حسینیت حق کی فتح یزیدیت کی موت ہے، مولانا محمد امین انصاری
اشاعت کی تاریخ: 2nd, July 2025 GMT
سیمینار سے خطاب میں رہنما متحدہ علماء محاذ نے کہا کہ فرقہ واریت استعماری ایجنڈا ہے، وقت کی ظالم یزیدیت کیخلاف تاقیامت حسینیت مظلوموں کیساتھ رہے گی، کوئی مسلمان اصحاب رسولؐ و اہل بیت اطہارؑ کی گستاخی کا تصور تک نہیں کرسکتا۔ اسلام ٹائمز۔ متحدہ علماء محاذ پاکستان کے بانی سربراہ مولانا محمد امین انصاری کی زیر صدارت مرکزی سیکریٹریٹ گلشن اقبال میں پیغام حسینیت سیمینار میں شریک مہمانان خصوصی ممتاز مذہبی اسکالر شیخ القرآن مولانا محمد طاہر پنج پیری، شیخ القرآن مولانا غلام اللہ خان کے شاگرد حاجی فیاض، علامہ عبدالخالق فریدی سلفی، شیخ الحدیث مولانا مفتی محمد داؤد، مولانا منظرالحق تھانوی، مفتی وجیہہ الدین، علامہ مفتی عبدالغفور اشرفی، مولانا قاری محمد اقبال رحیمی و دیگر نے خطاب کرتے ہوئے کہا ہے کہ حسینیت حق کی فتح یزیدیت کی موت ہے، وحدت و حریت پیغام حسینیؑ ہے، محرم امن و اتحاد ایثار و قربانی کا درس دیتا ہے، فرقہ واریت استعماری ایجنڈا ہے، وقت کی ظالم یزیدیت کیخلاف تاقیامت حسینیت مظلوموں کیساتھ رہے گی، کوئی مسلمان اصحاب رسولؐ و اہل بیت اطہارؑ کی گستاخی کا تصور تک نہیں کرسکتا۔
انہوں نے کہا کہ ایران نے اسرائیلی امریکی جارحیت کے خلاف قابل تقلید و ستائش مزاحمتی حسینی کردار ادا کیا ہے، غزہ فلسطین کے مظلوم مسلمان بھی قبلہ اول بیت المقدس اور اسلام کی بقاء و تحفظ کیلئے ظالم استعماری قوتوں کے خلاف کردار حسینی کا علم بلند کئے ہوئے ہیں، علماء و ذاکرین تقاریر و مجالس میں دل آزار منافرت انگیز فرقہ وارانہ اختلافی امور سے اجتناب اور اہل بیت اطہارؑ کی امن آفرین انقلابی تعلیمات و افکار اور پیغام حسینی کو اجاگر کریں، شیعہ سنی علماء مل کر اسلام و پاکستان کے خلاف فرقہ وارانہ استعماری سازشوں کو ناکام بنادیں، شرپسندوں پر کڑی نگاہ رکھیں اور سیکورٹی اداروں پولیس افسران و انتظامیہ کے ساتھ رابطے و تعاون جاری رکھیں۔
ذریعہ: Islam Times
کلیدی لفظ: یزیدیت کی
پڑھیں:
وفاقی آئینی عدالت کے دو ججوں جسٹس روزی خان اور ارشد حسین شاہ نے حلف اٹھا لیا
وفاقی آئینی عدالت کے مزید دو ججوں جسٹس روزی خان اور جسٹس ارشد حسین شاہ نے حلف اٹھا لیا۔چیف جسٹس امین الدین خان نے نئے ججز سے حلف لیا، حلف برداری کی تقریب اسلام آباد ہائیکورٹ میں ہوئی، حلف برداری میں وفاقی عدالت جج، آئینی عدالت ججز، لاء افسران و عدالتی اسٹاف شریک ہوئے۔وفاقی آئینی عدالت کے جسٹس حسن رضوی، جسٹس عامر فاروق، جسٹس علی باقی نجفی، جسٹس کے کے آغا شریک ہوئے جبکہ اسلام اباد ہائیکورٹ کے چیف جسٹس سرفراز ڈوگر، جسٹس ارباب طاہر، جسٹس خادم حسین سومرو، جسٹس انعام امین منہاس ، جسٹس آصف ،جسٹس اعظم خان شریک ہوئے۔علاوہ ازیں چیف جسٹس امین الدین خان نے وفاقی آئینی عدالت کے لیے تین بنچ تشکیل دے دیئے، بنچ 1 میں چیف جسٹس امین الدین خان، جسٹس علی باقی نجفی اور جسٹس ارشد حسین شاہ شامل ہیں۔وفاقی آئینی عدالت کے بنچ 2 میں جسٹس حسن رضوی اور جسٹس کے کے آغا شامل ہیں جبکہ بنچ3 میں جسٹس عامر فاروق اور جسٹس روزی خان شامل ہیں۔وفاقی آئینی عدالت آج سے مقدمات کی سماعت کا آغاز کر رہی ہے۔دوسری طرف وفاقی آئینی عدالت کے اسلام آباد ہائیکورٹ کی عمارت میں آنے کے بعد عدالتی کمروں کی منتقلی کا عمل جاری ہے، چیف جسٹس اسلام آباد ہائیکورٹ سرفراز ڈوگر بدستور کورٹ ون میں سماعت کریں گے جبکہ چیف جسٹس وفاقی آئینی عدالت جسٹس امین الدین خان کورٹ ٹو میں بیٹھیں گے۔کورٹ ٹو سے جسٹس محسن اختر کیانی کی عدالت ،جسٹس میاں گل اورنگزیب کی عدالت میں منتقل کر دی گئی، آئینی عدالت کے ججز جسٹس عامر فاروق ، جسٹس حسن اظہر رضوی تھرڈ فلور پر بیٹھیں گے۔
وزیراعلیٰ پنجاب مریم نواز ’’کلائمیٹ چینج واریئر‘‘ اور ’’کلائمیٹ لیڈر‘‘ قرار