معرکہ حق میں بھارت نے پاکستانی قوم کو یکجا کیا
اشاعت کی تاریخ: 11th, July 2025 GMT
آپریشن بنیان مرصوص دنیا کی نظر میں صرف ایک آپریشن کی حیثیت رکھتا ہوگا، مگر بندہ ناچیز کی نظر میں اس کا اثر بہت گھنہ اور گہرہ ہے۔
اس ملک کی تاریخ میں بڑے بڑے واقعات پیش آئے، توجہہ طلب پہلا بڑا واقع 14 اگست 1947 کو اس ملک کا قیام تھا، دوسرا 1965 اور1971 کی جنگیں تھیں، جو ہم نے اپنی بقا کے لئے اپنے دشمن سے لڑیں، 2019 میں دشمن کی ناپاک سازش کو ہم نہ صرف ناکام بنایا، بلکہ اس کو منہ توڑ جواب دے کر اس کے بخیے اکھیڑ کے رکھ دئے تھے۔
اب کی بار پاکستان کے ازلی دشمن بھارت نے وہ کیا، جو کوئی بھی غیرت مند ملک برداشت نہیں کرسکتا تھا، ہماری خودمختاری کو للکارا گیا تھا اور پھر جو پاکستان نے کیا اسکو دنیا نے دیکھا۔
جب بھارتی ڈرونز پاکستانی فضاؤں میں آئے اور ان کو ہمارے جوان ہماری مشینیں اور ہمارے لوگ گراتے رہے، اس بیچ ایک تصویر نے میری توجہہ اپنی جانب مبذول کرائی، جس میں ایک شہری اپنے ذاتی اسلحہ سے رینجرز کے جوان کے ساتھ ملکر دشمن کے ڈرون کو مار گرانے میں کامیاب ہوا، یہ وہ تاریخی لمحہ تھاجس کا اس قوم کو شدت سے انتظار تھا۔
اس جنگ میں جو رہی تو کچھ ہی گھنٹے، ہماری بہادر افواج نے بھارت کے حیران کن طور پر چھکے چھڑا دے اور انکو گھٹنوں پر لے آئے، کہیں سفید جھنڈے تو کہیں سیز فائر کی باتیں، کمال بات تو یہ کہ اس جنگ میں ہمیں لہو گرمانے کے لئے کسی ملی نغمے کسی جنگی ترانے کی ضرورت ہی محسوس نہیں ہوئی۔
کیونکہ ہمارے جوانوں کے ساتھ ہماری قوم ڈٹ کر کھڑی ہوگئی تھی، علی الصبح جب آپریشن بنیان مرصوص شروع کیا گیا تو کہیں کھیتوں میں کہیں سڑکوں پر ہمارے لوگ ہماری افواج کے ساتھ موجود تھے، دنیا یہ دیکھ کر دنگ رہ گئی کہ اتنے خطرناک مزائل چل رہے ہیں اور غیور قوم کے لوگ اپنی افواج کے ساتھ موجود ہیں۔
ان آنکھوں نے وہ لمحہ بھی قید کیا ہے جب پاکستانیوں نے جنگ سے واپسی پر اپنے بہادر سپوتوں پر پھولوں کی پتیاں نچھاور کیں، اورخاکسار کی آنکھوں کو وہ لمحہ بھی یاد ہے جب ناپاک سیاسی عزائم کو پانے کے خاطر چند برس قبل سیاسی بلوائیوں کے ہاتھوں فوجی جوانوں کی گاڑیوں پر سنگ باری کی گئی تھی۔
مجھے یہ کہنے میں کوئی آر نہیں کہ شکریہ بھارت تم نے وہ کردکھایا جو بڑے بڑے سیمینار، سیاسی تقاریر، بڑے بڑے جلسے نہ کرپائے، تم نے آپریشن سندور کے نام پر اپنے سیاسی عزائم تو پورے کیے یا نہ کیے ہم نے وہ حاصل کرلیا، جس کی یہ قوم پچھلی کئی دہائیوں سے متلاشی تھی۔
تقسیم میں پڑی یہ قوم اک بار پھر سے جی اٹھی، ہم نے نہ صرف دشمن کا غرور مٹی میں ملایا، ہم نے عالمی محاذ پر اپنے نام کے جھنڈے گاڑے، سپر پاور کے سپر صدر نے بھی کہہ دیا کہ پاکستانی کمال قوم ہے، 9 مئی سے پہلے اور 9 مئی کے بعد کے پاکستان میں زمین آسمان کا فرق ہے۔
بیساکھیاں ڈھونڈتی یہ قوم اور اسکے ادارے، اب تن تنہا اپنے دم پر کھڑے ہورے ہیں، یہ قوم کھڑی ہورہی ہے، امریکہ بھی پاکستان سے تجارت کا خواہاں ہے، وہ دن دور نہیں جب یہ ملک یہ قوم دوبارہ سے اٹھ کھڑی ہوگی ،انشاءاللہ۔ تو پھر کیوں نہ کہیں ہم شکریہ بھارت
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: آپریشن بنیان مرصوص فیلڈ مارشل معرکہ حق کے ساتھ یہ قوم
پڑھیں:
شعیب ملک کی بیٹے سے ملاقات پر سوشل میڈیا پر تنقید
سابق قومی کپتان شعیب ملک کی بیٹے کے ساتھ تصویر سوشل میڈیا پر موضوع بحث بن گئی۔
شعیب ملک نے حال ہی میں اپنے بیٹے اذہان مرزا ملک کے ساتھ دبئی میں دوپہر کے کھانے کی تصویر سوشل میڈیا پر شیئر کی جو سوشل میڈیا صارفین کی توجہ کا مرکز بن گئی۔ اس تصویر کے ساتھ کیپشن میں انہوں نے لکھا: "اپنے بہترین دوست کے ساتھ لنچ۔”
یہ پوسٹ اس وقت سامنے آئی جب شعیب ملک اپنی ذاتی زندگی میں اہم تبدیلیوں سے گزر رہے ہیں، جن میں بھارتی ٹینس اسٹار ثانیہ مرزا سے طلاق اور اداکارہ ثنا جاوید سے دوسری شادی شامل ہے۔
اس تصویر پر سوشل میڈیا صارفین کی جانب سے مختلف ردعمل دیکھنے میں آیا۔ کئی صارفین نے کہا کہ صرف ملاقات یا کھانے پر لے جانا والد کی ذمہ داری پوری نہیں کرتا۔
ایک صارف نے لکھا کہ "بچے کو وقت دینا اور اس کی مکمل ذمہ داری لینا بھی ضروری ہے۔” کچھ نے طلاق پر افسوس کا اظہار کرتے ہوئے کہا کہ اگر دونوں سمجھداری سے کام لیتے تو علیحدگی سے بچا جا سکتا تھا۔
یاد رہے کہ شعیب ملک کا کرکٹ کی دنیا میں نمایاں کردار رہا ہے تاہم ان کی ذاتی زندگی ہمیشہ تنقید کی زد میں رہی ہے جس کی وجہ سے انہیں اکثر مشکلات کا سامنا بھی رہتا ہے۔
TagsShowbiz News Urdu
چلاس اور بونجی میں گرمی عروج پر، 28 سالہ ریکارڈ ٹوٹ گیا