا ہے، جس کا مقصد امریکا میں منشیات کی اسمگلنگ کو روکنا ہے۔
واضح رہے کہ ستمبر سے اب تک امریکی فوج کی جانب سے منشیات لے جانے والی کشتیوں پر یہ 21 واں حملہ ہے جسے امریکا نے منشیات کو روکنے کی ایک جائز کوشش قرار دیا ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ