چینی کمپنی نے مچھر ایئرڈیفنس سسٹم متعارف کروادیا
اشاعت کی تاریخ: 10th, July 2025 GMT
بیجنگ(نیوز ڈیسک)چین کی ایک ٹیکنالوجی کمپنی نے “فوٹون میٹرکس” (Photon Matrix) کے نام سے جدید لیزر سسٹم متعارف کروایا ہے، جو ایک سیکنڈ میں 30مچھر مارنے کی صلاحیت رکھتا ہے۔
دی سن کی شائع کردہ رپورٹ کے مطابق یہ آلہ جدید LiDAR ٹیکنالوجی سے لیس ہے، جو صرف تین ملی سیکنڈ میں مچھر کی شناخت، اس کا زاویہ اور سائز معلوم کرنے کی صلاحیت رکھتا ہے۔ جیسے ہی مچھر کی شناخت ہوتی ہے، دوسرا لیزر بیم فائر کر کے اسے فضا میں ہی مار دیتا ہے۔
فوٹون میٹرکس اپنے اطراف کی اسکیننگ بھی کرتا ہے تاکہ انسانوں یا پالتو جانوروں کو نقصان نہ پہنچے۔ کمپنی کے مطابق یہ آلہ صرف مچھروں پر حملہ کرتا ہے، جب کہ تیز رفتار مکھیوں جیسے کیڑوں کو نظر انداز کرتا ہے، جو انسانی ماحول میں عام ہوتے ہیں۔
اگرچہ یہ سسٹم اس وقت پروٹوٹائپ مرحلے میں ہے، مگر اس کی پہلی کھیپ اکتوبر 2025 میں فروخت کے لیے دستیاب ہونے کی امید ہے، جب کہ بڑے پیمانے پر پیداوار مارچ 2026 میں شروع ہوگی۔
اس ایجادکے بانی جم وونگ کے مطابق، یہ دنیا کا پہلا “مچھر ایئر ڈیفنس سسٹم” ہے جو مچھروں کو محفوظ طریقے سے شناخت اور ختم کرنے کی صلاحیت رکھتا ہے، اور گھریلو استعمال کے لیے مکمل طور پر محفوظ ہے۔
Indiegogo پر جاری کراؤڈ فنڈنگ مہم کے ذریعے اس منصوبے کے لیے رقم جمع کی جا رہی ہے، جس نے ابتدائی ہدف حاصل کر لیا ہے۔
یہ آلہ واٹر پروف ڈیزائن رکھتا ہے، اور پاور بینک یا پورٹیبل پاور اسٹیشن سے چلایا جا سکتا ہے۔
بیسک ورژن: 3 میٹر (9.
پرو ورژن: 6 میٹر (19.6 فٹ) تک کی رینج
دونوں ورژنز کا اسکین زاویہ 90 ڈگری ہے۔
قیمت کے لحاظ سے:
بیسک ورژن: $468
پرو ورژن: $668
(یہ ابتدائی “Early Bird” قیمتیں ہیں)
واضح رہے کہ مچھر سالانہ 700,000 سے زائد اموات کا سبب بنتے ہیں، جن میں ملیریا، ڈینگی، چکن گونیا اور دماغی سوزش جیسی بیماریاں شامل ہیں۔ اس تناظر میں یہ لیزر سسٹم ایک انقلابی قدم سمجھا جا رہا ہے۔
مزیدپڑھیں:سونے کی فی تولہ قیمت میں بڑا اضافہ
ذریعہ: Daily Ausaf
کلیدی لفظ: رکھتا ہے
پڑھیں:
پاک سوزوکی کا ’ایوری وی ایکس آر‘ پر 3 لاکھ 50 ہزار روپے کی رعایت کا اعلان
پاک سوزوکی موٹر کمپنی نے اپنی مقبول منی وین سوزوکی ایوری وی ایکس آر (Every VXR) پر محدود مدت کے لیے 3 لاکھ 50 ہزار روپے کی نقد رعایت کا اعلان کر دیا ہے۔
کمپنی کے مطابق رعایت کے بعد گاڑی کی ایکس فیکٹری قیمت 26 لاکھ 15 ہزار 200 روپے ہو گئی ہے، جس سے یہ خاندانوں اور چھوٹے کاروباروں کے لیے ایک زیادہ معاشی اور عملی آپشن بن گئی ہے۔
یہ بھی پڑھیے: پاک سوزوکی موٹر کمپنی نے تمام گاڑیوں کی قیمتوں میں کتنا اضافہ کردیا؟
یہ پیشکش صرف ایوری وی ایکس آر ویریئنٹ پر لاگو ہوگی، اور اس رعایتی آفر کے تحت بکنگ ملک بھر کے مجاز شورومز پر شروع کر دی گئی ہے۔ کمپنی نے بتایا کہ یہ محدود مدت کی پیشکش ہے، لہٰذا صارفین کو مشورہ دیا گیا ہے کہ وہ اس موقع سے بروقت فائدہ اٹھائیں۔
سوزوکی ایوری وی ایکس آر میں 5-اسپیڈ مینوئل ٹرانسمیشن اور 2ڈبلیو ڈی ڈرائیو سسٹم موجود ہے، جو بہتر فیول ایوریج اور مستحکم کارکردگی فراہم کرتا ہے۔
محفوظ ڈرائیونگ کے لیے گاڑی میں ڈوئل فرنٹ ایئر بیگز، اے بی ایس کے ساتھ ای بی ڈی، اموبیلائزر، سیکیورٹی الارم اور فرنٹ سیٹ بیلٹ پری ٹینشنرز شامل ہیں۔ اس کے علاوہ چائلڈ لاک، فرنٹ وائپرز، اور ہیڈ امپیکٹ پروٹیکشن انٹیریئر بھی فراہم کیا گیا ہے۔
یہ بھی پڑھیے: سندھ میں گاڑیوں کی نمبر پلیٹس کی تبدیلی کی تاریخ میں ایک بار پھر توسیع
اندرونی سہولیات میں مینول ایئر کنڈیشننگ (اینٹی بیکٹیریل فلٹر کے ساتھ)، پاور اسٹیئرنگ، سینٹرل لاکنگ، مینول ریٹریکٹ ایبل مررز اور فولڈنگ سیٹس شامل ہیں، جو کارگو اسپیس کو زیادہ لچکدار بناتی ہیں۔
کمپنی کا کہنا ہے کہ یہ آفر بجٹ کے لحاظ سے حساس صارفین کو متوجہ کرنے کی حکمتِ عملی کا حصہ ہے، تاہم شرائط و ضوابط لاگو ہوں گے، اور یہ رعایت صرف محدود وقت کے لیے دستیاب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سوزوکی قیمت گاڑی
پاکستان آئینی بحران کا شکار، عدلیہ کو آئینی ترمیم کے ذریعے یرغمال بنایا گیا، وزیراعلیٰ خیبر پختونخوا