UrduPoint:
2025-07-12@14:50:05 GMT
مون سون بارشوں کا طوفانی سپیل، ملک کے مختلف علاقوں میں موسلادھار بارشیں ، ندی نالوں میں طغیانی، فیڈر بند ہونے سے بجلی کی فراہمی معطل
اشاعت کی تاریخ: 12th, July 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔12 جولائی ۔2025 )مون سون بارشوں کا طوفانی سپیل،ملک کے مختلف علاقوں میں موسلادھار بارش سے جل تھل ایک ہوگیا جبکہ ندی نالوں میں طغیانی آگئی، ہنگو میں بارش کے دوران مکان کی چھت گرنے سے ایک شخص جاں بحق ہوگیا . این ڈی ایم اے نے پنجاب، کے پی اور بلوچستان کے لیے 17جولائی تک بارشوں اور ممکنہ سیلاب کے خطرے کا الرٹ جاری کر دیا محکمہ موسمیات کے مطابق پنجاب کے مختلف شہروں لاہور ، ملتان، فیصل آباد، بہاول پور، چنیوٹ، رحیم یارخان، لودھراں، راجن پور، جھنگ، خوشاب اور سرگودھا میں موسلا دھار بار شیں ریکارڈ کی گئیں.
(جاری ہے)
لاہور میں مال روڈ، گلشن راوی، داتا دربار، اسلامپورہ، ڈیوس روڈ لکشمی چوک میں بارش ہوئی، ٹھنڈی ہوائیں چلنے سے گرمی کی چھٹی ہوگئی، کئی علاقوں میں فیڈر بند ہونے سے بجلی کی فراہمی معطل ہوگئی ادھر صوبہ سندھ کے علاقے تھرپارکر میں بھی تیز بارش سے موسم خوشگوار ہوگیا جبکہ ہنگو میں بارش کے دوران مکان کی چھت گرنے سے ایک شخص جاں بحق ہوگیا. محکمہ مو سمیات آئندہ 24گھنٹوں میں بھی پنجاب، شمال مشر قی بلو چستان، بالائی خیبر پختونخوا، کشمیر اور گلگت بلتستان میں چند مقامات پر بارش کی پیش گوئی کی ہے اس حوالے سے این ڈی ایم اے نے پنجاب، کے پی اور بلوچستان کے لیے 17جولائی تک بارشوں اور ممکنہ سیلاب کے خطرے کا الرٹ جاری کر دیا ہے کوہ سلیمان کے پہاڑی علاقوں میں موسلادھار بارشوں سے ندی نالوں میں طغیانی آگئی، فلڈ کنٹرول روم کے مطابق برساتی نالےچھاچھڑ میں اونچے درجے کا سیلاب ہے، چھاچھڑ میں 48 ہزار 901 کیوسک ریلا گزر رہا ہے، جس کی وجہ سے برساتی ندی نالوں کا فلڈ الرٹ جاری ہے اور برساتی ندی نالوں کے قریبی آبادی کو محتاط رہنے کے اعلانات کیے جا رہے ہیں. فلڈ کنٹرول روم کے مطابق نالہ کاہا سلطان 5 ہزار647 اور نالہ پٹوک 4 ہزار 629کیوسک ریلاگزر رہا ہے، نالہ زنگی میں 5 ہزار 547، سوری شمالی میں3 ہزار 340 اورکالابگا 1340کیوسک کاریلا گزر رہا ہے دوسری جانب دریائے سندھ میں پانی کی سطح میں مسلسل اضافہ جاری رہے، کوٹ مٹھن کے مقام پر 3لاکھ 61 ہزار 741کیوسک پانی گزر رہا ہے، حالیہ بارشوں کے باعث دریائے راوی میں پانی کے بہاﺅ میں بھی اضافہ ہوا ہے جبکہ دریائی بیلٹ میں کاشت فصلیں دریا برد ہونے سے کاشتکار پریشان ہوگئے ہیں. ادھر گلگت کے مضافاتی علاقوں میں بادل پھٹنے اور موسلا دھار بارش کے بعد سیلاب نے تباہی مچادی، ہزاروں کنال اراضی پرکھڑی فصلیں تباہ ہوگئی،گھروں اورمویشی خانوں کو بھی نقصان پہنچا ہے محکمہ موسمیات کاکہنا ہے کہ آئندہ چند روز تک موسم ابرآلود رہےگا،کہیں ہلکی کہیں تیز بارش اور آندھی کا امکان ہے،سیلاب کی وجہ سے گلگت غذرشاہراہِ پر بھی ٹریفک معطل ہوگئی جبکہ پی ڈی ایم اے پنجاب نے ڈیرہ غازی خان اور راجن پور کے رود کوہیوں میں فلڈ بارے الرٹ جاری کر دیا. پی ڈی ایم اے کے مطابق ڈیرہ غازی خان اور راجن پور رودکوہیوں میں درمیانے درجے کے سیلاب کا خدشہ ہے، ترجمان پی ڈی ایم اے کے مطابق کمشنر ڈیرہ غازی خان، ڈپٹی کمشنر ڈیرہ غازی خان اور راجن پور کو ممکنہ صورتحال بارے الرٹ جاری کر دیا، ریسکیو 1122 کو تمام تر انتظامات پیشگی مکمل کرنے کی ہدایات کی گئی ہیں. لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو الرٹ جاری کر دیا گیا ہے ڈی جی عرفان کاٹھیا نے کہا کہ ترجمان وزیر اعلی پنجاب کی ہدایات کے پیش نظر تمام تر انتظامات پیشگی مکمل کریں، ایمرجنسی کنٹرول رومز میں سٹاف کو الرٹ رکھا جائے، ریسکیو 1122 کی ڈیزاسٹر رسپانس ٹیموں کو بھی ہائی الرٹ رکھا جائے. عرفان کاٹھیا نے کہا کہ ریسکیو آپریشن کے لیے پٹرول و ڈیزل کا سٹاک وافر مقدار میں ہونا چاہیے، عوام الناس کو موجودہ صورتحال سے لمحہ بہ لمحہ آگاہ رکھا جائے، دریاں کے پاٹ میں موجود مکانوں اور مویشیوں کے انخلا کو یقینی بنائیں ڈی جی پی ڈی ایم اے نے کہا کہ فلڈ ریلیف کیمپس میں خوراک، پینے کے صاف پانی و دیگر سہولیات کی فراہمی کو یقینی بنایا جائے، عوام جاری کردہ احتیاطی تدابیر پر عمل کریں. انہوں نے کہا کہ ہنگامی انخلا کی صورت میں انتظامیہ سے تعاون کریں، حکومت پنجاب آپ کا اور آپ کے مال مویشیوں کا پوری طرح سے خیال رکھے گی، شہری ایمرجنسی کی صورت میں پی ڈی ایم اے کی ہیلپ لائن 1129 پر رابطہ کریں. بلوچستان میں مون سون کی طوفانی بارشوں کے باعث 31 افراد لقمہ اجل بن گئے، جاں بحق افراد میں 4خواتین اور 5 بچے بھی شامل ہیں پی ڈی ایم اے نے بلوچستان میں مون سون بارشوں سے ہونے والے نقصانات کی رپورٹ جاری کردی بلوچستان میں 28 جون سے شروع ہونے والی طوفانی بارشوں سے اب تک خواتین اور بچوں سمیت 31 افراد جاں بحق ہوئے رپورٹ کے مطابق اموات کے واقعات ژوب،زیارت،موسی خیل، خضدار، لورالائی، لسبیلہ اورکوہلو میں رپورٹ ہوئے، جاں بحق ہونے والوں میں 4خواتین اور5بچے شامل ہیں پی ڈی ایم اے کی رپورٹ میں مزید کہا گیا ہے کہ بارشوں کے باعث مختلف حادثات میں 8 افراد زخمی ہوئے، صوبے کے متاثرہ اضلاع میں امدادی سرگرمیاں جاری ہیں.
ذریعہ: UrduPoint
کلیدی لفظ: تلاش کیجئے الرٹ جاری کر دیا ڈیرہ غازی خان پی ڈی ایم اے ڈی ایم اے نے علاقوں میں ندی نالوں نے کہا کہ کے مطابق راجن پور رہا ہے
پڑھیں:
مون سون بارشوں کا تیسرا اسپیل،الرٹ جاری ، پنجاب اور کے پی میں بارشیں متوقع
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔11 جولائی ۔2025 )ملک کے مختلف شہروں میں 17 جولائی تک بارشوں کی پیشگوئی کی گئی ہے۔(جاری ہے)
پی ڈی ایم اے پنجاب نے مون سون بارشوں کے تیسرے اسپیل کا الرٹ جاری کرتے ہوئے 11 سے 17 جولائی تک پنجاب کے بیشتر اضلاع میں آندھی اوربارشوں کی پیشگوئی کی ہے. ترجمان پی ڈی ایم اے کے مطابق اسلام آباد، راولپنڈی، مری، اٹک، چکوال، جہلم، منڈی بہاالدین،گوجرانولہ، حافظ آباد اور وزیرآبادمیں بارشیں متوقع ہیں جب کہ لاہور، شیخوپورہ، سیالکوٹ، نارووال، ساہیوال اور جھنگ میں بھی بارشوں کا امکان ہے اس کے علاوہ ٹوبہ ٹیک سنگھ، ننکانہ، چنیوٹ، فیصل آباد، اوکاڑہ، قصور، خوشاب، سرگودھا، بھکر او رمیانوالی میں بھی شدیدبارشوں کی پیشگوئی ہے.
ترجمان نے بتایا کہ 13 سے 17 جولائی کے دوران بہاولپور، بہاولنگر، ڈی جی خان، ملتان ، مظفرگڑھ، خانیوال، لودھراں، راجن پور، رحیم یارخان اورلیہ میں بھی گرج چمک کےساتھ بارش متوقع ہے دوسری جانب کشمیر ، گلگت بلتستان میں گرج چمک کےساتھ بارش کا امکان ہے جبکہ مری اور گلیات میں لینڈ سلائیڈنگ کا خدشہ ہے. خیبر پختونخوا کے علاقوں میں بھی 13 سے 17 جولائی کے دوران آندھی اور بارش کی پیشگوئی ہے پی ڈی ایم اے کے مطابق خیبر پختونخوا میں موسلا دھار بارشیں 17 جولائی 2025 تک وقفے وقفے سے جاری رہیں گی، دیر، سوات، چترال، کوہستان اور مالاکنڈ سمیت کئی اضلاع میں بارش کا امکان ہے پشاور، مردان، نوشہرہ، صوابی اور ایبٹ آباد میں گرج چمک کے ساتھ بارش متوقع ہے. پی ڈی ایم اے کا کہنا ہے کہ 14 تا 17 جولائی 2025 ندی نالوں میں طغیانی اور لینڈ سلائیڈنگ کا خدشہ ہے جبکہ مانسہرہ، ایبٹ آباد، چترال اور کوہستان میں مقامی ندی نالوں میں طغیانی کا خطرہ ہے ضلعی انتظامیہ کو الرٹ جاری کر کے پیشگی اقدامات کی ہدایت کر دی گئی جبکہ ریسکیو 1122 اور امدادی ٹیموں کو تیار رہنے کا حکم دے دیا گیا حساس مقامات و شاہراہوں پر ٹریفک کنٹرول کیلئے اقدامات کی بھی ہدایت کی گئی پی ڈی ایم اے نے ہدایت کی کہ ندی نالوں کی صفائی یقینی بنائی جائے کیونکہ اربن فلڈنگ کا خطرہ ہے اتھارٹی نے کسانوں کو فصل کی جلد کٹائی اور محفوظ ذخیرہ کرنے، قومی و صوبائی شاہراہوں پر محتاط ڈرائیونگ اور متبادل راستوں کے استعمال کی ہدایت کی ژالہ باری و آندھی کے دوران عوام محفوظ مقامات پر پناہ لیں، ایمرجنسی سروسز فعال ہے لہذا عوام 1700 پر اطلاع دیں، موسمی الرٹس مقامی زبانوں میں نشر کرنے کی ہدایت بھی کی گئی. دریں اثناء صوبائی ڈیزاسٹر مینجمنٹ اتھارٹی پنجاب نے مون سون بارشوں سے ہونے والے نقصانات کی رپورٹ جاری کردی پی ڈی ایم اے کے مطابق رواں سال مون سون بارشوں میں 39 شہری جاں بحق اور 103افراد زخمی ہوئے پی ڈی ایم اے نے بتایا کہ بوسیدہ عمارتیں گرنے کے واقعات میں 24 افراد جاں بحق ہوئے، آسمانی بجلی گرنے سے 3، کرنٹ لگنے سے 4 اور 8 افراد ڈوب کرجاں بحق ہوئے. پی ڈی ایم اے کے مطابق پنجاب کے بیشتر دریاں میں پانی کا بہا معمول کی سطح پر ہے جبکہ چشمہ کے مقام پر درمیانے، کالاباغ اور تونسہ کے مقام پر نچلے درجے کا سیلاب ہے جبکہ مون سون بارشوں کاسلسلہ 17 جولائی تک جاری رہنے کا امکان ہے.
بریڈ پٹ کی فلم ’F1‘ نے دنیا بھر سے کتنے ملین ڈالرز کمالیے؟