ڈاکو راج کے سامنے بے بس حکومت!
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
امن، محبت، مہمان نوازی اور رواداری کی سرزمین کے طور پر مشہور باب الاسلام سندھ میں روزانہ کی بنیاد پر ڈکیتیاں، لوٹ مار، اغواء، قتل، اور معصوم بچوں و بچیوں کے اغواء کی خبریں سن کر دل خون کے آنسو روتا ہے۔ اگرچہ عوام کی جان و مال کی حفاظت اور امن و امان کی بحال حکومت وقت کی اولین ذمے داری ہوتی ہے، لیکن سندھ میں جاری بدترین بدامنی اور ڈاکو راج سے صاف ظاہر ہے کہ گزشتہ 17 سال سے اقتدار میں موجود پاکستان پیپلزپارٹی کی حکومت اس معاملے میں مکمل طور پر ناکام دکھائی دیتی ہے یا پھر مجرموں کی سہولت کار بنی ہوئی ہے؟ سندھ حکومت نے گزشتہ مالی سال میں امن و امان قائم رکھنے کے لیے 200 ارب روپے کا بجٹ رکھا تھا، لیکن اس کے باوجود سندھ کے عوام امن کو ترس رہے ہیں۔ پیپلزپارٹی اتنے طویل عرصے سے اقتدار میں ہونے کے باوجود عوام کو سڑکیں، تعلیم، صحت، اور صاف پانی جیسی بنیادی سہولتیں فراہم کرنے میں ناکام رہی ہے، اور جان و مال کا تحفظ دینا تو دور کی بات، عوام کو جینے کے بنیادی حق سے بھی محروم کر دیا گیا ہے۔ سندھ میں بدامنی، ڈاکو راج، اور لوگوں کے اغواء کے خلاف مختلف سیاسی، سماجی جماعتوں اور سول سوسائٹی کی جانب سے بار بار احتجاجی دھرنے اور مظاہرے کیے گئے، لیکن حکومت نے آنکھیں بند رکھی۔ اسی وجہ سے کشمور- کندھ کوٹ کے تمام سیاسی جماعتوں پر مشتمل شہری اتحاد اور سول سوسائٹی کے افراد مجبور ہوکر امن و امان کی بحالی کے لیے اسلام آباد میں ایک ہفتے تک دھرنا دینے پر مجبور ہوئے۔ احتجاج میں شریک رہنماؤں کا کہنا تھا کہ ’’یہاں نہ ان کی جان محفوظ ہے، نہ مال، نہ کاروبار، وہ سکون کی سانس لینے کے لیے ترس گئے ہیں‘‘۔ بہت سے کاروباری افراد، خاص طور پر ہندو خاندان، اپنے آبائی گھروں کو چھوڑ کر ہجرت پر مجبور ہو گئے ہیں اور کئی افراد کراچی جیسے بڑے شہروں کا رخ کر رہے ہیں۔ تعلیم، کاروبار، اور زراعت مکمل تباہی کا شکار ہو چکے ہیں۔ بدامنی کے خلاف احتجاج کے باوجود حکمرانوں کے کانوں پر جوں تک نہیں رینگی۔ عوام کی داد رسی تو دور کی بات، بلکہ احتجاج کرنے والوں پر دہشت گردی ایکٹ کے تحت جھوٹے مقدمات درج کیے جا رہے ہیں، جو سراسر ظلم ہے۔
اسلام آباد دھرنے کے شرکاء سے اظہار یکجہتی کے لیے پہنچنے والے جماعت اسلامی کے مرکزی نائب امیر اور سابق پارلیمانی لیڈر لیاقت بلوچ کی یہ بات بڑی معنی خیز ہے کہ ’’مٹھی بھر ڈاکو آخر حکومت سندھ اور تمام قانون نافذ کرنے والے اداروں سے زیادہ طاقتور کیسے ہو سکتے ہیں؟‘‘ اس درد ناک صورتِ حال سے ظاہر ہوتا ہے کہ سندھ کے کئی اضلاع خاص طور پر کشمور، کندھ کوٹ، لاڑکانہ، گھوٹکی، شکارپور، جیکب آباد، دادو سمیت کئی علاقوں میں حکومت کی عملداری تقریباً ختم ہو چکی ہے۔ ڈاکو گوٹھوں اور جنگلات کے ’حکمران‘ بن چکے ہیں، جدید ہتھیاروں سے لیس ہیں، مغویوں کی زنجیروں سے جکڑی ہوئی ویڈیوز اور دھمکی آمیز پیغامات سوشل میڈیا پر گردش کر رہے ہیں۔ پولیس کے پاس نہ جدید ہتھیار ہیں، نہ تربیت، نہ ہی حکومتی پشت پناہی۔ سوال یہ ہے کہ کیا ریاست کی طاقت، قانون نافذ کرنے والے اداروں سے زیادہ ڈاکو طاقتور ہیں؟ پولیس کی بندوقوں پر زنگ لگ چکا ہے؟ کئی تھانوں کے پاس بلٹ پروف گاڑیاں تو دور کی بات، پٹرول تک موجود نہیں ہوتا۔ پولیس اہلکار ڈیوٹی سے واپسی پر مارے جا رہے ہیں، پھر عام شہری کیسے محفوظ رہ سکتا ہے؟ ڈاکو راج اب سندھ میں ایک منظم نظام اور اغوا برائے تاوان ایک انڈسٹری کی شکل اختیار کر چکا ہے، جس کے خلاف آواز بلند کرنے والوں کو سرکاری تحفظ کے بجائے خاموش رہنے کی تلقین کی جاتی ہے۔ اس ساری صورتِ حال سے ظاہر ہوتا ہے کہ ریاست صرف کاغذوں میں قائم ہے، میدان میں تو ڈاکوؤں کی حکمرانی ہے۔ کراچی اور خیرپور کی جیلوں کا ٹوٹنا، لاڑکانہ میں دن دہاڑے مسلح افراد کے ہاتھوں ایس ایچ او کا قتل، سندھ حکومت کی مکمل ناکامی کا منہ بولتا ثبوت ہیں۔ اس سے بھی زیادہ افسوسناک بات یہ ہے کہ جو ڈاکو کچے کے علاقوں پر قابض ہیں، ان کے بااثر سرپرست اور سہولت کار پکے علاقوں میں بیٹھے ہیں۔
19 جون کو جماعت اسلامی سندھ کے نائب امیر اور معروف عالم دین حافظ نصراللہ چنا کو کندھ کوٹ شہر سے صرف ایک کلومیٹر کے فاصلے پر رمضان لاڑو پر تحصیل مقام تنگوانی تنظیمی اجتماع میں شرکت کے لیے جاتے ہوئے ڈاکوؤں نے گن پوائنٹ پر یرغمال بنایا، اور اسلحے کے زور پر ان کی گاڑی، موبائل فون اور نقد رقم چھین کر فرار ہو گئے۔ جب ایک معزز عالم دین اور سیاسی رہنما بھی رہزنی کی وارداتوں سے محفوظ نہیں تو عام شہری کی کیا حالت ہو گی؟ سندھ سے امن کا پرندہ کیوں اْڑ گیا ہے؟ اور یہاں کے عوام کے لیے امن ایک خواب کیوں بن کر رہ گیا ہے؟ کیا یہ خواب کبھی حقیقت بنے گا یا سندھ کے عوام اسی طرح مصیبتیں جھیلتے رہیں گے؟ یہ بھی ایک حقیقت ہے کہ جب تک ظالم سرداروں، جاگیرداروں، ڈاکوؤں اور پولیس میں موجود کالی بھیڑوں کے درمیان موجود گٹھ جوڑ ختم نہیں کیا جاتا، اور مجرموں کے خلاف سیاسی وابستگیوں سے بالاتر ہو کر آپریشن نہیں کیا جاتا، تب تک سندھ میں امن و امان بحال نہیں ہو سکتا، اور سندھ کے لوگ سکون کا سانس نہیں لے سکتے۔ اس سال سندھ حکومت نے امن و امان کے لیے 234 ارب روپے کا بجٹ مختص کیا ہے، اور ایمرجنسی خصوصی آپریشن کے لیے علیحدہ ’منی بجٹ‘ بھی خرچ کیا جاتا ہے۔ دیکھنا یہ ہے کہ کیا اب سندھ کے عوام کو امن نصیب ہو گا یا یہ خواب ہی رہے گا؟ اس کا جواب تو آنے والا وقت ہی دے گا۔
ذریعہ: Jasarat News
کلیدی لفظ: ڈاکو راج سندھ کے کے عوام رہے ہیں کے خلاف کے لیے
پڑھیں:
عوام کااعتماد بحال کریں گے،6ماہ کی حکومت آنے والے دور کی بنیاد ہے،وزیراعظم آزاد کشمیر
data-id="863a0a8" data-element_type="widget" data-widget_type="theme-post-content.default">
مظفرآباد : وزیراعظم آزاد جموں و کشمیر راجہ فیصل ممتاز راٹھور نے کہا ہے کہ حکومت کا بنیادی ہدف ریاستی عوام کی حقیقی معنوں میں خدمت اور ان کا اعتماد بحال کرنا ہے۔
مختلف وفود سے گفتگو میں انہوں نے کہا کہ پاکستان پیپلز پارٹی کو موقع ملا ہے کہ وہ برسوں کی محرومیوں کو دور کرنے میں اپنا موثر کردار ادا کرے۔
وزیراعظم کا کہنا تھا کہ ایک وقت ایسا بھی تھا جب عوام بے چینی کے عالم میں سڑکوں پر تھے، مگر آج سیاسی جماعتوں کے جھنڈے ان کے ہاتھوں میں اور اعتماد ان کے دلوں میں ہے۔ نئی حکومت کے اعلان کے بعد پورے خطے میں خوشی اور جشن کا ماحول ہے، جس سے ثابت ہوتا ہے کہ ریاست میں سیاست دوبارہ بحال ہوئی ہے۔
انہوں نے واضح کیا کہ آئندہ 6ماہ ہماری حکومت کا ایسا ٹریلر ہوں گے جو آنے والے دور کی سمت طے کرے گا۔ اگر ہم نے تاریخ رقم کرنی ہے تو مجھے صرف تبادلوں اور تقرریوں تک محدود نہ رکھا جائے۔
انہوں نے اپنے والد اور سابق وزیراعظم راجا ممتاز حسین راٹھور کی مثال دیتے ہوئے کہا کہ ان کی صرف 9 ماہ کی حکومت آج بھی عوام کے دلوں میں زندہ ہے۔
فیصل ممتاز راٹھور نے کہا کہ اقتدار ایک نعمت ہونے کے ساتھ ساتھ بڑی آزمائش بھی ہے، خاص طور پر اس دور میں جب سیاست مشکلات سے دوچار ہے۔ اس کے باوجود وہ محدود وقت میں بھی نتیجہ خیز کام کرنے کے لیے پرعزم ہیں۔
احتجاج پر مقدمات؛ عدالت نے بشریٰ بی بی سمیت تمام ملزمان کی گرفتاری سے روک دیا