پاکستان میں پہلے ملٹی برانڈ ڈائننگ ڈیسٹینیشن ”دی کمیون” کا آغاز
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر)پاکستان میں پہلی بار جدید طرز کے ملٹی برانڈ ڈائننگ تجربے، ”دی کمیون بائے فوڈ پانڈا” متعارف کرادیا گیا ہے۔فوڈ پانڈا نے یہ انقلابی تصور کھانے کے تجربے کو ایک نئی جہت دینے کے لیے متعارف کرایا گیا ہے، جہاں صارفین کو مختلف اعلیٰ معیار کے فوڈ برانڈز ایک ہی چھت تلے دستیاب ہوں گے۔اس سہولت کے تحت صارفین ایک ہی QR کوڈ اسکین کر کے متعدد پسندیدہ ریسٹورانٹس اور کیفے سے بیک وقت آرڈر کر سکتے ہیں، اور مختلف پکوان ایک ہی میز پر بیٹھ کر کھا سکتے ہیں۔ اس موقع پر فوڈ پانڈا پاکستان کے سی ای او منتقیٰ پراچہ نے کہا کہ”دی کمیون ا پنی نوعیت کا پہلا ایسا منفرد مقام ہے جو مختلف فوڈ برانڈز کو ایک جگہ اکٹھا کرتا ہے اور صارفین کو بے مثال انتخاب، سہولت اور ذائقے فراہم کرتا ہے، یہی ڈائننگ کا مستقبل ہے، جو فوڈ پانڈا نے ترتیب دیا ہے۔”
.ذریعہ: Jasarat News
پڑھیں:
اجتماع عام کیلیے مختلف داخلی اور خارجی راستوں پر استقبالیہ کیمپ قائم
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی )لاہور ایک بار پھر ایک تاریخی موقع کا گواہ بننے والا ہے، جہاں لاکھوں فرزندِ اسلام جماعت اسلامی کے تین روزہ پرامن اجتماع عام میں شرکت کے لیے جمع ہوں گے۔ شہر بھر میں تیاریاں آخری مراحل میں داخل ہو چکی ہیں اور مختلف داخلی و خارجی راستوں پر خصوصی استقبالیہ کیمپ قائم کر دیے گئے ہیں تاکہ دور دراز سے آنے والے شرکا کی رہنمائی، سہولت اور استقبال بہترین انداز میں کیا جا سکے۔ ان خیالا ت کا اظہار امیر جماعت اسلامی پنجاب محمد جاوید قصوری نے دیگر قائدین کے ہمراہ مینار پاکستان گراونڈ میں ہونے والی تیاریوں کا جائزہ لینے کے بعد میڈیا کے نمائندوں سے گفتگو کرتے ہوئے کیا۔ ان کا کہنا تھا کہ لاہور کا یہ اجتماع ملک کی تاریخ کا سب سے بڑا، منظم اور پرامن اجتماع ہوگا، جو نہ صرف ایک عظیم قومی یکجہتی کا منظر پیش کرے گا بلکہ قوم کے لیے نئی امیدوں، مثبت رجحانات اور سمت کا تعین بھی کرے گا۔جماعت اسلامی کی سیکڑوں کمیٹیاں شب و روز میدان میں مصروف ہیں۔ شہر کے مختلف داخلی راستوں — موٹروے انٹرچینج، ٹھوکر نیاز بیگ، کالا شاہ کاکو، بھوبتیاں چوک، اور دیگر مقامات — پر استقبالیہ مراکز قائم کیے گئے ہیں، جہاں آنے والے قافلوں کو رہنمائی، پارکنگ، ٹریفک ڈائیورڑن، رہائش کے مقامات اور دیگر انتظامی امور سے متعلق مکمل معلومات فراہم کی جائیں گی۔ انہوں نے کہا کہ اس اجتماع میں زندگی کے ہر شعبے سے تعلق رکھنے والے مرد، خواتین، نوجوان اور بزرگ بڑی تعداد میں شریک ہوں گے، جو ملک میں ایک مثبت سماجی اور سیاسی تبدیلی کی بنیاد رکھے گا۔محمد جاوید قصوری نے شرکا ، کارکنان اور انتظامیہ کے جذبے کو سراہتے ہوئے کہا کہ یہ اجتماع اسلام کے پیغام، اتحاد اور اصلاحِ معاشرہ کے سفر کو آگے بڑھائے گا۔ انہوں نے عوام سے اپیل کی کہ وہ بھرپور تعداد میں اجتماع میں شریک ہوں اور ایک بہتر، منصفانہ اور خوشحال پاکستان کی کوشش میں اپنا حصہ ڈالیں۔ یہ اجتماع ان شاء اللہ قوم کو مایوسی سے نکال کر امید، امن اور ترقی کی طرف لے جانے کا ذریعہ بنے گا۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ