ہماری حکومت کی اولین ترجیح کسانوں کا مفاد ہے، نریندر مودی
اشاعت کی تاریخ: 7th, August 2025 GMT
بھارتی وزیراعظم نے کہا کہ ہمیں معلوم ہے کہ ہمیں اس موقف کی بھاری قیمت چکانی پڑ سکتی ہے لیکن میں اس کیلئے تیار ہوں۔ اسلام ٹائمز۔ امریکہ کی جانب سے ٹیرف حملوں کے درمیان بھارتی وزیراعظم نریندر مودی نے کسانوں کے حق میں دو ٹوک بیان دیا ہے۔ انہوں نے واضح کیا ہے کہ ہندوستان اپنے کسانوں، ماہی گیروں اور مویشی پالنے والوں کے مفاد پر کبھی کوئی سمجھوتہ نہیں کرے گا، چاہے اس کے لئے کتنی ہی بڑی قیمت کیوں نہ چکانی پڑے۔ نئی دہلی میں منعقد ایم ایس سوامی ناتھن صد سالہ بین الاقوامی کانفرنس سے خطاب کرتے ہوئے نریندر مودی نے کہا کہ ہماری حکومت کی اولین ترجیح کسانوں کا مفاد ہے۔ انہوں نے کہا کہ ہمیں معلوم ہے کہ ہمیں اس موقف کی بھاری قیمت چکانی پڑ سکتی ہے لیکن میں اس کے لئے تیار ہوں، میرے ملک کے کسانوں، مویشی پالنے والوں اور ماہی گیروں کے لئے آج ہندوستان ہر چیلنج کے لئے تیار ہے۔
بھارتی وزیراعظم مودی نے کہا کہ ان کی حکومت کسانوں کی آمدنی بڑھانے اور کھیتی کی لاگت کم کرنے کے لئے مسلسل کام کر رہی ہے۔ انہوں نے دعویٰ کیا کہ ملک میں سویابین، سرسوں اور مونگ پھلی کی پیداوار ریکارڈ سطح پر پہنچی ہے۔ انہوں نے کہا کہ ہم نے کسانوں کی طاقت کو ملک کی ترقی کی بنیاد مانا ہے۔ انہوں نے کہا کہ ہماری تمام اسکیمیں صرف مدد فراہم کرنے کے لئے نہیں بلکہ کسانوں میں اعتماد پیدا کرنے کے لئے بھی رہی ہیں۔ انہوں نے بتایا کہ پی ایم کسان سمان ندھی اسکیم نے چھوٹے کسانوں کو معاشی طاقت دی ہے۔ پی ایم فصل بیمہ یوجنا نے انہیں قدرتی آفات کے خطرات سے تحفظ فراہم کیا ہے۔
انہوں نے کہا مکہ پی ایم کرشی سنچائی اسکیم نے آبپاشی کی دشواریوں کو کم کیا ہے، جب کہ کوآپریٹو اداروں اور سیلف ہیلپ گروپس کو دی جانے والی مالی مدد نے دیہی معیشت کو تقویت بخشی ہے۔ نریندر مودی نے زور دے کر کہا کہ ان تمام پالیسیوں کا مقصد کسانوں کو خود کفیل بنانا اور ان کی آمدنی کے نئے ذرائع پیدا کرنا ہے۔ واضح رہے کہ حال ہی میں امریکہ کے صدر ڈونلڈ ٹرمپ نے ہندوستان پر اضافی ٹیرف عائد کرنے کا اعلان کیا ہے، جس کے بعد دونوں ملکوں کے درمیان تجارتی کشیدگی بڑھ گئی ہے۔
ذریعہ: Islam Times
کلیدی لفظ: انہوں نے کہا نے کہا کہ کہ ہمیں کیا ہے کے لئے
پڑھیں:
قوانین کا مقصد عوامی مفاد ہے، سیاسی انتقام کے نکات نکال دیے جائیں گے، وزیراعلیٰ سہیل آفریدی
وزیراعلیٰ خیبر پختونخوا محمد سہیل آفریدی کی زیر صدارت اعلیٰ سطحی اجلاس منعقد ہوا جس میں 3 ایم پی او، 16 ایم پی او اور دفعہ 144 کے حوالے سے تفصیلی غور و خوض کیا گیا۔
وزیراعلیٰ سہیل آفریدی نے اجلاس میں کہا کہ ہر قانون کے مثبت اور منفی پہلو ہوتے ہیں اور انہیں سیاسی دباؤ یا انتقامی کارروائی کے لیے استعمال نہیں ہونے دیا جائے گا۔ انہوں نے کہا کہ آزادی اظہار رائے اور پرامن احتجاج ہر شہری کا بنیادی حق ہے۔
یہ بھی پڑھیے: اختیار ولی کے وزیر اعلیٰ سہیل آفریدی پر الزامات سراسر جھوٹ اور پروپیگنڈا ہیں، مینا خان آفریدی
وزیراعلیٰ نے مزید کہا کہ احتجاج کے حق اور عوامی سہولت کے درمیان توازن کے لیے نیا لائحہ عمل تیار کیا جائے گا تاکہ احتجاج کے دوران عوام کو کسی قسم کی تکلیف نہ ہو۔ انہوں نے بانی چیئرمین عمران خان کے وژن کے مطابق قوانین کو مزید بہتر بنانے کی ضرورت پر زور دیا۔
اجلاس میں وزیر قانون آفتاب عالم کی زیر نگرانی 4 رکنی کمیٹی مجوزہ قوانین میں اصلاحات کی سفارشات پیش کرے گی۔ سہیل آفریدی نے کہا کہ سیاسی انتقام کے امکانات والے نکات قوانین سے نکالے جائیں گے اور قوانین کا مقصد صرف عوامی مفاد اور فلاح ہے۔
یہ بھی پڑھیے: ایک ریاست، دو دستور کے کلچر کو ختم کرنے آئے ہیں، وزیر اعلیٰ سہیل آفریدی کا وکلا سے خطاب
انہوں نے واضح کیا کہ عوام کی جان و مال کا تحفظ اور سہولیات کی فراہمی حکومت کی اولین ترجیح ہے۔ اجلاس میں وزیر قانون آفتاب عالم، چیف سیکرٹری، سیکرٹری ہوم اور ایڈووکیٹ جنرل بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب کے 3 حلقوں میں ضمنی انتخابات کی نئی تاریخ مقرر